午餐謝師宴在759

我讀哩個倍訓班喺有六個導師，而今日主教的老師跟我們好多日，今日朝九晚六返全日而今日的老師喺主教又喺最後一日，我哋成班同學下午安排同哩個老師食飯，全班23人訂咗2圍去咗759，叫左九個餸好豐富好好味，水準都幾好而且好平每圍九個餸有飯有湯還有熱飲，埋單都唔洗$1000，每人大約$45左右

 涼瓜肉碎炒蛋

 豉汁槍魚

 椒鹽鮮魷同西檸雞都喺大部份同學最愛

完成陪月課程第二十日晚餐之善用廚餘

今日又喺返下午，今日中午好大雨有2個同學無返，今堂講解中藥的用途，產後點樣進食，開刀同順產食療有啲咩，原來都分六個期，休養期，進補期，大補期.....真喺學到好多嘢，好快又放學，今晚只喺買菜，伊麵同蕃茄，因為昨晚淨好多嘢，返到去先將魚骨煎煎灑些酒後加水去煲，煲左15分鐘就將骨起出再加蕃茄，薯仔同肉片入去煲15分鐘左右就喺一個美味的蕃茄薯仔湯，炒菜，將伊麵出水煮軟加在龍蝦麵煮煮，個個回來食，細女又買咗壽司真喺好豐富竹又開餐啦

 放入焗爐焗返熱就好好味

 放入焗爐焗就會好脆

完成陪月課程第十九日晚餐在百好酒家提早興中秋

今日返下午，早上在家趕功課星期六要交但都喺做唔完，明早再做，下午的堂講點樣照顧嬰兒，嬰兒常出現的病症，點樣用探熱針......等，時間過得好快，下星期又中秋啦，今晚約咗去奶奶到同大伯，細叔等去酒樓食提早興中秋，以前每年中秋正日都去我家食，今次他們提儀出去食，本來明晚食點知因大伯要工作又改在今晚，二個女又來唔到，現在好難會齊人，所以都喺選左日子邊個到就照食，本來好開心出去食點知去到酒樓，坐底唔知發生咩嘢事，有人離坐，搞到個個無心機食，食淨好多最後打包回家，後來大伯就話以後唔好搞咁多嘢，各自家各自食，好，無所謂自己要做的都做哂問心無愧，他們唔喜歡我都無法，今晚叫咗個餐唔洗$2000全包宴真喺好底有乳豬，龍蝦....明晚只喺買菜就得

完成陪月課程第十八日晚餐之枕頭蟹

今日返去全日都喺考試同實習，時間好似唔夠老師話可能要放遲啲，咁大家都好合作，做完就清場，時間好似好唔夠，今日實習跟平時唔一樣，老師技巧提升會睇每個同學的做法，有咩唔得就會講同點樣可以做好啲，通常早做同學就好啲，因為都中段老師都開始攰就睇得無咁清楚，我好多時都唔好彩，希望出去考試就預到個好考官，自己又唔好太緊張忘記哂啲台詞，好快又放學，今晚得我同老公食通常都喺好簡單，淋住去買些少魚同菜滾一煲就搞掂，去到魚檔又話枕頭蟹收工好平叫我買，見$20有2斤就試下，返到去好簡單煮蝦咁，洗淨放入鑊煮10分鐘左右轉哂紅色就食得，再滾多個什菜煲又食得啦

 有大有細，但都好多肉好鮮甜，下次可以再買

 只只好生猛

自從返學日日的午餐都喺759，食多日就無得再食，最初二張枱，上星期啲人已經轉食第二樣，只淨幾個人，我就無所謂最緊要平哈哈😁下星期還有幾日就返下午
今日同幾個同學一齊食

 哩個蒸倉魚都好底$58有飯有茶同湯，一個人就食唔哂，有759咭還有8折

完成陪月課程第十七日晚餐之紅咖哩薯仔雞翼

今日返去又喺上午講書下午考試，上午講餵Bb飲奶注意的事，人奶同奶粉的好與壞.....下午食完飯就考洗面換片，啲同學好搞笑記唔熟錯漏百出，我哋有時都引唔到笑左出來，老師就好唔開心話我哋唔認真，最後好多人唔合格要補考，老師話咁樣出去想合格都幾難，我就好認真但又好緊張到做時又唔記得講對白，好快又放學，昨晚已整左烏頭，今晚買菜同肉就得，本來三式椒頻果炒雞翼，買唔到椒就用薯仔洋蔥紅咖哩煮雞翼，炒菜又開飯

材料：雞翼14只，洋蔥1個，薯仔2個紅蘿蔔1只，金不換1棵，紅咖哩醬2湯匙

雞翼洗淨抹乾用豉油，糖同生粉先撈勻
洋蔥去皮洗淨切細件，薯仔，紅蘿蔔去皮切件，金不換洗淨只要葉

 先喺玫瑰煲爆香洋蔥

洋蔥爆到有香味就先放回碟後加入雞翼煎香2邊

 煎好2邊讚入1湯匙酒

 加入薯仔同蘿蔔炒勻

 加入咖哩醬

 炒勻

 加水

 大約煮15分鐘

 加入洋蔥

 再煮5分鐘就試味

 熄火後先加入金不換就可上枱