晚餐之炒油麵

星期日可以瞓晏啲，但我都喺好早起，細女要出去教畫，我本來起身整早餐，但細女叫我唔洗理，她自己食粟米片就得，要我再去瞓難得放假又無特別嘢，但我等她走了就起身，整下嘢就同老公，大女去奶奶到等細女收工就去飲下午茶，好耐未試過成家人一齊飲茶行街，跟住就回家買餸，大家都唔太肚餓，咁老公就提議炒油麵，買好料回家，炒多個菜同反熱昨晚淨的湯又開飯，過咗一個簡單遊閒快樂的一天

晚餐之茄子炆雞

又到星期六啦，一早用牛磅煲個湯就返工，啲人做野想點就點無皇管，今日返去如果跟工作紙應該就唔洗做，因為昨日被人趕盡做完二日嘢，今早就叫去做我放假啲野，真喺九唔搭八，搞緊裝修周圍都喺沙沙石石做完都無用，我哋三個負清潔的搞到個個回來叫哂好辛苦，原來咁趕喺想將我廚房大執位，洗唔洗咁急人都未走，二個星期都唔等得，唉人真系可以去到咁，而且我還要煮最少五到六餐，我見到咁都好快手將自己嘢全部掉咗，只淨個杯留飲水走時先掉，跟住啲擦鞋友不停大讚好整齊，好靚......放工去老豆到飲茶清潔同煮晚餐就回家，今晚以為食三個就蒸魚炒菜，昨晚有淨啲雞，點知阿妹話比人飛問有無飯食，咁又去超市睇下有咩買，買咗茄子，冬菇洋蔥加雞炒一炒，簡簡單單又開飯

晚餐之沙鍋雲雞

今日返去比煮更辛苦，上午搞掂午餐料就去幫手清潔，差唔多時間就煮午餐，食完清潔完自己嘢就再出去幫手清潔同搬嘢，她彩可早收半個鐘，但好攰本來老公話得我哋就出去食，老公其實唔太鐘意出街食，我見昨晚整咗只雞，買些少菜同雲吞簡單煮就算，點知阿妹突然上來話痴飯食，我話無咩嘢一煲過，咁又買炸雞上來再煮個麵比她，真喺是是旦旦又一餐

晚餐之白糊椒咸菜排骨湯飯

今日學生仔放假，家長日啲老師好忙，中午就會食粉麵，丸同腸簡單啲，但我都喺好忙，早上要預備所有嘢同煲紅豆白合蓮子糖水，下午就要幫手搬嘢，直到今天無老師知我走，只有幾個同我熟的就知，當我同她們講，個個都好出奇同以為我講大話，下午知我走的老師因要返暑期班，同我講以為我唔知邊個做我位，其實都估到只不過無淋咁多原來自己好真喺好傻，只蟹搞咁多嘢就喺想我走，因我人工高同唔洗同啲仔清潔高級好多，對啲無文化人來講就喺好工，還同老師講我好多唔好嘢，我知道後好唔開心放工去到街市都行完無買嘢，心情好差唔知自己想點，去到超市想買冬瓜做湯飯又無，最後買咗咸菜排骨煮咗湯飯，炒菜同有條烏頭，是是旦旦又一餐

晚餐之蠔仔湯飯

今日午餐湯栗米豆腐肉碎湯，仔食蕃茄蘑菇肉碎蜆殼粉，大人就肉醬意大利粉，蒜茸西蘭花同洋蔥豬扒，啲仔Last day 個個好興奮，又生日會帶咗好多嘢來食，搞到午餐淨好多，以為啲人好清高原來比想像中利害，要咩就收起走時超勁大袋，不旦同學的生日蛋糕二大個，有個西瓜蛋糕好靚好大要成千元還有大半個比人收工時攞走，湯，意粉豬扒生果......只蟹走時唔咁行正門，走後門叫人關門，真喺睇到都好笑，今晚又喺煮湯飯，個大好想食蠔仔，咁買左蠔仔同肉碎芫茜，菜就回家，煮過湯飯，炒菜同黑椒豬扒，簡簡單單又一餐

 哩個就喺成千完的蛋糕