快樂的馬家

2017年4月8日星期六

晚餐之金銀蒜蒸貴妃蚌

開工二日都算順利，新媽咪喺咩嘢都唔識而且可能好忙，未生前已家訪同提她要準備啲咩，最後生完我開工喺好多嘢都無預備都幾La ha , 我已早咗半個鐘到九點幾搞到晚上七點半叫做大部份嘢安排好，就太夜又趕回家煮飯，話明天先再安排，今日又喺早半個鐘到，上到去，阿媽好緊張話昨天忘了要book健康院，因阿b有啲黃，我話唔好緊張book咗未，她就話剛打咗電要十點到因星期六，咁我就話立即倍她去，她就話唔洗打比老公叫他去，最後我都有一齊去，她又唔知攞咩，我就立即幫她執，好彩我有去樣樣搞掂就回家，個太好好話唔該我又怕我辛苦，午餐唔好煮去飲茶，我就話多人就回家煮更快，最後都喺回家，原來她緊張到早上無食連水都無飲，返到去成個廚房喺昨晚的鑊，碗，煲咩嘢都無洗連熱水都無，咁我第一時間叫她再試餵, 因喺健康院已教她剛b飲到，又到見咁就停咗，見護士時叫同她們講唔識餵，我教加護士姐姐講明好多，我就立即先煲水沖炒米茶，再去煲滾水同有啲料去包雲吞同煲飯先，邊洗邊做半個鐘先比雲吞頂住先，她好開心食咗十幾只後叫她休息下再多半個鐘飯熟，炒菜就食得，呢二日好忙，今日都忙因她無人幫，我就幫她安排星期日的早，午，晚同湯，全部洗好切好入雪櫃，用最簡單的方法去煮，搞掂哂一日的工作又回家，今日老公休息幫我買定餸，返去煮就得，今晚個個都回家，一早出門前已煲咗個五指毛桃湯，同昨晚已鹵咗豬利同五花腩，叫老公買魚同菜就得，點知老公買班又買貴妃蚌，今次金銀蒜去蒸又加粉絲，啲女食到好開心，邊食邊話好好味，大家又傾下講下，每次最享受就喺這樣，好愉快的一晚

2017年4月7日星期五

麵包機之肉鬆

完工後最後一天，明天又返新工，好似放咗二個星期，但都好似好忙，今日淋住喺屋企執下嘢同整嘢食，之前買咗炸米整米通，又想整麵包，最後都只喺整咗碟肉鬆，搞掂哂他們出門就去買今晚同明日餸，回家準備好就睇返啲筆記，上下綱煮好晚餐比老公同女就去朋友家煮晚餐同湊B ，好啦講下個肉鬆想整好耐，最後等到現在個女送咗部新麵包機，就利用下去整好簡單，最用時間喺撕肉絲

材料：肉絲250G, 薑4片，糖2湯匙，老抽1湯匙，酒1茶匙，七味粉1茶匙

先將豬肉煮熟後撕幼絲

撕好後將肉絲放入麵包桶，跟住放薑片

再放糖

跟住放老抽，酒，最後放七味粉

按麵包機功能的果醬模式，大約1：20鐘

當機完成響閙就要倒出放涼就食得，食時可加紫菜同芝麻就更好味

2017年4月2日星期日

晚餐在九龍城新城潮洲飯店

今日又一早起身煲飯，煮齋，沖茶...搞掂完八點半出門口同大伯，叔仔一家出荃灣拜奶奶，估唔到有特別巴士上去，好方便以為要等幾個鐘小巴，就早出門點知多咗呢啲巴士好順好快搞掂完就回家，老公就去接老爺過黎，飲開下午茶的我，見到正價的我真喺有啲唔舍得叫，但最後都照叫，叫咗個餐二百幾，任選四樣點心，有碟菜，叫咗老爺最愛炒牛河，再加多三個點心，埋單四百機都幾貴，平時飲下午茶二百幾四個人食完有時都唔煮晚餐，飲完茶就回家放底哂啲嘢，滾返起個湯就去探老豆，跟住同大哥食飯，今次去咗食潮洲，上次同老公食完飯行去搭車時發現咗呢間，今次專登叫大哥一齊試，潮洲嘢都唔平，我哋都喺叫咗簡單嘢，都算平味道好過上次廟街

呢個蠔餅都好好味，但蠔就少咗啲

咸菜門鱔

蠔仔粥都好大碗

椒鹽鮮魷，好好味

中午同老爺飲茶

2017年4月1日星期六

晚餐之香草焗羊架

話咁快又星期六，今早又喺五點幾起身整早餐，午餐盒，休息咗星個星期唔洗返就會個個出曬門口有時間都會去瞓多個鐘，今日搞掂完就要立即出門過香港整薑醋，搞掂完喺香港食完嘢先回家但都五點，明天要準備啲嘢去拜奶奶，買好曬嘢就回家，去超市睇下豬幾錢，因清明又去拜媽咪，阿妹比咗錢要訂豬，點知見到羊架特價順便買回家，啲女知道有羊食開心到不得了，話約咗人都要取消，洗唔洗呀，好食就再買，本來已經買好餸就加多樣，大家開開心心一邊傾一邊食又一餐

產後食療之煲薑醋

今日去咗個客到煲薑醋，五月中的預產期，現在煲都差唔多，今次喺第一次上去煲薑膽，生前約二/三個月就可以煲，生完12朝就開始加豬腳同蛋，比黎探Bb或者開始比親友，原來滿月有啲喺唔比出門，真喺個個唔同，今次做15斤上門做好貴人工，出面煲十斤薑要收$800, 15斤就收多一半，而陪月一站就收平$200, 我今次只收$600,其實工夫都多，先洗乾淨啲泥再風乾刮皮再風乾後拍篇喺鑊旱乾，再加入滾咗的醋煲滾後多半個鐘就完成，咁樣做主要喺可以放耐啲無咁容易發霉，之後就4-5日煲滾一次直到11-12朝加豬腳同蛋，今次就分享下我自己的做法

十斤薑煲完後已上咗色