晚餐之蒜茸粉絲蒸貴妃蚌

又一個星期啦真係好快，忙碌的時間過得更加快，今日好忙好忙返到去剛媽咪餵奶就幫手掃風，搞完就立即入廚房，因為明天放假，通常都會準備好湯，早，午，晚餐的餸給她們，如果無工人姐姐幫手就會整啲簡單嘢方便她們煮，多數都會準備二個蒸，只入爐水滾蒸15分鐘就食得，做到的都做定哂，好似菜都摘好，只要食幾多攞出嚟浸水洗就得，瓜就會切好配好料炒，湯只要倒入煲加水按制就搞掂，總知就喺簡單，已經好忙又有人嚟食薑醋，好彩昨晚已煲好豬手，午餐時太太話今日三點幾有親戚嚟食薑醋，咁就連飯都唔食住去煮熟啲蛋先，點知bb又夠鐘食，咁同媽咪講好同bb沖涼先，因為有人嚟到時更忙，沖完比媽咪餵奶就去搞蛋後才沖沖午餐繼續工作，剛搞掂煲醋啲人就到，幫忙招呼後好彩坐唔太耐，走後清潔好bb又夠鐘飲奶，換好片搞掂比媽咪餵奶又返廚房，最後搞掂六點幾先走，好彩有老公幫手買定餸，返去就可以好快煮好就食得，阿妹又話嚟食飯，咁叫老公去加餸買蟹因為阿妹想食，點知老公話又貴又唔靚，最後買咗四只貴妃蚌話唔想買，又喺好唔底，老公唔知搞咩得四只都唔夠分，話自己唔食，平時買得平幾蚊只，但今次要十幾蚊覺得比人握，又買唔到其它好似交差真喺比老公笑死，可以唔買又或者買蝦，比我就唔理買到就食買唔到就算可能一人得一只個個話好好味好鮮甜，哈哈哈開開心心又一餐

初生bb囡有啲會有紅色分秘物排出喺啲咩，新手媽媽可以了解下，咁就唔會太擔心

由我開始轉行做陪月時間雖然短短年半左右，但好好彩得到好多媽媽的信任，令我可以學到更多，雖然短短的時間已經照顧十幾個bb, 初期湊咗八個都喺仔，正式跟一個月的囡囡喺第九個，呢個囡囡都好乘無咩特別同一般bb 一樣，跟住有啲一星期有啲二星期都有囡囡，其實好開心做我哋呢行一定要做得多同有唔同的經驗才可學得更多做得更好，而我就有機會不停學習，自己都不停增值去上堂，睇書過去呢年學到好多嘢，我有寫產後食療，目的真係想分享比無請陪月的新手媽媽，估唔到有好多人睇，希望真的幫到手，今次又想分享下關於一個初生bb女的分秘物，點解因為每個都唔同，普通的分秘物大多數女都會有，當新手媽媽換片時突然見到囡囡條片有血一定好驚，好多新手媽媽無了解又唔清楚就會好擔心，原來有啲bb女有假月經，紅色的分秘物就會多，換片時會好多血一般的紅，有時換片都見到流出嚟，當我第一次接足都會怕唔知咩嘢事，但接足幾個，又了解清楚就無咩嘢，今次呢個囡囡就喺咁，媽咪換片時見到立即影比我睇，我叫她唔洗擔心，講解清楚後就放心，而且出院回家後第一件事都會提立即book去健康院，去健康院時又可問下醫生再了解一下，其實每個bb都唔同，唔一定個個bb 女都會有，而呢啲分秘物通常喺頭二星期，之後就唔應該會再有，聽醫生解釋話喺媽咪肚時，有啲賀爾蒙過咗去bb身體入面就有機會咁，所以每次換片時要更加清潔，用暖水加綿花清洗由上而下，就無咁容易細菌感染，如果多個二星期還有就最好睇下醫生問清楚睇下有冇其它問題

晚餐之糖醋鱸魚

明天家中各人開始放復活節假，而我就繼續開工，今個媽咪喺經agent簽約時無留意，無講到假期問題，再問返個agent 態度極差，算啦反正都無咩特別嘢照返，今次最後接經呢個agent 又要二邊收又跟唔好，希望以後自己接唔洗再比agent賺，今晚本來簡單炒菜，煮肉叫老公買魚蒸，點知老公買條鱸魚，話蒸無咁好最後就煎香再加個糖醋汁，點知條魚喺最快清哂，食完問難唔難，下次可以再買咁樣整，無所謂最緊要大家食得開心

晚餐之檸檬雞扒

又到星期日唔洗返工，應該可以瞓晏啲，但老公學校有節目，一早又出門，咁我當然又要早起整做餐，搞掂老公出門諗住去瞓返，點知二個女都起身話趕工課，咁又整多二個早餐先去休息，搞掂完都未夠八點就去瞓陣，起身先去做其它嘢，煲好湯下午就去老豆到，拿拿淋又回家買餸，二個女本來話晚上未必回來食，最後二個都返嚟，阿妹又上嚟，今次帶咗芝士蛋糕，人多食飯就最開心，食完又蛋糕，生果同糖水想唔變大肥婆都唔得，哈哈哈

