晚餐之薑蔥蒸烏絲班

最近真的好忙，雖然今日星期日應該可以瞓晏啲，但都係一早起身煲咗湯就出門，因為4月的媽咪提早生咗，而我又未完所以都有幾晚收工後過去跟下，此中第一次做父母當然緊張，第一晚二個都無瞓睇住個囡無覺好瞓，出院當日我晚上都立即去跟同教她們，可能第一次十分緊張，雖然辛苦但都放工去跟下，今日假期一早就過去再講下點餵奶，掃風同有咩注意，聽下她們的問題，同阿囡沖埋涼搞掂晒，再跟埋燉湯，等媽咪可以休息一下我就離開，她的姑奶老公好客氣送咗幾條海魚比我，我真的未食過聽都未聽過，因為我見識少，今晚就唔洗買魚，第一時間都同大家分享，叫烏絲班初見就似石班，她們同我講呢只無養，一定喺海魚，今晚簡單薑去蒸幾分鐘後加熟蔥油，真係好好味，個個返嚟食阿妹有口福，一次過蒸哂好鮮甜同彈牙，真的唔同一般養班，開開心心又一餐

每條雖然細都有個魚肚，蒸熟後就好似只花膠仔好煙韌好好味，最喜歡食花膠的細妹，唔會太食魚，都要一試話真係好好味

 洗乾淨加入薑絲

 蒸幾分鐘再焗一焗

加入蔥淋上熟油同豉油就搞掂