快樂的馬家

2020年6月7日星期日

完工後出外搵食的第一餐同家姐阿妹在官塘大瀛喜

自從過年後都無出嚟食過嘢，今日家姐話太耐無見，環境又好似好啲就出嚟食嘢傾下，家姐提議食放題，自己覺得銅鑼灣滿屋就最好，但太耐無去都唔知咩環境又星期日怕交通好麻煩，最後搵咗官塘呢間，因為早個月家姐話同啲同事食過都幾好，因為無訂枱所以要等，估唔到都好多人，我哋食5點要7點就交枱，2個鐘就好似好急，坐低要裝個app落單，如果唔識搞都唔知會唔會無得食，哈哈哈，搞掂完就開始，初初都唔識搵後來先知都容易，如果唔清楚都可以問，但感覺食物種類唔夠滿屋多，魚生就6款左右，因為大家好多都唔食，所以樣樣少少，如果食得魚生就好抵食，樣樣食少少都已經好飽，甜品都喺唔多選擇，雪糕只有牛奶公司，最後都無咩點食甜品，大至上都可以二百幾蚊都算喺咁，傾下講下好快2個鐘就要埋單，可能太耐無聚太開心之後周圍行下就各自回家

食物都嚟得好快

黑松露帶子可再encore

牛肉鍋就一般

魚生好新鮮

蟹子海鮮船都好好味

鮑魚壽司都唔錯

金銀蛋皇帝菜就咸咗些少

呢個芒果卷好好味

花膠好大塊好軟淋

呢個燕窩都好足料

2020年6月6日星期六

話咁快又順利完成2個半月的陪月工作

時間過得好快，不經不覺做咗2個半月，今日last day, 每次完工都好唔舍得，囡囡可能都唔舍得，呢2日特別扭搞到好忙，之前都唔洗點抱喺床到搖下就得，但呢2日要抱先瞓，放床就咸搞到每餐都邊煮邊洗，媽咪幫手睇住先得，後來同她講我放假就一定回去探她，叫她要瞓覺等我做完啲嘢先，跟住真係好乖瞓咗，我就趕緊完成手頭工作，因為呢個媽媽好幸福無咩點做過嘢，由細到大都有工人同婆婆照顧，我又想她繼續補到100日，所以整定炒米茶包，有黨參包，黑豆同黑杞子，又燉多個湯明天有得飲，準備好哂嘢又清潔好哂同執好自己的物品，搞到7點半先走，今日好開心呢個媽咪好客氣買咗蛋糕還叫老爺奶奶過嚟一切食，通常完工收到信同利市，今次收到好多禮物好開心，媽咪知我喜歡飲咖啡，已經每日都會專登沖一杯比我，而家還送咗4條stackbuck同清潔用品，我話好好用教她遲啲工人嚟就教她幾日清潔一次，點知她又送咗一套比我，還有大大的利市真係好多謝她們，大女還專登畫咗二幅畫同唱出畫的心聲好得意好開心，喺度祝她們一家健康快樂，囡囡活潑幸福地成長

蛋糕喺家姐仔話要呢個，真係好好味，送咗2幅畫我非常開心

媽咪好有心思的信，多謝晒

雖然好忙都整返個家姐仔最喜歡的提子蛋糕

桂花小丸子

呢個雞蛋仔喺晨咁早在家整好帶去比家姐仔，講咗好耐今日終於有得食，每個雞蛋仔都有提子

BB出世回家時好細粒，只有2.2kg

滿月已經有差唔多4kg, 表情多多喺個開心果

個半月左右就自己攞住嘢好開心的樣子

有時間就陪家姐整下蛋糕

成品一出就第一時間同貓貓分享

媽咪買咗呢個未用過,我就同它剪綵，家姐仔一出爐就立即食咗2個超喜歡

又整下公仔包包，好有諗頭

又係一出爐同貓咪分享

又做下公仔麵做午餐喺家姐仔最鍾意

2個月已有5kg 肥do do好得意

呢個南瓜餅個媽咪最喜歡，話可以日日食，唔食整其它做下午茶

燉肉汁配菜心煎餃

生煎包

滿月唔少得我親手做的蛋糕同紅雞蛋比她們希望她們健康開心幸福快樂

呢個格仔餅媽咪同家姐仔都好喜歡

放假都會準備啲餸同湯方便她們簡單煮

檸檬豬扒

蝦條炒玉子豆腐

煎蛋角用菜蒲同肉她們全家最愛

呢個蒜茸骨又係最喜歡的

墨魚丸炒節瓜都係她們喜歡的

自家制的蝦腸配燉湯做下午茶

其它唔同的餸

蓮藕餅又係必食的

媽咪最愛呢個紅棗花膠燉鮮奶

2020年6月5日星期五

陶寶買咗個話無渣免過瀘好差的豆漿機

早幾星期睇到廣告話破壁機，做豆漿干豆或濕豆都可以打磨到無渣同立即有得飲，同老公好疑惑有冇可能，就去陶寶睇，平到百幾蚊就有一部，貴到千幾蚊都有，無論平或貴都喺好評，啲人真係好不負責任，效果唔得就應該講，我花咗好多時間去睇，最後買咗個百幾蚊，因為唔得都無咁肉痛，但喺完全好激氣，點可能無渣，如果想飲到完全無渣就要有個好的可以過瀘綱，過2次就可以，所以都喺好麻煩，同我之前搞完過瀘後無分別，咁就唔需要嘥錢再買，就係想方便，但講到話煮完半個鐘就飲得，唔洗隔立即飲得，如果唔介意糊糊哋的口感就無問題，可以唔浸豆想飲類似芝麻糊咁就都幾好，真係半個鐘煮好加糖就飲得，大家如果想買真係要有人做展覽示範，飲過先好買，可能貴到幾錢蚊真係做到效果，大家都知喺陶寶買嘢唔得退貨喺好麻煩，可能貴過件貨，部機一回來就立即試，試完寫評價，講出真心話有圖有真相，點知個商價叫我刪除可退款，點知好傻做完話要退貨先可退款，退回大陸的運費可能貴過部機，下次大家有咁情況就記得搞掂哂先delete，所以要上嚟講下
原機送瀘綱，但係好疏隔唔到無咩用