喜歡煮食的我, 每日開心煮和大家分享每一餐
未開工就約咗啲媽咪去探下仔仔，呢2年好忙都無咩點休息，今次喺因為要讀個課程無接休息2個月，點知個班由8月中改到9月中，唔知又會唔會再改，希望順利返到，如果再遲就唔夠時間讀，因為11月頭的媽媽會開刀，應該十月尾11月頭就開工，今早搞掂完各人出門就整咗糖，蛋糕同焗咗腰果，買咗車仔比個仔仔剛4歲生日，唔經唔覺咁快4歲啦，搞掂完先去同公公婆婆飲茶食午餐再去她囡囡家探她們因剛搬咗新屋，BB要等4點先接放學，所以我哋食完因時間先過去，2年無見大好多，雖然個媽咪周不時whatapp比片同相我睇，但見真人唔同都好乖比較活動，見到搖控車好鐘意立即就開嚟玩，見到他喜歡都好開心，坐到差唔多6點就買餸回家，老公最喜歡蒜煮魚，買咗見鯇魚又見到有蒜就買咗十蚊以為好多，煮埋都唔覺好多老有呢個魚就已經夠，簡單炒個菜同焗只雞，開開心心又開餐
話咁快又星期日，今日又一早起身，個囡要返工準備早餐比她，跟住就清潔下等老公起身簡單食咗早餐又煲劇，到咗晏晝同老公出去飲茶後買餸回家，之前老公買咗100蚊鮮鮑魚有十幾只，老公攞嚟炆到好似乾鮑咁煙煙韌韌，飲完茶買咗2只雞，一只蒸今晚食，另一只斬件用嚟整其它，返到家先忘記無買骨煲湯，就用2只雞啲脚同頸加啲腰果代替肉加埋瑤柱，蟲草同花膠去煲咗湯，蒸雞，炒菜又開飯
今日又喺一早起身安排各人出門後自己食咗簡單早餐，清潔一下再上綱睇下whatapp覆下她們後就出去買餸，今晚又齊人就煮餸煲湯，牛肩肉用途好廣，今次切粒粒做牛柳加三色椒去炒個個都喜歡，買咗條馬友喺老公同囡最愛，只係簡單蒸咩嘢都無加就好似凍烏頭咁食，而我就唔太愛，我都有整比啲新手媽媽都喜歡食時有啲喜歡加點豉油話更鮮味，好耐無買蝦見68蚊斤就買咗斤就咁加酒去煮好味過用水煮，唔會溜失蝦的鮮味更好食，再加個鮑魚炒菜，開開心心又開餐
今日又做咗糖同蛋糕去探2個媽咪同BB，一個仔仔剛3歲帶咗盒砌圖比他，另一個未夠6個月的囡囡，好開心見到他們，之後同其中個嫲嫲同另一個婆婆一齊去咗Outback食午餐，麻麻同婆婆都喺好朋友，第一次去呢間餐廳，呢間聽咗好耐啲麵包最好食，嫲嫲都喺咁講話孫仔最喜歡，一人叫咗一個餐就一同分享，啲嘢真係幾好食，但麵包就覺甜咗啲我本身唔太喜歡甜所以覺得一般，之後就買餸回家，回家時又上咗樓上行，而家多咗好多嘢見到有雞翼同雞肶無激素就各買一包回家，而家多數都喺焗多，今次簡單薑，豉油同冰糖去煮加個菜同魚，簡簡單單又開餐
時間過得好快又一星期啦，剛過的星期老公都放大假就周圍去行同食嘢，今日老公開始返工又要一早起身準備早餐，午餐盒搞掂完又輪到大女，搞掂各人出門還好早就去多瞓一會先起，起身食咗簡單早餐又清潔一下就上下綱，睇下劇時間好快，下午出去買餸後回家先煲湯，因為都好耐無煲，今晚又齊人，簡單燉咗蟲草鮮螺頭鹿茸姑飛排，之後準備麻辣雞軟骨，豉油煎金鮪，蝦仁菜脯炒蛋，炒菜，開開心心又一餐
今日又同老公出去，先出咗香港搞啲文件，搞掂完已經午餐時間，但還要過返九龍去返之前我哋住的彩虹村，都有十幾年無返去，初搬離時都會回去探下啲街坊同喺附近飲茶，最記得有間喜歡他們的粉葛湯，後來就無咩時間返去，因為加咗閘入唔到，大部份識都搬走，今次過去搞啲嘢就周圍行順便食午餐，以前的舊酒樓都關哂就過咗坪石果邊都有一間飲過，今次去到見裝修過唔同咗，但就同以前無咩分別，都喺唔太清潔好地區的酒樓，叫咗幾樣點心食完再周圍行去返菜檔都係好熱鬧，但價錢就唔同以前住時的平，只係買咗女兒想食的雞軟骨就離開，再去返樓上買凍肉，而家好方便豬，牛，雞羊咩都有，買完就回家，今晚只得我同老公就簡單滾啲菜同肉就算，輕輕鬆鬆又一日
