晚餐之豉汁蒸白鱔

時間真係快又星期六啦，今早個個都早出門，我都唔嚟外因為星期六都比較忙，要安排埋星期日啲餸菜，雖然再比平日早出門，可惜返到去都唔係早好多，呢個仔真係好乖食飽就自己玩，我就可以安心去準備，玩到咁上下先會嘈，但同他講下他又會再安靜自己玩，成日好開心同他講嘢會同你笑好叻仔，只有肚餓先喊，如果無人理就會大聲喊，同他講完換片後食就會安靜比你換，如果換完唔立即食就大喊好搞笑，下午公公啲朋友嚟探BB, 就預備定薑醋，個個見到BB都好開心，無瞓覺好似知有人嚟會同他玩，有人同他講就笑，淋到個個好開心，啲人走哂就忙搞埋手上工作就走，星期六通常更遲走好彩老公放早又買定餸，老公買咗鱔，菜話話今晚煮飯，成個星期都係一煲過煮麵，每晚雖然6點前走但好塞返到家最早都8：30，通常老公先到洗定菜，煮粉麵最快手唔洗搞咁多放哂落去滾起就食得，今晚遲走唔塞車8：30就返到，老公話他煮咁簡單炒菜，只係條鱔唔知點整，我大約講咗食時老公話唔夠我蒸咁好食，當然啦料又唔加多啲又無整蔥同熟油，但我覺得就好好味，老公已經好叻啦哈哈哈，本來菜同魚就夠，細妹同細女又話喺度食，咁叫老公加多個蕃茄炒蛋加之前淨啲雞絲，簡簡單單又一餐

豉汁蒸鱔再加多些蒜茸同薑茸，可加只指天椒，加蔥同熟油就唔同哂

 準備明天的，湯，早餐同午晚餐

明日的早飯料元肉杞子蟲草花排骨，坐月期間希望媽咪食早飯除咗加奶量，對身體都特別好

 整定腩片

因為之前整咗呢個腩片配椒鹽豆腐加個蒜茸汁，媽咪話好味想再食

合掌瓜炒雞肉

 乾蝦肉碎炒節瓜

 其中一日的午餐，芝士焗洋蔥蕃茄豬扒

 有時會專登煲碗魚湯比媽媽增加奶量

其中一日的下午茶小食，蟲草花油麥菜豬肉腸

午餐的薑蛋炒飯

其中一款早餐的蟲草花節瓜田雞飯

晚餐之瑤柱蒸水蛋

又星期日真係快，一早起身去街市買湯料煲個椰子雞湯，老豆剛做完小手術比他補下，例牌節目就喺中午過去同老豆飲茶，飲完茶同老公去買金牌仔下星期約咗一月生日的同學慶祝，每年都會買少少金幾個同學留記念，今年輪到我買，返工就無哂時間觀念，差啲忙記同學通知下星期日聚會地點同提我記得買，所以好急要一式6個，size又要差唔多，最後買咗size差唔多，但6只唔同，買咗十年今次第一次6只唔同好彩同學無反對，又近過年如果要一式一樣同差唔多size要等過年後，跟住買啲餸就回家，家姐無啦啦話同個孫過嚟食晚餐，只係買咗菜，魚同蝦，咁就加多個蒸水蛋最啱二歲幾啲BB食，家姐話唔洗咁多煮多條菜就得，最後再加多個瑤柱豆苗，成二斤菜估唔到真係食得哂，勁

個BB見到蛋蛋好開心，我相都未影家姐已經急不及待比個孫食咗

 呢個又係個孫仔喜歡的

 老公昨日買咗蛋黃蕃薯超好味，焗咗幾只，原來呢個仔又喺最愛，嚟到見到己經食咗幾件，家姐話唔好再比怕他唔食飯，點知最後淨呢三件都眼仔碌碌咁望住我就比多件他，他好開心攞咗就食

