快樂的馬家: 11月 2020

2020年11月30日星期一

晚餐之老公外賣Pizza Hut

上星期六差唔多收工時，個媽咪同我講她們星期一喺結婚一週年，想我整啲特別餸咁我就諗咗幾樣簡單餸，煲咗媽咪提議的蕃茄薯仔湯，香草三色椒焗斧頭扒，薑蔥蒸班同鮮魷炒菜心再加多個蓮子百合紅豆沙等她們恩恩愛愛幸福快樂每一日，星期日專登整咗紅梅果仁糖比她們，今日唔太忙因BB過未出院只係忙準備啲奶入樽後她們攞去醫院，雖然唔太忙但都遲成個鐘先走，因為盡量搞掂哂，等個媽咪多休息，晚餐通常全部準備好，只係她們食時蒸魚同返熱就食得，今晚本來老公話買餸煮飯，放工時突然唔太舒服就無買餸咁又買外賣，今次老公好叻啲囡話想食Pizza咁老公返到官塘搵到PizzaHut就去睇下，因為記得她們叫返去500幾蚊無咩嘢，而且又好差倒瀉哂，今次老公叫咗3個餐有湯，小食同主菜, 加1蚊有個pizza,四個人夠哂食，我見老公張單無雞翼就放工時喺KFC買咗盒雞翼，啲囡見到好開心話發生咩嘢事咁豐富，因為大囡又買咗朱古力同芒果糯米糍回來，真係好豐富，開開心心又一餐

老公還整咗碟菜

而家老公越嚟越叻，將焗爐預熱後放哂啲嘢入去，我哋返到去就唔會凍哂，個pizza熱辣辣非常好味

阿囡好舍得50蚊條朱古力都買回來比我哋食

先試咗有果仁，真係幾好味，糯米糍就麻麻皮厚唔值得

整咗袋糖送比個媽咪結婚一週年紀念日，祝她們甜甜蜜蜜幸福快樂過每一天

準備好個斧頭扒，她們食時返熱10分鐘就食得

2020年11月29日星期日

晚餐之羊腩煲加打邊爐

時間過得好快又一個星期，剛過的星期好忙因為趕23號完工後接著24號開新工，因為剛開工的媽咪早咗個幾月生咗囡囡，出院後有幾晚都過咗去幫手跟跟，好彩囡囡因早產未可出院，只係跟媽咪啲飲食同點樣泵奶，通常住月幾日先出院，奶其實喺有如果媽咪喺醫院無埋身回家就一定塞，所以先處理奶的問題，24號正式開工囡囡還未出院，可以開始飲奶就準備啲奶入針筒都幾多工序，而家BB唔洗再用針筒就方便好多，只係將奶入樽貼label後冰凍咗就可送去醫院比BB, 初初2.5ml, 3ml,5ml到而家可以40ml, 應該無咩特別就可以好快出院，呢個媽咪好乖樣樣都食無特別要求，因為有濕疹同鼻敏感所以有啲嘢唔食得，奶量都幾好，因為想囡囡飲多啲所以好勤力，而家車程迎些少又搭地鐵再轉小巴回家，每晚都8點前就回到家，老公雖然收6點但回家都7點幾，所以晚餐都係一煲過或者叫外賣，今日星期日本來諗住煲湯但阿囡話想打邊爐又話整麻辣雞食完就打邊爐，最後就買咗羊簡單薑，蒜同干蔥炆淋後就先食咗部份後加水打邊爐，其實都係簡單牛，菜同烏冬，簡簡單單又一餐

阿囡專登買咗呢個寬粉絲，煙煙韌韌好好味

今日以為啲囡要出去無準備煲粥，整點心最後整咗各人喜歡的早餐

老公的餐蛋多士配即磨咖啡

自己的芝士蛋多士配咖啡麥

細囡的餐蛋麵

大囡就麻煩啲要食pancake配即磨咖啡

2020年11月23日星期一

順利完成個半月全人奶的陪月工作

時間過得好快今日last day,每次完工都好唔舍得，喺到祝她們一家健康幸福快樂，哥哥同妹妹都活潑精靈，呢個媽咪喺舊年6月左右湊完哥哥，今年就湊妹妹，她同我講有咗第一時間搵我留期，真係好開心，哥哥剛歲半唔太識講嘢可能疫情，雖然有返學前班但講嘢都喺差啲，經我個半月不停重覆又重覆會叫我姨姨同識講包，因為他好喜歡食包，每日都專登做些包比他，不停叫他講包包終於聽到姨同包好開心，媽咪一樣好努力只係出院有啲塞搞掂完不停埋身同泵加埋我啲飲食，呢個妹妹又係一粒奶粉都未飲過，食嘢好叻做咁耐喺第二個BB未試過嘔，所以都係節蓮藕肶肶好得意，滿月後不停搵人講嘢，有時間就不停講，上星期已經識聽我講，叫她笑真係識笑又喺表情多多開心果一個，今次媽咪第二胎無咁緊張，最特別以為會早又聽綱上啲人講會好快又話遲又會好耐，我就叫她唔好聽同睇咁多，第一胎快第二胎更快，最後遲咗成個星期先有動靜，當有蹟像就唔洗1個鐘都趕唔切自己去醫院，叫救護車到時上咗車都等唔切去醫院就喺車到生咗真係好難忘，坐月時知道餵人奶就不停想食呢樣，果樣，有次知道老公出去食日本嘢就好唔開心自己無得食，為咗滿足她，我就整咗卷物比她，一食難忘就整咗幾次做下午餐，我喜歡整唔同小食比媽咪配燉湯，最緊要她們食得開心我就放心，明天又開新工，12月中的媽咪早咗成個幾月囡囡出咗嚟，所以剛完立即又開工，因為未完工所以有幾晚就專登過去幫手教點泵奶同整定2日啲餸，完工又趕準備湯包同炒米茶等媽咪繼續補足100日，所以上星期好忙好忙，雖然好忙但好開心又湊另一個，希望每個媽咪同BB經我悉心照顧都健康幸福快樂過每一天

完工媽咪給我的信同利市