滋潤木瓜燉雪耳糖水

天氣時熱時凍好人都會病，呢個時間最好飲啲清潤糖水

材料

木瓜一個，細黃耳3-4，無花果2粒，冰糖適量

做法

先將雪耳浸軟剪去硬頭洗淨搾乾水，木瓜去皮同子洗淨切細，無花果洗淨切細

將所有料放入燉盅

加入滾水

燉一小時就飲得

小貼士

木瓜用來燉可以選啲剛熟就又甜又好味

晚餐之三式椒炒雞軟骨

成個星期今晚先正式煮一餐，阿女話好耐無食雞軟骨，昨晚叫老公幫我買定但太夜買唔到，今晚自己睇完醫生好彩還早就自己去凍肉檔睇下買完返去，老公淋住我睇完一定夜就斬料回來，我又見呢樣平，個樣平又買咗好多嘢，明晚又去簽約一定趕唔切回家都喺是旦食，星期六又返老豆到又唔會煮，咁唔理樣樣煮啲又好多嘢，唔洗一個鐘搞掂，啲女好開心，傾下講下又一餐

 $8三條茄子，只用一條簡單加蒜鹽香草同牛油蒜茸去焗一焗好味又簡單

 薑蔥蒸魚個個都鍾意

 黑椒炒雞軟骨喺女兒最愛

 老公最愛的鹵水鴨

 $11三條大甜栗加入之前飲淨啲湯到

 這個星期給太太飲的燉肉汁

 木瓜燉雪耳糖水

 下午有時煮粉麵，煎南瓜餅

有時簡單包個餃子加燉湯就喺好簡單的下午茶

 十幾日好想洗頭就要加個天麻燉大魚頭可以去頭風，但一定要惡露差唔多清曬就可以飲

 又另一餐的午餐，因為太太唔想食飯，但我就一定要她早上食一餐飯先，咁下午食粉麵都無問題再加一個湯

產後食療之燉肉汁

今次喺尖沙咀開工，呢個好好有時間休息下，啲同學好多都唔知點燉肉汁，剛好要燉個顧主又好好，比我邊做邊影相，咁就順便喺呢到分享下，生完Bb頭幾日最好燉肉汁同食溜質嘢，好似粥，湯同清燉肉汁，清燉肉汁營養非常好又容易吸收，原來有好多人都唔知點整，其實好簡單，下午有圖可參考

 $30廋肉可啄碎或切細件，我就通常切鬆就得，因為燉完一個鐘後加啲料就可煲多個湯，唔洗太浪費

如果有燉盅就放一個碗倒轉放

跟住將豬肉放喺面

豬肉喺唔洗出水嫁

燉一個鐘

燉完啲肉可以再用來煲湯，所以無切細

燉完先取走啲肉，咁先唔會比豬肉吸反轉

先將碗攞起後倒入碗就飲得，唔需要調味

晚餐之煮食班之雞，雞雞同生炒骨

因為新個太早咗出院，咁我就早咗幾日返，今日因之前報咗個煮食班，所以今日都喺幫上午，搞掂哂就立即走，她彩都無遲，我喺從來都唔會舍得比錢學煮食，但今次喺因之前的太打沈咗我，令到我全失去信心，今堂唔太貴$350上六個鐘還有2款雞攞返家，咁今晚又要老公幫手買菜同魚，因有肉帶回去，學整生炒骨，豉油雞，佐堂雞，海南雞飯同糊椒豬肚雞頭尾湯，第一次試食炒雞冠，好特別而且都好好食，老師話骨膠原好豐富，今次都有得著又多二本煮雞的食譜同認識不同種類的雞，煮法就無咩特別，味道又好個人，我哋一組四人，有個就要跟足老師，但有二個就無所謂，因咸甜味個個唔同，有啲見到老師落好多糖就嘩問可唔可以少啲，我就無問題，但有啲就好好笑要跟，我都無理又大約自己因份量，好彩啲同學都滿意，整完試食就聽博士講雞的理論，好開心又學到嘢

 回家只喺炒菜蒸魚又開餐

 老師煮的

 海南雞飯

 海南雞

 炒雞冠

完工日又喺情人節晚餐之麻辣雞煲

今日喺情人節又喺最後一日，終於又完成一個，今個真喺好唔同令我學得更多嘢，一來個B早左11週出生，由3磅出世到現在48日有4.5磅，雖然回家只有16日由剛回家好似只monkey到現在已大左好多，估唔到最後一日自己做到好甩漏，太太好客氣都有比信同利市，喺到祝願她一家仔仔健健康康永遠幸褔快樂，今晚好遲先走要清曬手尾，希望下星期新工會順順利利，返到家都8點就同老公囡囡家樓下食，麻辣雞煲想試好耐今次終於叫左再加多個餐，但雞煲好咸比想像中差，老公就話自己煮或叫其它餸好過，下次可以唔洗再叫，太耐無齊人一齊食飯，細女都專登回來同我食飯，大家一邊食一邊傾好開心，傾下食下又二個鐘就回家，明天個個又要早

早餐之雞蛋芝士火腿焗包

時間過得好快，明天最後一日，跟住下星期一又返新工，終於完成Bb都大咗好多，早咗11週初見她時好似monkey, 但要走啦見他比之前大好多，真喺有啲唔舍得希望他健健康康快樂幸褔，今早阿女話早餐想食豐富啲，咁就整做件芝士火腿蛋包比她攞走，簡單準備好入爐幾分鐘就食得又唔洗睇，方便我呢啲大忙人整早餐有時三個都唔同款，又整二個飯盒，但都好開心家人無要求煮咩食咩，成人就叫我唔好做安心在家，但我就喜歡有工作又可照顧到她們，大家都好合作，特別老公多謝他時時關心同好幫手，有時去老豆的責任好彩老公都好幫手，所以覺得自己好幸褔