晚餐之潮州薰鴨

又星期日啦，真係好快好快，今日唔洗返工但都係好忙，一早煲定粥就出去買湯料，二個囡話想一齊食早餐先出門，難得成家人又坐喺度食，順便就買啲方便點心回家蒸，以前星期日無咩特別嘢就會喺屋企整包，腸粉，炒麵同粥，等她們瞓飽就起身食個豐富早午餐，而家各有各忙好難先一齊，細女上咗大學多數喺宿舍，有時忙到星期日都無返，大果個又返工又讀Master 好辛苦，所以開到聲話食完先出就一定煲粥，二個都好鍾意，出街食又趕又貴多數都在家食，食完搞掂晒自己都出門約咗個12月的媽咪入屯門傾，有時好得意緣份，之前已推咗幾個11同12月住天水圍，屯門同元朗的媽媽，估唔到又接返個住屯門，其實有個媽咪住九龍城好近我又簽二個月話我未簽就簽她，當然唔得啦己經答應咗隨非個媽咪唔簽我，個媽咪喺親戚介紹如果她一早搵我咁當然留比她，但可惜我知道後等她都無搵我，而屯門呢個媽咪搵我，我有期講咗本來話唔入，某啲原因我又應承咗，約咗見面時後，果個媽咪才搵我，話諗住唔洗咁快，估唔到要的叫我幫下手又近我反正未簽，我只有講唔好意思幫唔到手，有時真係好得意無緣無得講，自己真係路痴同媽咪簽完約同她們行下個街市後我先走，點知迷失路搞到成7點幾先返到家，今晚大伯專登攞只薰鴨嚟知我哋喜歡，以前老爺奶奶在周不時有得食，有鄉間人送嚟又或者他們過去探親後帶回來，都好耐無食而家呢啲就真係越嚟越唔得過咸，防腐劑太重二個囡都唔食，老公以前好喜歡而家都怕怕叫大伯唔好嘥錢買又貴又唔健康，知道啲囡唔食都再醃定雞翼去焗，簡簡單單又一餐

今早的豐富早餐

排骨皮蛋粥

晚餐之义燒炒蛋

今晚回家去街市行個圈，估唔到燒味還有，阿囡話好耐無义燒，所以專登行去睇下，真係唔知米貴，話$20义燒都要25得幾件都唔知夠邊個食，咁就加啲蔥同幾只蛋炒完就有得睇下，可能太耐無食二個囡話好好味，我就真係覺得無咩特別，知道今晚齊人一早煲定五指毛桃雞湯，炒菜蒸魚同炒個上海麵，一個$5蚊的麵可以食二餐真離譜，哈哈哈

收工都買唔到平嘢，呢件魚話平比我都要$38一定喺握我啦

半個上海麵加咗個青椒，洋蔥同魚片炒好又一大碟

加咗蛋同蔥一齊炒的义燒就可以今多幾轉

最抵食呢個西蘭花喺超市都唔洗十蚊大大碟

晚餐之白酒青口

時間過得好快，唔經唔覺又做咗十幾日，呢個媽媽好簡單對食無要求，而我做咗二十幾個媽媽呢個喺第一個最容易做同最輕鬆的一個，唔洗整早餐，午餐我同媽媽二個，晚餐淨煮比媽媽，雖然煮一個人份量好難，而呢個唔洗點食的媽媽更少，如果一斤菜可以煮四餐，呢個媽媽都舍得叫我照用料煲3-4碗就足夠，通常我第一時間煲起個湯中午同晚上都有得飲，而4-5點就飲燉湯，媽咪身體的問題所以只可以全奶粉，因為咁一日都係洗一次奶樽，應該好好做，但就bb比較難搞，每次飲奶成個鐘都飲唔到一半，又因全奶粉好難有便便，初初我未開工，三日都無大便媽咪好擔心，我開工後就每日都同她按摩，而家一，二日都有大便，但每次見bb都好辛苦同要幫幫她，後來了解咗只奶粉喺有啲bb唔係日日有，本來媽咪想轉但又唔知邊只好，我就叫她睇多個星期，bb再大啲身體機能更好可能就無問題，反而成日專嚟專去更影響bb的腸胃，大家習慣後媽媽都好好怕我夜就叫我搞掂就走，有時幫手餵bb就搞到遲成個鐘，個媽媽成日叫我唔洗理，只得她一個我真的唔想她太辛苦盡量做完先走等她多休息，今晚返到家雖然7點但都去超市睇下買咩，見到白酒青口新品種又做優惠買咗二盒，立即就試，但麻麻地肉質太諗無白酒香味感覺咸咗啲，下次可以唔洗再買，而家晚上多數一煲過，今晚豐富啲有青口同老公又收早買咗三文魚骨，滾個蕃茄湯底加個上海麵三個人都食唔哂，簡簡單單又一餐

