喜歡煮食的我, 每日開心煮和大家分享每一餐
又星期日休息，今日喺自己正日生日，先祝自己生日快樂，健康平安，之前已經喺度諗咁啱星期日點慶祝，約班同學飲茶後雀焗，同老公去海洋公園好似生日免費，阿妹同我同月同日唔可以賣甩她，一定同她一齊慶祝，唔喺星期日都會提早慶祝更何況喺星期日，最後就好簡單同啲女，細妹，未來女婿先去美麗華享受一個豐富的午餐，之後喺尖沙咀行一陣後就回家開枱，晚餐各人好飽只係一煲過煮啲菜，而我真係太飽無食，因為阿女又專登訂咗蛋糕，老公都喺一樣送花，今年束花超級大同埋好靚好鍾意，簡簡單單開開心心又一日
呢個湯石頭鍋上花膠超級大
全場我最喜歡係呢個白灼龍蝦任食好鮮甜
最喜歡的芒果芝士蛋糕
今日舊歷生日難得個個都得閒，呢幾年都喺同老公2個出去食，放工約埋官塘等，原本去餐廳簡單叫幾個餐，但啲女話生日唔好太是旦，就提議去食泰國嘢，上綱搵咗間喺官塘問大家識唔識去，最後因為我又遲收就喺官塘apm食就算，上次食果個都貴但都可以，最後阿囡搵到另一間就一試都喺上次果間隔離，估唔到都幾好，食物種類唔多原來主食海南雞飯，阿女發板我哋坐低等食，呢間好似快餐咁自己出去買同比錢後就有人送比你，地方細細都幾舒服，服務都好好，飯後阿囡訂咗2個蛋糕仔攞埋喺度諗住影相後回家先食最後都喺食埋先走，好彩果間又無嘈還幫我哋影相，好開心的一晚
叫咗4個餐加一個拼盤(每個餐都喺飯同菜，飲品另加錢阿女加咗2杯，我同老公都唔喜歡太甜)
海南雞可配油飯要咗一個一試都可以，另一個加咗好似15蚊轉冬蔭功湯粉，大女自己最喜歡
今晚約咗班同學晚餐都喺百樂，因為要就同學喺尖沙咀返工通常生日食飯一定係百樂，今晚諗住可以早啲走，但最後都6點半左右先收工去到都7點半，差唔多同學都到齊，而家百樂越嚟越差，人少食物就無咩再加，一年喺度食5次左右，人事大變動記得有年不同月嚟食都喺同一個主題，今年好似有啲唔同，但其實都係果啲嘢，以前好喜歡覺得抵食同有長腳蟹同蠔，後來無蠔後我姐夫都覺得唔得，因為他最喜歡蠔，而我哋就無咩所謂最緊要價錢平啲嘢又唔差，但而家價錢都唔喺特別平，啲質素開始差，最唔喜歡無人9點就開始收嘢，因為啲人都走淨幾張枱，今晚同學都話少人點做，埋單有65折一個人都差唔多500，但都比其它酒店平，而我哋都唔係點食到嘢，就好似一個同學只係飲燉湯為主，長腳蟹只有我同另一個同學食，魚生就得一個同學食，主要有人生日食自助就好啲時間長，早到就早食，到最後就攞些少甜品唱下歌影下相就走，而家生日都無咩特別，只有一個同學好有心送我生日禮物喺一對碗可惜回家後先發現打爛一只，可能包裝唔好撞到嘢唔知道，但都好開心，邊食邊傾好快又一晚
呢張相等個waiter嚟幫我哋影，最後我哋都喺少個人自己影，轉咗班人服務態度又差
4月生日月慶祝飯食不停，今日星期日唔需要返工，家姐約咗我同阿妹食韓燒提早慶生日，我同細妹咁啱同月同日多數都一齊慶祝，我哋正日家姐已經過法國就先同我哋慶祝先，今早起身準備簡單早餐同老公食後整咗包清潔一下就出門，我哋三個好耐無一齊食嘢，大家開工都好忙，家姐成日2邊走，大家好早去到邊食邊傾，唔覺唔覺坐咗4個鐘，跟住同家姐買嘢比啲孫仔後各自回家，阿妹就上咗我家買埋蛋糕切咗先，晚餐我就無食太飽，而阿妹就同我家人一齊食，簡單又一煲粉麵菜，開開心心又一日
時間過得好快，BB今日滿月啦，今日好忙又去健康院打滿月針，今日午，晚餐都唔需要煮，午餐自己簡單食個麵，媽咪同老公去完健康院同我哋回家後就出去2人世界，晚餐嫲嫲爺爺過嚟出街慶祝，唔洗煮午餐只係準備湯同燉湯比媽咪，呢個媽咪好勁生完後今日先沖涼同洗頭，好聽中醫意見，只係抹身今日唔需要煮都好忙，去完健康院差唔多1點回家後立即同BB 沖涼餵奶搞掂她BB瞓一陣就去準備媽咪啲沖涼水，跟住就簡單煮個麵食完就準備埋燉湯做下午茶，之後就清洗奶樽，手洗BB 幾件衫，2-3日先開機洗大毛巾同床單，我喜歡2-3日就換一換反正開機，最記得有個姐姐好懶反正都開機，幾日先洗一次，最離譜喺沖涼巾話唔太污糟只係用一次幫bb抹乾身，叫我3日先好攞出嚟，我當時都唔太理，2日就掉出去話有尿，她好唔喜歡我咁做，我理得她，放工時同媽咪，BB影相，BB 好醒目無瞓好乖跟住就放工，以為可準時收，最後都遲咗半個鐘，6點幾先收工回家
滿月早一日的午餐請媽咪食魚同蝦
椒鹽蝦食咗成世開心笑哈哈
蝦豬肉釀豆卜杞子菠菜
東星斑
滿月第一條新群仔
表情多多自己攞埋公仔
