網頁

2023年1月17日星期二

晚餐之翠瓜炒牛柳粒

今日搞掂各人出門後,約咗家姐食午餐,去到家姐家幫她處理好一些事就喺她家附近的餐廳簡單食,而家食嘢真喺唔平,可能又喺午餐時間,只喺食碗2餸米加埋杯飲品就要52蚊左右,家姐就叫咗件豬扒三文治全走,只喺2塊好薄的麵包放一塊好薄的豬扒就33蚊飲品另加12,唔係成日食就算,掛住同家姐講,人又太多,食完就離開,之後就買餸回家,今晚就用咗昨晚淨少少的豆漿湯去煮意粉,意粉點煮都好味,之前包意粉以為唔多,出水後太多食咗幾餐,買咗羊腩加埋蘿蔔先煮淋個羊,攞咗些少加埋菜就變咗羊腩湯,焗咗雞寶再炒多個翠瓜牛柳粒,齊人又開飯





呢個翠瓜炒牛柳粒炒完加少少鹽同黑糊椒,啲囡食到唔停口
材料:牛扒2塊,脆瓜一條,干蔥3-4粒,椒各一細只(可落可唔落)
先將干蔥切細,翠瓜洗淨切大粒,牛扒切大粒
先爆香干蔥
有香味加入牛柳粒煎香2邊
炒勻
加入翠瓜同椒炒勻
最後加入鹽同黑椒炒勻
試味就可上碟
淨返一碗湯又唔想加水就無咩味,加啲栗米同一礶吞拿魚加埋意粉煮一煮簡單又好味
先將栗米同吞拿炒一炒
加埋碗湯煮一煮
試味後加埋意粉炒勻就搞掂




2023年1月16日星期一

晚餐之豆漿雜錦鍋

星期一都喺繁忙的,個個都正常工作,只有我還在休假中,一早5點幾起身準備早餐同午餐盒比老公,老公六點半出門,多數會多瞓一個鐘左右準備2個囡的午餐後自己簡單食早餐,洗衫,清潔上下綱,今日約咗人午餐搞掂就出門,本來約咗食火鍋,朋友話訂枱點知話咁早可walk in 去到又話full 哂搞到朋友她嬲,一心想試最後改咗去食日本嘢丸十我都喺第一次食,真喺又貴又普通叫咗3樣都差唔多要500蚊,朋友覺得同圖相差好遠話食完轉去第二道飲嘢同食甜品,最後朋友趕時間就埋單各自離開,本來想行一陣最後都喺搭車買餸回家,今晚簡單整個意粉,焗菇同用盒豆漿做湯底(可能大家用清雞湯做湯底多,我就好少用今次因為盒豆漿就嚟到期所以唔好浪費,之前煮素菜煮湯就用得多味道都好好)加咗菜,脆鯇,肥牛同餃子,簡簡單單又一餐




淨咗小小豬肉加咗干葱蒜頭炒一炒
釀入大蘑菇
又淨啲加些少蕃茄仔炒一炒
一盒豆漿加一盒细豆腐,菜脆鲩同肥中滾一滾
先放菜係底再放豆腐同魚一
加入豆漿
先滾熟
最後放肥牛滾起試味就搞掂
午餐的前菜柚子蝦沙律
煎牛小排個圖係好多件切好的條点知一塊牛扒自己切
明太子蛋卷,圖明太子應該係生而且好靚好似壽司咁点知原來係咁



2023年1月14日星期六

晚餐之酸菜魚,蝦膠釀甜椒

今日又星期六,個個都唔洗返工,雖然唔需要5點幾起但都8點幾就起身,今日好潮濕啲衫又唔乾,日日都好多衫好彩有部份可以乾,用咗二十年的抽濕機舊年壞咗,諗住換咗部有埋乾衣的洗衣機所以都唔急買,今日老公休息就出去周圍行,一出門口出面好濕周圍都有水,就同老公講有時間都要去睇下,周圍行睇下午餐食咩好,點知無啦啦見到有抽濕機睇睇下比個sale講講下就買咗,因為老公見咁濕就唔等送貨自已攞,超重最後直接回家,我就自己去買餸後先回家,今晚又齊人,阿囡話食粉麵咁就簡單煮個酸菜魚,買咗蝦滑同魚肉釀甜椒,淨咗加埋入酸菜魚到,今次買咗脆鯇做酸菜魚米線,之前用諗魚柳,但最近發覺諗魚柳都喺麻麻,啲囡又喜歡脆鯇,再焗幾個大啡菇同灼多碟菜,簡簡單單又開餐

今次酸菜魚加咗啲囡喜愛的脆肉鯇無用諗魚柳

甜椒釀蝦滑


芝士肉碎釀大啡菇

2023年1月13日星期五

晚餐之翠瓜甜椒炒麻辣雞

今日午餐約咗同學食午餐,本來去食素後來因晚餐唔洗煮想早啲出嚟傾就改咗去飲茶,今晚齊人晚餐就煲湯先出門,順便攞壺出去呢個同學好鐘意飲湯特別她的仔仔每次嚟我家一定飲幾碗,疫情後都無再招呼有時約出嚟又有煲湯就一定攞比她,順便焗腰果同整咗糖都攞些少出去,飲完茶行一陣就各自回家,買完餸去超市睇下,見到甜椒做特價30蚊2包就買咗,今晚阿囡又想雞煲加打邊爐,但已經煲咗湯,咁就煮麻辣雞加多個翠瓜同些少甜椒做餸,魚片炒娃娃菜同肥牛,齊人又開飯




阿囡知唔係打邊爐又好想食咁就買回來
先煮好個雞最後先加翠瓜同甜椒咁翠瓜先唔會炒到淋哂


送給同學的新年禮物
咁啱同學又給我試食呢款朱古力話好好味



2023年1月12日星期四

晚餐之炒貴刁

今日同平時一樣,搞掂各人出門就簡單食早餐跟住洗衫,清潔上下綱,時間都過得好快,今日在家又整下包同小食,午餐食完就出去行下,今晚只得我同老公食,老公話放工同我出去食唔洗煮叫我諗下食咩,最後都喺買咗嘢回家煮,出去食都喺餐廳炒粉麵或食扒,今晚2個簡單炒個粉喺老公最喜歡加個魚肉生菜有湯有菜,河粉一斤今日加多一蚊都喺8蚊,加咗芽菜同蝦炒完好大碟四個食就最好,但都無所謂淨咗就留明天,簡簡單單又開餐


炒貴刁

生菜魚肉湯