晚餐之慶生日在鴻星

生日食不停，又約在幾個舊街坊食生日晚餐，幾個都喺4月生日，今晚去咗官塘鴻星話假期易搵位，而我就好老土第一次嚟呢度食，每人叫一個我睇完都叫唔到，普通一個菜都要百幾蚊真係對我嚟講好唔抵，而她們可能食慣原全你咁既感覺，有8折覺得好抵食，叫咗4餸一燉湯，隨咗碟菜每樣少少，樣樣都好靚最好味碟燒肉三寶，個名好靚都唔記得，她們樣樣都讚不絕口，哈哈哈我就唔太識欣賞，我就覺得個燉湯幾好，姬鬆茸響螺頭燉雞，見到每碟都唔多，我就只係食湯料，她們就叫二碗飯share，呢度好在無人趕坐幾耐都可以，全晚都無十枱客，有度唔好就係伙記行嚟行去可能無咩嘢做，又換碟又不停收嘢，未食完又問要唔要好煩，朋友6：30就到而我喺西貢出，假期人真多個媽咪知道假期叫我準時走怕塞車又等車真係出到去都7點，她們先叫個燒肉三寶食住等，坐到9點左右食埋蛋糕就埋單已經得返二枱人，伙記已開始明早的準備，埋單因有8折唔洗一千蚊，她們覺得更抵食又話比以前好食好多，因為我第一次當然無得講

開心過了愉快的生日

今日過生日剛好星期日，本來打算同老公去海洋公園，因為難得星期日又唔洗錢，但老公話同老豆飲茶，免得老人家等，而家每星期日的節目都係去同老豆飲茶，已經習慣哂，老豆會著定衫等我們，所以我有事去唔到，老公就一定去配我老豆，有時老豆認得我老公都唔認得我好搞笑，最後都喺去同老豆飲茶，飲完茶同老公出尖沙咀行咗一陣，就去咗龍寶食自助，喺又龍寶一星期去二次，因價錢嚟講又復活節應該喺最平，只係一家人開心食餐豐富啲，過咗咁多年生日第一次同一日收到二個明牌袋，其實我喺一個無咩要求的人，所以對我嚟講夠就好唔需要多，一個人都用唔到幾多，我又唔喜歡今日呢個，明人果個好煩，哈哈哈唔喺曬喺真心，但送到當然話鐘意開心啦，幾日前喺龍寶唔係點食，今日同家人特別開心，食咗好多每樣少少又影相傾下講下好快又要回家了，二個囡好細路又話去夾公仔，我同老公就回家先，明天她們還在假期中，我就要開工，而且今早又早起去買料煲湯比老豆

去食餐都喜歡先嚟碗湯先

 跟住就熱嘢先

 今次燒嘢就改用石紙包住燒

今次老公食生蠔，原來都好肥美，之前無人食都唔知咁肥美

 長腳蟹比上次大只但就感覺咸好多

今次有豬仔做型的奶黃包，阿妹攞咗幾只，可惜無人食太得意啦

 無咩生果癮的我都要食下啲菜

上次同學話好味食咗再encore的，我又唔覺要再食，真係每個口味都唔同

今次有燒羊脾，雖然只係少少但先會覺得好味

 甜品就真係唔多

 啲人差唔多散哂先見到呢個摩天輪

 還有燈光喺配合復活節

同老公在家簡單的早餐，自家制的麵包配蛋同麥皮又一餐

 喺尖沙咀，老公好無聊的作品

二個名牌袋

 細妹送的利市同悠閒袋

 女兒送的大袋，喺我喜歡用嚟返學見客方便放file

晚餐之提早興祝生日

明天正日生日，啲女今晚可以回來食，老公就話出街食唔煮啦，原來老公紅雨都專登出咗花虛買花，知道明天無時間，因為午餐同老豆飲茶，阿囡就訂枱食自助，每年生日多數喺細妹買蛋糕嚟，但今年都就唔到時間，她又同我同月同日，自己又約咗人，只係正日一齊食，個媽咪好好叫我準時收工唔想我日日都好夜，諗住出街食就搞掂先走又唔洗煮，但都好早回到家，原來老公又買咗菜同雞咁就喺家食，明晚成家出去食，後晚我又約咗人，返到去見街市還有嘢買就買多些少，叫老公浸定菜同將雞洗淨醃醃後入爐焗，返到去滾菜，蒸魚簡簡單單又一餐，飯後都有蛋糕估唔到老公唔止買花還買咗蛋糕，好開心