產後食療之三色椒炒鮮魷

我喜歡煮餸時多多顏色，令到碟餸好靚增加食欲，今次介紹呢個容易煮，色彩濱繽紛而且又有營，就係三色椒炒鮮魷，本來想買墨魚有通經催乳的功效，但只買到魷魚，魷魚功效都唔差，通常生完二個星期後，媽咪對海鮮無敏感就會煮啲色彩靚靚好似今次介紹呢個啦
魷魚功效具有補虛養氣、滋陰養顏等功效，可降低血液中膽固醇的濃度、調節血壓、保護神經纖維、活化細胞，對預防老年癡呆症等有一定功效。此外，魷魚還有助於肝臟的解毒、排毒，可促進身體的新陳代謝，具有抗疲勞、滋陰養顏、延緩衰老等功效
三色椒有增強抵抗力同食欲
好啦簡單講下點整

材料：鮮魷一只，三色椒每樣半個，蒜頭3-4粒，薑3-4片

先將魷清洗乾淨切紋後切細，三色椒洗淨切細

 先起鑊爆香薑蒜

 加入三色椒炒到有香味

 可加入少少鹽同糖

最後加入鮮魷快炒，炒到魷魚變白同卷起就可以

 一定要大火快炒，魷魚先唔出水，喺炒椒時先調些少味就可以，因為魷魚本身都有咸鮮味，如果食得清淡可以原全唔加鹽糖都好好味

晚餐之豐富海鮮提前同老公做生日

又星期日忙咗成個月，今日應該可以瞓晏啲點知都係好早起身，買湯料後出去同老豆食午餐，以為晚餐得我同老公諗住又簡單一煲過，點知細妹話好耐無過嚟食，因為出面比較亂地鐵又早收，所以阿妹都好耐無嚟，之前每個星期六，日一定嚟食晚餐，今晚阿妹專登買蛋糕同紅酒上嚟同我哋慶祝30週年同我老公生日，咁就要買餸見阿妹好耐無嚟就買，魚，蝦同鮑魚再加個排骨飯話食唔哂可以攞走，點知細囡都回來食好開心，飯後食阿妹的芒果芝士蛋糕簡單開心又一餐

又順利完成一個人奶BB

時間過得好快又一個月啦今日last day, 好開心又好唔舍得，每次完工都喺有伊伊不舍的感覺，完工開心喺因為又順利完成工作，BB又喺輕磅湊到滿月重足1KG當然開心，媽咪精神又好，呢個BB真係好乖日頭不停食，晚上就好錫爸媽好快就瞓上5個鐘以上，初回家爸媽都唔慣好辛苦無得瞓，慢慢就一切順利每次食完都瞓3個鐘以上，晚上食完就有5-6個鐘先起可以話半夜無食，呢個媽咪都算食得好好，啲奶質好好所以BB就食得飽瞓得好，每日都會足5-6餐，早餐食飯，跟住11點左右飲湯食包，1點午餐又大碗飯湯加3款餸，5-6點左右又飲燉湯配一個小食，晚餐又喺湯，飯同三個餸，媽咪堅持呢個BB又喺全人奶，只係食過一餐奶粉，媽咪開刀生完休息所以BB喺醫院食咗餐奶粉，初初無奶的媽媽堅持唔餵奶粉，經我按加食療再配合勤力的媽媽就成功BB可以全人奶，初初媽咪啲奶喺夠BB食，開始順暢奶量雖然唔多夠囡囡食完，而家雪櫃都有差唔成千ml奶所以我都好安心完工，每次完工最開心喺收到她們給我的鼓勵信，今日個新手爸爸還特別多謝好客氣講咗句說話令到我好感動又覺好誇張，多謝我過去一個月的幫忙同照顧，如果無我幫手就唔知點算同好慘真係好多謝我，我真係感到唔好意思，喺我的工作喺應該的，所以每次聽到真係好開心，最重要喺幫到手，每次完隨咗信還收到大大封的利市真係好鼓勵更開心會繼續努力，個媽咪好有心思封信貼咗我同BB的

滿月送上蛋糕同紅雞蛋，祝願BB健康快樂，快高長大，幸福快樂，媽咪就健康幸福美麗

 完工的信同開工，滿月加收工利市，

今日媽咪指定想食的檸檬雞翼，專登加咗4只粟米釀雞翼

呢個encore咗幾次又係媽咪最愛的木瓜雪耳炒魚肉豬腰，今日還專登叫我教她煮的餸

完工喺最忙碌的幾日會執定不同的湯同燉湯包，炒米茶包等媽咪可補足100日

每日都有燉湯配唔同的小食，菜心豬肉餡餅

每餐都3餸一湯，其中一款甜豆炒蝦滑釀海參

 提子豬扒

媽咪好食得大大碗湯同飯再加，魚，肉同菜

 木瓜炒雞

 薑蔥雞

 首烏燉湯配菜心豬肉腸粉

 蟲草燉雞配豬肉雲耳燒賣

 杜仲燉豬尾配蔥油餅

 蓮藕甜豆炒海參配腩片

 改良板的麻婆豆腐

 三色椒炒鮮魷

 一個人晚餐的原果蕃茄配魚，肉，菜

 南瓜，核桃海參炒肉粒

 海參炒墨魚滑

其中一款下午茶小食，自家制麵包的西多士

 蕃茄紅衫魚

 白椰花炒肉丸

 煎蛋角

 馬友

 咕嚕肉

每次假期前準備的簡單的湯同早，午，晚餐的餸方便媽咪有足夠的休息

晚餐之一年一度保良盤菜宴

時間過得好快，今晚又喺一年一度保良盤菜宴，老公又攞到飛去食盤菜，今次二個女無去叫咗家姐同姐夫，知道我們舊年玩得好開心，如果有飛就預她們，所以今年叫啲囡自己搵節目，我哋就同家姐去，今次因外面環境問題，時間好短又提早6點幾就無接駁車，7點開始九點就散，今年有汪明荃，胡楓，呂山，謝雪心......家姐最喜歡的，非常開心可惜每人唱一，二首就完，時間唔夠抽獎又好簡單，快快手手就完，比去年少人參加今次只有250圍，記得舊年好似話320圍玩到十點幾先散，今日一早返去諗住早去搞掂準時收工，最後比BB搞到遲咗20分鐘先走都趕唔到接駁車唯有搭的真係好浪費但都無法，已經同個媽咪講一定要準時5：30收，平時6-7點就都無所謂，今晚收工時阿囡唔知搞咩又喺度喊，搞到我又唔準時走，最後她的爸爸回來接手，我就走得安心，唔知喺環境還是心情今晚覺得啲嘢好好食，成個盤菜加二包義買菜全部清哂，我哋呢圍真利害，開開心心度過一晚，但姐夫就未盡興話如果出年他又有份一定帶紅酒，喺呢啲場合話喺需要，哈哈哈

個盤菜都好足料

 盤菜一開始，個個都係相機先食，哈哈哈

 買咗二包義買菜，其中一包喺隔離枱請食

面就覺得好味，喺底啲蘿蔔就好咸，最後加咗水先覺好啲

場內還有好多小賣店，人手做的椅子，二姐想買回去比孫，但實在太貴，最後都放棄

 今年天氣好好，無加檔雨的蓬感覺非常好