網頁

2023年1月12日星期四

賀年食品之笑口棗

今年過年前就完工,本來2月預產期的媽媽提早過年前開刀,應該年27/28就開工,但我吔過年初一到初三開工就會雙計,所以我都同媽咪解釋清楚呢幾日我哋休息,返就雙計等她們自己缺定,見有時間就整下啲賀年小食,自轉呢行都無時間整,多數都要返工,之前整咗油角今次整笑口棗可以比家姐,她最喜歡所以都會去買嚟食,今次有時間以整下

材料:底粉300g,糖100g,蛋一只,
開心果50g,水60g,泡打粉3g,梳打粉3g,
吉士粉18g,油37g,芝麻4兩
先將底粉,泡打粉,梳打粉同吉士粉撈勻放一邊
蛋同糖撈勻
加入水再撈勻
加入粉拌勻

再加入開心果碎
最後加油再撈勻
撈勻後放入一邊大約十分鐘
準備芝麻,水喺用嚟濕麵團後芝麻就會黏得實

黏上芝麻後放埋一邊
準備油當油開始有氣泡就關爐
放入笑口棗
見到笑口棗浮上面後就可開大火,見到開始金黃色就可以攞起,關火喺令到笑口棗唔會外燶入面未熟跟住開大火就會令笑口棗開始全熟又唔會過火同迫返啲由出就唔會覺油
金黃好鬆脆



2023年1月11日星期三

晚餐之同學慶祝生日在百樂

今日以為好得閒,搞掂各人出門就做好清潔整埋包,今晚約咗同一月生日的同學慶祝,點知7月中媽問午餐後有時間想約我出去傾,諗住唔需要準備晚餐就順便出去傾完後去食飯,準備咗整笑口棗就留明天,食咗少少嘢就搭車出去,因為唔太識路所以早啲出去搵,中環啲地方唔同哂,記得第二份工就喺環球大廈做咗大半年,去到用埋Google map問埋人都搵咗大半個鐘先搵到,最好笑問咗個速遞諗住一定知,他就話果條街再向果邊行再講多句話應該close咗我就我出奇,無理由個媽咪唔知再查下見到喺營業中,最後等埋個媽咪同她老公坐底傾, 傾下講下最後簽埋約後就各自離去,走時個媽咪教我搭車,點知我又行咗好耐先搵到車過返九龍,最初以為搭2個站好快到,點知好多條線行上行落最後差唔多七點先到,今晚又去百樂人唔多,食物都幾好,今次每人還有一煲仔鮑魚加花膠配金湯,但同學話喺湯或配鮑魚汁會好啲,我就覺得幾好,今晚食物差咗,唔夠熱,燒牛肉太硬,好多都比上次差,12月頭食過就無生日優惠,長腳蟹好細又麻麻,未到9點就開始收嘢真喺第一次見,正常9點半先收,收前都會講聲,我哋見咁都拿拿聲食蛋糕唱生日歌同比禮物,搞到好趕咁甜品都唔多,她們只喺食雪糕,到9點半只淨我哋,啲嘢已經清走哂同執枱,唔走都唔得,通常我哋會9點半先開始影相食蛋糕坐到十點左右先走,感覺好離譜大家都喺到講,最好笑見到一幕就喺啲人攞格餅要加配料搵唔到問時,見個伙記已經收起剛想攞入去,另一個就叫住比個人加埋時,如果喺咁應該講明到9點就唔喺9點半,可能又要搵個新地方聚

呢個魚生都算幾好

呢個就喺每人一份的鮑魚花膠
長腳蟹好瘦
呢個酸辣鴨血同學話好味
鮑魚粥但無料
火焰雪糕蛋糕每次好多人第一次試,同學話好食,啲cream 好重酒味
片皮鴨只得一細件鴨皮有2塊太厚好難食
燒牛肉同學話好硬唔好味
部份熱盤,鮑魚蒸蛋雖然半只但啲蛋都算好味,生蠔唔熱有啲腥,炸蝦都可以
燒烤部份食物,羊架太肥,腸太咸
呢個叫西蘭花忌廉湯,但就咁睇完全唔似但飲落有西蘭花味




賀年食品之油角仔

呢幾年專咗做陪月,過年咁啱都開工所以好忙都無時間整新年食品,而且疫情心情更加無心情整,今年咁啱完工有時間休息,本來過年前都應該開工,因為2月的媽咪提早下星期開刀,正常年29就出院我就要開工,因為過年我哋呢行會收雙工,我都有解釋比媽咪知通常有人幫手,我就過完年先返,舊年都一樣完工休咗初一到初三,初四就開新工,呢個媽咪就她彩我已休息出院答應媽咪免費過去跟跟,初4/5先正式開工,今日突然好想整下油角同笑口棗,但整完角仔已經到晚餐時間,搵日有時間再整,今次分享一下

皮材料:蛋一只,糖15g,水40g,油25g,
底粉175g
餡料:椰絲2湯匙,花生5湯匙,芝麻2湯匙,
糖隨個人
餡料:花生脫皮焗脆蘑碎加入芝麻椰絲同糖撈勻

蛋先同糖撈勻
篩入麵粉
撈勻加入水
如果唔夠可再加些少,因為每只粉吸水力唔同
最後加油再撈勻到唔黏手就可以
將麵團放一邊鬆馳十分鐘左右
先將麵團展平後蓋上自已大細的圓圈

放入餡料
先將2邊封口按實
摺好就先放埋一邊

油搵見筷子有泡就可以
熄火後放入角仔,當見到浮起就可再開中火
見到2邊都開始金黃
開大火迫返啲油出嚟就唔會太油
金黃色就可以



2023年1月10日星期二

晚餐之芝士焗吞拿魚栗米意粉

今日無約人在家無所事事搵嘢搞,整下包包之後出去買餸後回家還早,突然想起幾年都無整新年食品,家中咩嘢都有先炒咗花生放涼,開工時晚晚都一煲過,而家休息又想煮啲家人喜歡的,今晚又食西餐只喺煎牛扒,魚,腸同雞寶加多個意粉同菜,煲埋個豆腐蘑菇湯齊人就開餐

一人一杯湯
芝士吞拿魚栗米焗意粉

鮑菇炒西蘭花
各自攞喜歡的,囡囡話好似食自助餐
學人將包做下型

今次只狗仔都幾似,焗完都無走樣,老公見到話她得意唔舍得食,上次只兔仔焗完就完全唔似
好成功的油角,太耐無整,阿囡話好好味