晚餐之冬至飯羊腩煲加打邊爐

時間過得好快今日冬至，大家冬至快樂，呢2星期忙足14日無停過，感覺有啲攰，好彩有老公幫手，星期日買定羊腩叫老公炆定，今日加啲各人喜歡的食物，放工回家齊齊圍爐一邊食一邊傾好開心，早2星期兒甥女生咗，家姐叫我幫手買餸同準備湯料，當然無問題，1-6返工雖然好忙，晚晚都6點幾7點先收工，回家都8點幾，而家好彩有老公幫手，回家沖完涼就有飯食，有時老公唔知煮咩就叫外賣，呢個星期只係叫咗一次pizza Hut後老公就好肉痛，因為三百幾蚊都無咩嘢食，當然食得飽，一個pizza成180，而家覺得pizza Hut啲嘢真係麻麻，有時一煲過就好方便，唔洗老公搞咁多，每晚收工趕回家整，今晚啲囡又買蛋糕又買酒，飯後就食蛋糕同湯丸，開開心心又一餐

過節一定有蝦，大家食完全年都喜喜哈哈，喺奶奶每年冬至飯都講

老公買咗白鱔，唔識起肉，最後一段段就算，老公喺公司帶咗有機蘿蔔回來連葉，蘿蔔就跟湯先炆，葉勁就試下打邊爐，只係食葉就好味啲，但啲囡都係覺得麻麻

呢支酒阿囡聽店員話好飲就買，但酒精成份高，最後只得我同老公飲，真係幾好味

呢2個星期日就一早起出咗去買餸幫家姐準備月子餐

7日的湯加燉湯料