晚餐之西芹炒素鰻魚

今早同家姐出咗荃灣，又享受咗豐富的午餐，行咗一陣就各自買咗餸回家，返到家咩嘢都唔想做只喺上綱睇嘢，對住部機真喺咩嘢都唔記得，坐下又六點開始去準備，早前買咗包素鰻魚，今晚就試下用來炒西芹，只鰻魚麻麻哋太咸，都有些少味似鰻魚，我先煎再去加配料炒無加味，炒菜同煮多個栗子炆蘿白麵根又開飯

 哩個就喺素鰻魚

 先煎香2邊

 西芹我唔會出水，通常先白鑊烘烘就會走咗啲臭青味，簡單又方便

 跟住就加些少油同其它配菜同炒

 之後先加回素鰻魚，炒勻試味就搞掂

午餐在荃灣Red Mango 素自助

今日約咗家姐陪她出荃灣搞啲嘢，順便去圓玄學院裝香比奶奶，跟住喺荃灣千色行咗陣見到有間素食自助午餐$130就睇下，家姐知我哩幾個月都素食話試下，咁就問下11：30開始個半鐘，嘢食就樣樣都好新，又羊，又牛都唔似素食，家姐好少食就覺好新奇，而我就無咩特別，舊年喺幼稚院每個星期一都全素菜，好多都整過自己始中都喺喜歡原始的，但有時都要跟大隊，食咗好多唔同種類，做得都好似味道都好真下，但就無基本的苧卷，素鴨等一般的，價錢就一般，食完行多陣就各自回家

沙爹牛肉串味道有八成

 冬陰公都幾好酸酸辣辣

 鯪魚球

 燒賣都唔錯

 义燒包都好真

 脆炸豬扒我無試

 家姐話鬆炸魚柳都幾有魚味

 哩只鹽焗脾都幾成真

  肉醬意粉好似少咗芝士

 各式熱暈

 圓圓細粒話喺帶子

 乳絡雪糕太酸家姐就好Enjoy

 最後食飽都再飲杯Coffee ☕

 沙律吧就有四款醬任軍選擇

 各式小點放在匙哩好精緻

 有各式飲品自己選好就轉灣有冷熱水去沖，還有四款咖啡自己選擇

 各式甜品，但午餐有得睇無得食，晚市先有

晚餐之什錦炒茄子

今日補返打風個堂，一早搞掂哂嘢就出門，要去佐敦上10點到5點，哩堂喺講嬰兒發展0-2歲的兒童怎樣成長，有咩要注意，回想二十年前大家都好緊張有左Bb, 有同學還買咗一本幾百蚊的育嬰大全，我哋只有借來影印，老師講啲嘢同我當年湊女一樣，女兒都好乖所以都唔難搞，雖然我們都緊張但都唔夠現在的嚴重，人與人之間好講緣份，之前上滋補飲食班時個位老師好好，因最後一堂掛住考試忘了同她攞電話，問了好多同學都攞唔到，最後放氣了，我就同自己班的同學講隨緣啦，如果有緣再見這位老師我一定親自問她攞，真喺估唔到今堂就見到，好開心最後成功攞到電話，快樂的時間好快完堂考完試就放，我哋三個同學又走去報咗中醫飲食班，跟住去M記傾左一陣就各自回家，返去途中阿妹話上來食飯，叫我煮唔洗加她自己買來，我就叫她八點左右我先到剛放學又喺佐敦回，返到家雪櫃樣樣有啲就炒一碟，昨晚已準備咗條烏頭，細女回來食又煲咗木瓜素湯，簡簡單單又開飯

 個個煮茄子做法都唔同，有啲要出水，有啲又要蒸，有啲又話用好多油唔喺就好難食，而我只簡單白鑊烘一烘，如果炒就等變軟身就可以，如果炆時間長啲就茄子變色就可以

 今次炒無肉就簡單見茄子開始軟身加入麵根薑同蒜

 炒到有香味加入菇，豆卜

 哩個時間就可先調味今次加咗紅咖哩惹味啲

炒勻試味就加金菇同芽菜，二樣都會出水，所以全程喺唔洗加水

 最後炒勻再試唔夠就加鹽糖就可以

晚餐之什錦炒薯絲

奶奶的事終於暫告一段落，送奶奶最後一程大家先接受奶奶離去，個個都忍唔住，連老爺都在靈堂大哭令大家都手足無醋，好多老爺奶奶啲兄弟姊妹喺大陸過來，個二日好忙，之前已訂咗三間四人房，最後要五間，估唔到他們咁有心來送奶奶最後一程，咁靈堂就唔洗太冷清，昨日全部走哂可以鬆鬆，這個月去搞奶奶的事可能太辛苦，只腳好痛痛到行都好難，今早買完餸就先煲個栗子木瓜湯後在家休息，同學開始工作好開心，雖然自己還未有就幫手解答問題，今晚以為只有我同老公食，點知大女話回來食，她彩有湯，簡單炒多個薯絲又開飯啦