晚餐在御前

今日一早出去之前完工媽咪到，因仔仔出好多嘢以為濕疹，好彩只係細菌感染醫生開咗藥情況都好轉，而媽咪又話自己啲奶出得唔太好，見下一個未開工就走去睇下，去到坐咗陣自己突然腰痛，好彩都頂得住因今晚又約咗幾個同學回校攞證書，大家都好開心早前一齊讀的蛋糕課程共十堂終於完成，我哋幾個都pass咗就約埋返去攞順便食餐好，有個同學提議去御前話食過好多次非常唔錯，咁大家就去試，是實上都幾多嘢食，同自己燒，燒的種類都算多同魚生都幾新鮮，隨韓燒外我都係第一次食放題自己燒，但大家都食唔多，好多嘢都無試，價錢都一般連加一$317食二個鐘，隨咗燒嘢有熱盤，飲品，甜品，雪糕任食，一坐底就先黎一個海鮮什綿送的，如果想enco 就另計，有飽魚，大蝦，帶子每人一只，如果想食蝦可以點但就唔係大蝦，喺普通size 都好新鮮，因我哋只有三個人而且都食得少，同學就推介咗蟹粥同牛奶喎，咁呢二個都幾好，而我最喜歡就係壽司，細細粒可以食多幾款，下次一定叫埋家人再試一次

晚餐豬牛羊雞之煎牛扒

今日雖然星期日，要返工同唔洗返工都係休息日，但今早一樣早起，啲女要出去返工，補習，老公又去帶老爺睇醫生，所以都係早起去煲咗雞粥用昨晚食淨的唔好浪費，再包咗啲韮菜餃子喺全家最愛，餸子此中自己即包即煎最好食，搞掂完個個出門就去街市買嘢煲湯，等老公返黎就出我老豆到，爸爸年紀好大已經九十幾，好彩還食行自己食，但都要人照顧，每個星期最少都會去睇一次，而家好少煮比他食有人照顧，通常都在家煲咗湯帶啲嘢去，有時他喜歡就去飲茶都要睇他心情，今日去到他想飲茶咁就立即同他去，好開胃食好多，以為晚餐唔洗食，點知阿哥話還食半碗飯一碗湯，食到是褔，跟住回家今晚無淋過餐飯有齊豬，牛，羊同雞真誇張，昨日買咗羊細女同老公都想食，大女同細妹就想炸雞，點知家姐無啦啦又買咗二塊大牛扒上黎熱鬧下，咁又煮咗一餐咩嘢都有，大家開開心心又一餐

 二塊巨型牛扒，

細妹同我二個女讚不絕口

香蒜南乳炸雞

 蘿蔔炆羊腩

 薑蔥炆油金魚頭，老公買回來的巨頭又食二餐

 椰子煲雞(二只雞又蒸雞，炸雞，煲湯又煲粥超值)

 肉眼根青口炒菜心(加肉同青口炒出來的菜心好食到斤半都話少)

見到還有紅的牛扒我同家姐就不咁試

 呢二塊一定好貴喺家姐先舍得買我就一定唔會買黎食

 配埋牛油，先用黎起鑊已經香氣全屋

 牛油金黃

 就可放入牛扒，

一定要大火先可封住肉汁

 一面金黃就轉另一面

 跟住就二邊

 想食幾熟就幾熟

煎好要放幾分鐘先好切等肉汁留返肉入面，食起就好鮮甜再配個燒汁啲女話一流

晚餐之脆焗油金魚頭

今日又星期六，昨日無啦啦腸胃炎成日都只喺飲水，唔咁食嘢不停痾，晚上又要上堂因為考試唔可以唔返，放學返到家又11點幾雖然好肚餓都唔咁食都係淨飲水，今日好些少但只喺飲咗杯麥皮同食咗少少腸粉，成個星期都無煮一餐正經飯，只係簡單一煲過，返學就整定簡單嘢等老公放工炒菜同焗嘢，雖然自己唔舒服，知道啲女返黎食就一定煮餐好啲，超市雞好平唔洗$60就有二只，一只起骨留明天煲椰湯，另一只就蒸喺老公最愛，已經買咗魚，老公又買咗大魚頭，唔想搞咁多，就簡單開半，用鹽，糖，生粉油撈勻入爐焗焗就搞掂，阿妹又上黎就加多個琵琶豆腐，快快手手搞掂又開飯

加咗生粉同油去焗就有脆脆效果，咁就唔洗搞到成屋油煙味

產後食療之蓮藕炆腩肉

時間過得好快，完工一星期但自己都好忙去家訪下一個媽咪，講解下入院前準備同幾時應該入院，睇下入院的物品，bb 出世後瞓邊度，喺邊度沖涼.....等的事，晚上又一星期返三晚學，每晚都11點左右先返到去，今次介紹呢個簡單材料餸飯最好，又可幫助奶質量好啲，好多媽咪都鍾意，話食飯可以食多啲，有好多生完怕肥嘢都喺食少少，其實餵人奶最好食多啲飯同肉，做出黎啲奶會濃密啲，阿b 飲完就唔會太快肚餓，蓮藕有潤燥止渴、清心安神，有明顯益血益氣的功效，還可增強人體免疫力，而肉就有高蛋香白質

材料：蓮藕1斤，腩肉1條，薑6－8片
調味：蠔油2湯匙，冰塘1粒(波子咁上大)

先將腩肉出水(凍水一齊落)滾起多1,2分鐘就可以

 出咗水就會見到啲水好污糟

 將腩肉切細件，蓮藕去皮洗淨切細

 五花腩喺唔肥，只有些少肥

 將腩肉煎香2邊

 煎好後

 加入蓮藕，薑片一齊炒

炒到有香味就加蠔油，冰糖，同水，

水要浸過面

炒勻轉中細火

蓋上蓋炆20分鐘左右就關火

炆肉想淋滑就唔好不停炆，

喺要炆下焗下先軟淋

最後水差唔多收乾，

試用筷子容易插入就可以試味