之前浸的一樽已分享哂比啲媽媽，呢樽喺6月剛喺比而家的媽媽一試，今次呢樽更靚更甜，原來酒餅靚做出嚟啲酒都唔同啲

攞咗一樽仔明天返去用嚟煮雞等個媽媽試下坐月必食的糯米酒煮雞

晚餐之豉油皇蒸蝦

時間過得好快又星期六啦，只有我返工，一早起身食咗早餐就出門，呢個星期好多假又聖誕，又元旦，雖然簽約講好放勞工假，做冬都無放，只係放咗元旦一日，個工人姐姐就好開心，返二日又放一日，上星期放完聖誕，呢個星期又放元旦，星期六又例假同我講好開心都唔知點解有咁多假放，我話咁咪好，因為姐姐放咗我就無放冬，怕新手爸媽太辛苦，通常星期六都好忙，因姐姐放咗假比平時忙還要預備星期日1湯4餸等她們明天易處理，晚餐就魚，肉，菜，今晚整冬菇豆腐炆腩肉，蒸魚同杞子肉丸菠菜，肉炆好返熱就得，蒸魚已準備好入鑊蒸完加豉油，肉丸已整好食時加菜煮好就食得，盡量簡單容易就食得，搞掂哂先走，今晚又遲咗個幾鐘，好彩老公唔洗返又買定餸，返到家差唔多8點幾，老公已差唔多煮好，只欠個蝦唔知點整好，就教老公簡單豉油煮，老公太心急，話落豉油好快燶，唔記得叫他煎熟熄火先加豉油同糖炒勻就得，煮呢個蝦如果太早落豉油會好快搶火同燶就會有啲苦，個鑊有餘溫加豉油同糖炒勻就剛剛好，但都好多謝老公幫手，回家就有得食，開開心心又一餐

大虎蝦豉油皇煮就最好味，喜歡辣多加二只指天椒味道又唔同哂

呢個餸老公話煮比自己以前出糧阿媽一定煮，但話煮唔出阿媽的味道，咁等我下次試下煮啦，哈哈哈

 明天星期日準備的早，午，晚餐

 五指毛桃瑤柱雞湯

 蝦仁炒甜豆

 翠肉瓜炒雞柳

 冬菇金針蒸排骨

 蝦乾肉片炒節瓜

 節瓜田雞同蓮藕田雞就二日的早餐

晚餐之新一年有機油麥菜打邊爐

今日元旦日先祝大家新一年健康，幸福快樂，今早食咗豐富早餐後就同老公四圍行，買定些少餸老公帶飯，家中各人都習慣食完早餐或帶返去食，而家開工又遠通常都係簡單一煲過，放假就會煲下湯煮餸，今晚本來得我同老公就簡單又係一煲過煮粉麵，點知細妹話過嚟打邊爐，還自己買蝦同響鈴咁就洗多啲菜，阿妹有口福老公剛喺公司帶咗有機油麥菜返嚟，再加啲丸同簡單嘢就算，人少少食得唔太多，阿妹好搞笑話第一餐要同我哋食，咁全年先有好嘢食，我自己都喜歡打邊爐，人多最好可以買多啲，想食咩就食咩多啲唔同種類選擇，開開心心又一餐

 有機油麥好新鮮，剛昨日先擇

 先滾起部份食完先再加

2020年的第一餐

今日新一年的開始，首先祝大家新一年事事順利，健康開心幸福快樂過每一天🍾🍷😄
今日休息又難得各人在家食完先出去，如果一早知就會煲定粥炒個麵再配點心，新一年開始當然要食得豐富，昨晚啲同學倒數完先走好開心，今早大囡本來話出去補習，但因為個學生仔唔得閒改期，就食完先出去，細囡又話今晚唔返嚟食又喺食完先出去，就去超市睇下有咩買，買咗點心返家蒸，同買咗她們最愛的排骨飯，回家就先蒸點心，再整咗XO醬炒腸粉，雖然簡單但都好豐富，大家好開心邊食邊傾又一餐