喜歡煮食的我, 每日開心煮和大家分享每一餐
時間過得好快2020最後一天，今日如常開工都喺一樣忙，每年今日一定約班同學回家打邊爐等倒數，今年因疫情差唔多啲同學成年無見，希望新一年疫情快過大家可以正常生活去邊都唔洗帶口罩，今晚就一家四口打邊爐，我都喺7點幾先走，因為呢個媽咪無人幫手，工人又未到，咁盡量做好啲嘢先走又夜咗，好彩老公今日收早去買餸，好豐富豬，牛，羊 樣樣有啲，羊腩可惜時間唔夠炆唔淋，有羊片都好豐富，羊腩就留明晚繼續，細囡又買芝士撻，食後又湯丸又蛋糕，最後我都喺無等倒數因為要開工，食完老公清潔我搞掂就先休息，開開心心又一餐
又買咗啲燒鴨
又星期日啦，忙足6日星期日應該休息一下，但又要幫家姐做月子餐，今早又一早起身去買料，要買一星期的燉湯，湯同餸料， 忙忙忙搞到5點幾，家姐同姐夫過嚟攞，早餐呢幾星期都無時間整只係煲咗粥順便買點心回家食，呢個老公知我忙話今晚餐餸由他搞掂，星期BB好返覆搞到媽咪無得瞓，而家要比奶咀先搞掂，可能習慣咗成日要搵奶咀先喺瞓，我做咗咁耐未試過日間都要用奶咀我先有時間做嘢，呢個喺我第一個要用奶咀先可以去做嘢，呢個囡囡好醒目表情多多又好嗲搞到個媽咪無哂符，雖然成晚無得瞓都無法，成日諗住我喺到可以出去行下，最後都比女搞到令願瞓多陣，今晚老公煮我可以休息一下，老公又搵嘢做，專登又買蟹比我食，知道我喜歡食而且要有時間先食，食蟹要有時間先可以慢慢食，開開心心又一餐
今日boxing day 對我嚟講都無分別，但個媽咪就好開心有禮物拆，昨日聖誕日我都要開工，呢排都喺忙，呢個媽咪無人幫，工人又未嚟，我收工她自己一個人搞掂，老公早返就會幫下手，我都盡量搞掂先走希望個媽咪多啲時間休息，所以晚晚都差唔多7點幾先走，老公唔洗返，啲囡就出去過聖誕，聖誕晚只得我同老公就一煲過簡單煮就算，今晚個個返嚟食，老公就買餸煮飯，原本話羊腩煲打邊爐，最後老公就煮餐豐富，因為晚晚無時間煮叫外賣或一煲過煮粉麵，今晚老公煮咗好多嘢，回家沖完涼就食得開開心心聖誕節快樂
時間過得好快今日冬至，大家冬至快樂，呢2星期忙足14日無停過，感覺有啲攰，好彩有老公幫手，星期日買定羊腩叫老公炆定，今日加啲各人喜歡的食物，放工回家齊齊圍爐一邊食一邊傾好開心，早2星期兒甥女生咗，家姐叫我幫手買餸同準備湯料，當然無問題，1-6返工雖然好忙，晚晚都6點幾7點先收工，回家都8點幾，而家好彩有老公幫手，回家沖完涼就有飯食，有時老公唔知煮咩就叫外賣，呢個星期只係叫咗一次pizza Hut後老公就好肉痛，因為三百幾蚊都無咩嘢食，當然食得飽，一個pizza成180，而家覺得pizza Hut啲嘢真係麻麻，有時一煲過就好方便，唔洗老公搞咁多，每晚收工趕回家整，今晚啲囡又買蛋糕又買酒，飯後就食蛋糕同湯丸，開開心心又一餐
又星期日啦，以為今日都要開工，因為B昨日出院怕她們搞唔掂，但個媽咪怕我忙足十幾日會好辛苦，雖然BB之前未返晚晚都遲成個鐘先收工，所以叫我休息之後有排忙她自己試下搞唔搞得掂，今日一路都跟住到晚上先知她們忙到咩嘢都無煮叫我明天唔洗點買，今早雖然唔洗返，但都心掛掛一早又起咗身，煲咗粥諗住炒麵同煎薄餐，最簡單快捷的早午餐，點知細囡話想食點心煎餃子，家中都無材料，咁就出去買點心順便買嘢今晚打邊爐，天氣冷最好打邊爐，羊腩貴咗好多最後就買咗只雞整麻辣雞煲食完加水打邊爐，先整準備好配料，將雞洗淨後入鑊先煎香2邊後加入干蔥蒜麻辣醬炒勻加入紹興酒炒勻再加水同冰糖煮到8成熟左右，食時再加熱就食得，開開心心又一餐
咁快又星期六 ，今日個個在家只有我開工，好開心BB終於可以回家啦，所以一早就出門因為要返去做好大部份嘢，下午囡囡要嚟又好多嘢搞，通常星期六都好忙會準備埋星期日的湯同餸等媽咪多啲時間休息，阿B回家就更忙要教她們餵奶，換片掃風，一啲安全資料....等，接完阿B回家差唔多5點幾，先同BB沖涼跟住準備下午茶比媽咪，再準備媽咪的沖涼薑水，再去清潔醫院回家的奶樽，衫後就教媽咪埋身，搞掂完準備晚餐同安排好一切先走又差唔多8點，好彩老公休息返到去9點幾，叫她們唔洗等但老公話明天休息唔緊要，回家沖完涼立即開飯，呢個星期都喺外賣或一煲過煮麵，今餐阿囡見到好開心，老公煮咗大家都愛的黑椒豬手好餸飯，開開心心又一餐
