簡單的晚餐

又星期日啦，一早起身準備好，飯，茶等物品就出發去粉嶺，約咗家姐們十點等，以前清明或重陽都會正日先去，但今年家姐話腳唔係幾好，就專登提前諗住有車上，已經check好話有車上，咁就等齊人今日提早去，點知去到粉嶺上咗啲士話封路，咁點算好只去到山腳再遠啲，計漏咗剛打完風可能好多地方未清理所以封路連巴士都無，家姐又無攞士的，心情好慘可能太辛苦，半路叫她喺涼亭等，我們搞掂反轉頭搵她，但她堅持要行，咁老公同姐夫就一路行一路搵支竹比家姐做扶手，原途見到好多大樹都折斷咗，真係好可惜，諗住有車上搞掂就可以去老豆到，最後一來一回就差唔多6個鐘，回程行返粉嶺已四點幾，各自搵車回家，返到去都六點非常攰就喺超市買咗菜，回家簡單炒個菜，再加拜媽咪的嘢，簡簡單單又一餐

 家姐話未試過攞住二支竹要影底留記念，好彩有二支竹，家姐話先可以行到，如果唔係真係唔知點算，以後一定要睇清楚先好出發，最慘又無準備大量水，最後行到落去，見到有蒸餾水大家都唔理價錢一人一支大水飲完繼續行

晚餐之牛油蒜蓉蒸蝦

時間真係好快又到星期六，老公都喺要返，學校面試一連幾日分咗幾個星期進行，唔洗煮午餐盒，整咗早餐比老公食完就再去瞓陣因時間實咗太早，8點幾又輪到叫二個女一個上堂一個就去幫人補，各自都好忙，而我還在休假中，明天約咗家姐他們去拜媽咪，諗住未到重陽有車上去，個個都開始年紀大行上山確係好辛苦，準備齋菜，豬，雞，魚，以前第二朝早先起身炒齋菜，通常晚上先浸冬菇，雲耳，最近又話雲耳唔可以浸多個幾個鐘，因為有人食咗浸得過長時間的雲耳出事，咁食完飯先去搞順便就炒定明早先加鮮腐竹，今晚阿妹又過嚟食，二個囡又話可以返，咁又要整一餐，買咗蝦整蒜蓉蒸，見有多就加啲肉碎搞一搞包咗雲吞，因為蒸雞又有雞湯用嚟煮菜好味又唔洗加嘢，細妹就最想食我包的雲吞，今晚她嚟就有口褔，忙忙碌碌又一日

老公今午食八寶飯，專登留一部份回來，因為我細妹話最多食過6寶，點喺8寶，有燻蹄，墨魚，紅腸，义燒，雞，鴨同燒肉

 又加多盒干牛河同羅漢齋麵，搞到明天要食炒飯

二人晚餐之芫茜皮蛋鯇魚腩湯

今日又喺屋企諗住休息下，點知家姐帶咗孫仔過嚟玩，而家二歲人仔可始唔聽話有自己的諗法，好搞笑周圍走周圍搞嘢真係要看牛仔一樣，睇小陣都怕他整親，其實湊一個小朋友真係唔簡單，午餐就簡單煮麵比家姐食，她們走後就去買餸，今晚真係得我同老公，昨晚諗住煮芫茜皮蛋，今晚終於可以煮，因為二個囡都唔喜歡芫茜，通常得我哋二個先煮，昨日又去官塘攞件，訂咗啲電話套同其它嘢，點知自己又唔記得，行到去都收咗工，要等成個鐘先有得攞咁四圍搵食，見到花園餐廳就入去食咗個餐，以前記得返工喺飯堂差唔多日日都去平低食，估唔到咁耐無食，午餐都唔會太貴相比而家啲餐廳，最出名喺牛扒就叫咗個牛扒餐，好失望牛扒好硬而且又好生食唔到，但啲湯就好好飲同有好多牛料，最後飲杯咖啡就去攞嘢，今次好差自己太心急無睇清楚，皮套唔好點位好似唔太啱好實難按，最差塊面貼又最貴唔對位，立即問同學點搞，退貨唔知得唔得

簡單的二人晚餐

老公見到呢個芫茜鯇魚腩湯就問喺咪湯飯

 雖然二個人都要些少菜，感覺良好

買咗好靚的艼頭，老公最愛就用些少加些之前食淨的腩肉去蒸，果然好粉

 完全唔對位，用唔到希望有得退

 喺花園餐廳的牛扒餐配意粉

 餐湯還跟個好脆的餐包，應該焗完又焗

晚餐之黑椒豬手

咁快又十月，唔經唔覺休咗成個月，而家等十月媽媽生咗就隨時開工，雖然休咗咁耐但每日都好充實，見有時間就報咗啲課程增值自己，雖然有啲要幾千蚊見有時間都要知道喺咩，有啲價錢就平啲，好似昨晚聽就唔洗一百話喺茶會，我未試家，有啲朋友就以為有餐食，主要喺介紹一只新出的草香陪月雞，無激素，又有豬又有幾款牛同豬的丸，價錢對我嚟講就貴，但現金的社會好多追求有機，健康當然就唔覺得喺問題，呢間agent就聯同呢間公司提供呢啲雞，豬同丸，而我哋就要交會費後就有優惠價買，如果用優惠價就真係好好多，本身我喺呢間agent的會員，以前唔洗錢，但自從升到iso後就要比會費，總之咩嘢都喺錢，好多課程都想學但真係幾貴，今晚喺專登比錢聽下，因早前已有媽媽問我唔太清楚，而家就清楚所以最後我都交咗幾百蚊會費，等啲媽媽多個選擇又唔想食新鮮雞咁貴，普通冰鮮雞又怕食得太多唔太好，通常返學又唔洗返工就整定晚餐先出門，今晚就唔洗返本來以為得我同老公就簡單食，買咗只豬手已炆諗留明天多人先煮，點知大女話老師有事唔洗返學就返咗嚟，細女本來去補習點知個學生媽咪有事又返轉頭，咁只豬手攞出嚟加洋蔥黑椒去煮煮，再摷雪櫃啲雞又攞埋出嚟，菜唔太多就加啲雲耳同冬菇炒一炒，叫老公收工睇下有冇魚就買回來，快快樂樂又一餐

                    

昨晚出銅鑼灣聽講座順便幫細囡攞電話，搞掂完就食埋晚餐先去，時間上早還有下午茶，就簡單食

 無原本的雪菜改咗火腿都幾好

 呢個喺試食的肉丸，都幾多汁同彈牙

晚餐之明爐烏頭迎國興

每年十月一日國慶一定約同學飲茶後上我家，但呢二年無做文職，假期就未必有，所以都唔會一早約定，今年剛未開工，又學識上陶寶，終於買咗自己想要咗好耐的魚碟，每次食烏頭就想起出面的明爐烏頭，但都睇唔明啱自己想要的，睇得啱又太貴唔舍得，今次終於喺陶寶買咗套連酒精臘都唔洗一百，今日約咗同學飲茶後上我家，見人多就要試下個爐，初收到覺得好兒戲，老公就話叫我唔好再買嘢，家中實在太多啦，女人就係咁哈哈哈，估唔到呢個都好用，剛燒完條魚都食得差唔多，個碟又唔黑，裝臘的地方都好乾淨，用完沫乾淨就可以，個魚碟都好好無黑，只要浸一陣清洗就乾淨，最估唔到喺老公食得好開心，開開心心又一餐