晚餐之女兒做的蛋包飯

有時做嘢大的唔識做真令人討厭，我喺一個喺做無所謂的人，但原來喺哩度唔得，多做會被人話，話說昨日下午做哂嘢就將暖水樽裝水，只係想保持溫度點知無啦啦主任回來查勤，唔知喺唔係無嘢講，話點解裝哂水講好星期六先裝，點知今日回去就比人話喺唔係昨日你裝哂水，被主任嘈我無聲出只係講咗句好心做壞事，知道以後唔會多做，我初入來時喺好啲，寫好哂放假做咩，大家一齊合作做完就休息，但現在就分工分人分工各做各的，你幫喺你的事，人哋就唔會理咁多，我就好多事真的要好好學習
今日細女話交完工課就返今晚她煮飯，話煮蛋包飯比我哋食，家姐就好開心話她負責洗碗，真係幾好食咁就煲多個蕃茄薯仔湯，焗幾只雞翼同二塊牛扒，老公又走去買咗三文魚頭同骨，我話明晚食老公就話整些少食住先，食完大家都好開心好好味，阿妹就好搞嘢煮餐飯好似打仗咁，家姐一邊洗一邊喺度話有冇搞錯煮餐飯搞到咁，好後悔話洗碗

老公攞咗有機西蘭花，話全部都食得而且生食剛摘出來時一試好鮮甜，我就立即想試，老公就比咗花部份，啲女就唔咁試，真係幾鮮甜，但老公話已經無剛摘出來咁甜同好味，此中都唔同