晚餐之提早同老公慶生日

又星期日啦，呢個星期都好忙，返到家又嘢煮好食完又好攰，星期日想瞓晏啲都無，今早老公過去家姐到幫手，整咗個早餐比老公食，我就諗住瞓多陣，最後睇下呢樣，睇下果樣已經九點幾又叫細女，等她食完出去就去街市買料煲湯就去老豆到，剛玩陶寶的我又學人執平嘢，點知搞掂錯日子以為昨日喺雙11，昨晚就比錢以為自己唔識用，後來先知今日先喺，但都比哂錢無得減，下次一定要睇清楚，煲好湯就等老公回一齊去睇老豆,又係飲茶，差唔多每個星期日都去，今日叫咗好多嘢食都係三百幾，還打包回家，今晚以為得二老食飯，諗住唔洗買餸點知大女在家趕功課話唔出去，順便同老豆提早做生日，正日又要返學唔走得堂，老公話日日都生日，唔好唔返學，細妹本要回校開會，見家姐話提早慶祝她就食完先回校，咁就去買餸，大女專登出去買生日蛋糕，原來又搵人hand made咗條皮帶，細女又送銀包，我就幫老公換電話，傾下食下開開心心又一餐

 呢個明爐烏頭喺老公最愛

 呢個鮑魚，魚翅喺灣仔媽咪奶奶送比我，今日齊人就開嚟分享齊齊試，幾足料

晚餐之瀨尿蝦

又星期六啦，呢個星期都好忙，做咗十幾個都未試過叫做近屋企，家唔近地鐵轉程小巴落官塘，幾個地鐵站就到，但買完餸唔想行就搭巴士，如果上到車加步行到目的地45分鐘左右，以為好近實際試過個半鐘都唔到，有次等巴士一個鐘都無車，最後行返家附近搭小巴再轉地鐵，所以都係攞好重又唔想行先等巴士，呢個新手媽媽有工人，以為會好得閒同準時收工，但做咗差唔多三個星期，晚晚都過6點先走得，返到去一定超市買餸簡單食，或者唔煮去味皇，雖然10：15前到但每日九點幾就返到，如果去健康院約9點就更早返去，之前果啲通常頭星期會遲啲走，跟住大家都習慣咗就容易搞，搞掂就收工都唔會遲過半個鐘，但因為她們想我訓練個姐姐，沖涼都係沖咗幾次就睇住姐姐沖，餵奶又二個鐘一次，未完第一餐就已經到第二餐，呢個仔好慢有時要成個鐘先餵完，今日好彩老公又放假，咁晚餐就老公買餸同準備哂啲料，我返去就煮得

晚餐同細妹喺薩利亞

開工後都好忙，晚晚回家最早都七點幾，好多時簡單食或落樓下味皇，今晚諗住細囡回就煮好啲，點知阿妹心情好差，問可唔可以出嚟傾下，咁又麻煩老公幫手搞掂，放工就直接出九龍灣，搵個地方可以座耐啲就去咗薩利亞，呢度真係幾抵食，叫咗好多嘢，埋單都係200左右，比起pizza hut 平好多好多，啲嘢又唔係太差，阿妹就不停講，我就不停食，食到好飽，做嘢人事真係好麻煩，我都係果句，開心繼續唔開心就走，無謂搞到自己出咗問題，邊個都幫唔到

晚餐之蒸海鮮湯飯

話咁快又星期日，今日都喺一早煲咗湯，下午約咗家姐她們同老豆飲下午茶，家姐，11月喺個好月份，我同家姐咁啱結婚都喺同一日，當然唔同年，最近呢幾年都會約一齊慶祝，我老公，家姐，姐夫都係11月生日，本來約咗明晚食自助一次過慶祝哂，點知姐夫唔舒服就無限期推遲，啲囡又忙到而家還未搵到幾時慶祝，但無論點都係開心月，今日就同家姐，姐夫慶祝先，叫咗湯，炒飯，麵同好多點心又有姐夫最愛的燒鵝，掛住傾都唔記得影到齊的大場面，下午茶都食咗五百幾蚊，老公話真誇張，家姐她們就話好飽晚餐唔洗煮，而我哋就諗住啲囡唔返嚟食到時就煮麵食，點知返到去，大女話太多嘢做都喺唔出喺屋企食，咁又要去買餸，又話想食海鮮鍋，喺而家好興，將海鮮放喺蒸爐入面，最底層就放飯或米，等上面啲海鮮啲汁入哂啲飯到，家又無幾層蒸盤，只得一個都試下整，滿足下她的要求，我就覺得直接入去好味啲，但囡囡就食得好開心

先將各種海鮮洗淨

因為唔係邊蒸邊食，所以先將米滾起後才放入海鮮

晚餐之慶祝攞到陪月優質新晉獎

今日好開心專登請咗半日假去攞呢個獎，最初接到電話以為喺普通新人獎，雖然唔知點解有，因為知道呢個時間應該開緊工，再正式收到信確實會去就同呢個媽咪講，她都好開心當然要去啦，今日又再提早一個鐘返去，平時返10：15都會早半個鐘，今日怕趕唔切再早一個鐘，因星期六好忙我都會準備埋星期日的湯同餸菜，一點前搞掂晒就過去連午餐都無食，好彩到三點左右有茶點就飲咗包奶，攞完獎又有一個講座，喺一個中醫師講解催乳同最新的扎肚資訊，好有用可以吸收唔同人的做法又學到嘢，雖然之前浪費幾錢蚊去上催乳同扎肚班，雖然貴但都覺得值起碼知道啲人講同做都有分別，真的希望啲新人唔好為咗錢攞人嚟攪，真的做到才去做，而自己再去試同學習更加知道應唔應該做，同幾時做，點樣做，我喜歡不停學習，只為希望真的幫到更多新手媽媽去解決問題而唔係去為錢而學，我無特別收費有需要隨時可以幫到手同當媽媽問起知道點幫她們，聽完搞掂回到家老公女兒都話唔好煮落街食慶祝一下，雖然又喺味皇但好開心，同家人分享喜悅同感受，原來可以搵家人去，最初以為喺普通獎，又無問清楚，去到先知喺顧員再陪訓局頒，啲導師都恭喜我，話唔容易攞今日還有幾位高層專登嚟頒獎禮，其中一個頒給我們，可惜我唔認識她有人還專登報咗旅行團取消嚟攞，有啲還有家人帶花去，好似我女兒大學畢業禮咁，完咗影相而我只同幾位導師影相，忘了自己難得人生的第一個咁高榮耀獎，沒有搵人幫自己影一張獨照，只有一張全體相，但真的好開心我無選擇錯，好多謝我一位中學老師，不停鼓勵我轉呢行，話好適合我，我真的做得好開心，見到媽媽復原快，bb增長快，完工後啲媽媽都會send相或影片分享bb的變化，真的多謝每位比我照顧過的媽媽