晚餐之用麥石炒鍋煮絲瓜豆腐蝦米

今早搞掂各人出門，做咗個大蛋糕同腸仔包就去探三月完工的媽媽一家，囡囡已經三個月，之前媽咪都有聯絡同send 短片知道個囡囡好叻二個月左右就會轉身，今日去到我抱她，她立即就笑好開心，她有個哥哥二歲又喺好好玩，話記得aunti Angel, 最鍾意食包同蛋糕，之前完工話嚟探他會整包同蛋糕比他，我走後她媽媽話阿仔問我去咗邊，又話喺咪返咗學，呢個哥哥還未介片，大便又要走嚟走去先得又唔飲水，我喺度時每日迫他飲水，飲湯食菜，每日都有大，但她媽話昨日又無，今天又未有，我就叫他飲多啲，下次再嚟就帶提子蛋糕，咁他好乖飲好多，媽咪就話飲比aunti睇，醒目仔到我走時他好乖坐定定喺馬桶度，後來她媽媽講比我知好勁痾咗條便便20cm長無斷，又話傾得太開心都唔記得同我同囡囡影相，無所謂啦下次再去先，每次聽啲媽咪講仔仔或囡囡點我就好開心，當媽媽們發現新嘢同我一齊分享就係一種福氣，跟住約咗同學食午餐，點知話有事改下午茶，早知就唔洗咁早走，就喺附近行暫先搭車，點知出事啦，行街邊檔成日都有推銷，每次同老公一齊就會比他拉走，今次講只鑊，女人就最易比人騙，點人已經攞禮物走咗部份，我先有位企到睇，那推銷的好利害話唔洗錢，點，點，點，最後我比咗500蚊買咗只鑊，但他就講到喺比半價會費還送只鑊，呢只鑊之前上綱都想買都唔洗350蚊，自己都喺度諗緊，點知企喺度就諗住差唔多又有嘢送就買，點知最後比多咗150雖然有禮物但都無咩用，之後搭車時上綱睇，當時那sales 就話唔洗開鑊，又可立即凍水洗，又話唔會花用鐵鑊產，點知睇到都唔係，回家再睇書明又喺用中火，要洗乾淨先搽油後，用時洗乾淨，用完唔好立即用凍冰水洗，又有五年保養，講到送比你試完要同他公司傳開去，當時講到送比你手快有手慢無，個sales真利害搞到氣氛好好，真係好容易被他握到，以後見到都要掉頭走，雖然有被騙的感覺，最後比同學講都係多些少可能好好用，反正都買咗返去試下，咁飲完茶就買咗磚豆腐返去，試用個鑊睇下點，剛用煎豆腐，蛋都可以，會繼續試再分享，今晚得我哋二個，煎好豆腐煮蝦米絲瓜同返熱之前炆的豬手，是是但但又一餐

 呢套全部500, 如果有用就好底

 只鑊洗淨已抹咗油

 用前洗乾淨再用些少油

 豆腐放入

 好快都金黃轉另一面

 爐已關還好熱試倒入蛋，好快都熟

 要等一下先唔黏，可以反

說明書講的同Sales 講的完全唔一樣

午餐同同學喺官塘陶園飲下午茶，

原來喺富臨附屬，

環境比富臨好，但價錢就貴成倍，我就令願去返富臨

 一般的茄子，價錢就貴好多

 流沙芝麻包，凍咗都有溜