呢個檸檬雞扒，材料簡單又易整，酸酸甜甜餸飯最好
雞扒二件，檸檬一個
先將雞扒解凍用鹽水浸十分鐘可以去雪味，跟住將雞扒洗淨切細件加入豉油糖同生粉撈勻，檸檬切片

 先將雞扒煎熟

 二邊煎到金黃色

 將檸檬汁加些少水同糖煮勻試味

 加入檸檬

 將雞扒回鑊

 炒勻收汁就搞掂

晚餐之釀青椒

今日正式開工，雖然昨天去幫了半日，但今日都好忙，因去健康院，一早搞掂各人出門，自己煲咗個湯就出門，因為睇九點，所以要早半個鐘同她們一齊坐的士去，去到可能星期六得半日，人山人海我哋搞到最後一個走，因為要見姑娘，醫生最後因囡囡體重唔太好要見人奶姑娘，可能趕收工，等就成個鐘，最後唔到十分鐘就叫回家再試，回家後第一時間比些少嘢媽咪食後餵奶，先睇下樣樣可以，就立即入廚房整午餐，好簡單炒過波菜肉片同蒸排骨，媽咪餵完奶就啱啱好食得啦，食完因媽咪還脹奶就幫她先睇下再按下，只喺一晚個囡食得唔好，媽咪又手搾唔到，我按完就教她手搾再立即清洗泵奶器，跟住就叫好用泵奶，跟住再煲個消炎止痛茶比她，搞掂媽咪就立即入廚房煲湯預備晚餐同準備星期日的早，午，晚餐，煲好湯差唔多囡囡又飲奶，就先同囡囡沖涼，搞掂叫媽媽起身餵奶，再入廚房安排搞掂哂就去清洗bb 衫，個媽咪就唔好意思話今日咁早嚟叫我早返時間走，我就叫她放心，無所謂唔會計OT 搞掂晒先,叫她安心唔洗擔心，她沒有工人，晚上她媽媽會過嚟幫手，咁我就準備好哂明天的湯，三餐的餸同星期一的早飯料，今晚就整咗檸檬豬扒同肉丸波菜，唔想她們搞咁多嘢，通常會將餸煮好，好似豬扒煎好，檸檬汁煮好只係返熱汁加豬扒炒勻，肉丸煮好調好味返熱加波菜煮熟就可以開餐，差唔多又六點拿拿淋講底哂所有嘢就回家，因路程都要成個幾鐘，好彩今日老公休息又幫我買定餸，阿妹上嚟食怕我夜就買咗家鄉雞做餸，其實都無問題一定夠餸食，回去簡單整梅菜肉餅拌豆腐，炒菜蒸魚加多個釀青椒，實在好耐無整過，快快手手一個鐘就開餐，飯後還有早一晚煮的紅綠豆沙，今晚就加咗大家最愛的芝麻湯丸，開開心心又一餐

晚餐之豉椒炒花甲

明天開始返工，應該又好忙啦，今早收到媽咪電話話今日出院叫我明天返工，咁我在家準備好個湯，預備晚餐啲餸就過咗去新媽媽到，剛出院都要跟下有無嘢要幫手，雖然明天先正式開工，返正有時間，問咗她老公有無嘢要買，可能未正式開工又唔好意思，我就問有啲咩，我或者去到睇下晚餐可以準備下，跟住我就點幾出門買咗淋肉上去先燉個肉汁，一回來就有得飲同煲定個瘦肉粥，因為等唔到車去到果邊又未熟環境搞到三點幾先到，但她們還未到家，有爺爺喺到等我，我就準備部份嘢等她們回來，五點幾回來就先比媽咪飲咗肉汁同粥先，跟住幫bb換片洗面，等她媽媽食完就餵奶，睇下她餵成點之後掃風，再去跟下廚房嘢，講底哂都差唔多七點時間真係好快，講聲無咩嘢先走，明天又要一早去，因要去健康院，好彩老公收早可以返家幫我炒菜蒸排骨，我返去就有得食，點知老公無啦啦又買咗花甲話好底，返到去都八點咁拿拿淋先將花甲出水，咁先品會炒時成鑊泥，邊切邊準備快快手手又開餐

晚餐之同學聚會在三德

今日在家又整中式包，整咗腸仔同芝麻包，此中唔明，點解發得好靚，但蒸完都係唔滑，面好醜樣但都無法有時間再試，今晚約咗同學今月的聚會，之前去開果間已轉咗做火煱店，咁又要搵第二間，有個同學話尖東的一間酒家，點知有酒席又去唔到試，最後有人提議去食素，搵咗佐敦三德，聽過好耐，今次都係第一次食，但有啲同學就食過好多次，今次人少最後散叫無叫餐，每人選一樣再加個齋鹵味，我自己就覺得一般，現在都加入好多好似肉的素，所以食唔到以前真正食素的味道，而且我覺得素都好油，可能太耐無食唔習慣，食完肚都有些少唔舒服，四，五月月聚會應該食自助餐因有人生日，到六月先再諗

五柳松子魚，好脆但同學話味道唔得，無咩酸味

 椒鹽鴛鴦鮮魷，原全食唔到喺咩

 齋鹵味，可能無咩汁，樣樣都差唔多

 海參豆腐，同學話海參都好似

 甜豆炒豬軟骨，質感唔太似

 艇仔粥都幾似

 送的糖水但好糊，同學就話無咩料食唔到喺咩

 發得好靚，但蒸完個面唔滑

 見到層次都好清楚，好軟綿

 芝麻卷都唔差

 雖然蒸完樣唔靚但都好軟綿