晚餐之又烏頭又芽帶魚

終於星期五今日超忙，又要預備下星期二的食材，又要洗油池又清潔，啲人真係好無聊明早的工作未完今日嘢就叫我做，我真係彩她都有尾，話明早做點知啲人叫我自己做，好有本事就唔好做我都好少理，是實上好有問題做唔到就話辦事不力，做得到喺應該，阿頭話我煩事只係自己想點就點，唔尊重她唔同她講，我真係學唔到人雞毛蒜皮的事都大駡一餐，立即搵她插，喺唔喺真係咁得閒唔洗上堂，啲人一叫就來，阿頭唔識做就可以搞到啲人咁寸，唔係無所謂就好欺負，唔係解決到就得咩，原來有啲地方的人唔理咩嘢級數都喺咁，無話可說，今晚遲咗走返到街市六點幾，買菜同魚就得，因細女回來食一早已煲定湯同昨晚醃咗金沙骨，入到去買咗牙帶魚好底話收工，又見烏頭幾好淋住買來做凍魚，點知蒸完細女話好耐無食，咁就一齊上又開飯啦，一家人一齊食就算簡單的餸都會開開心心食

晚餐之生菜炒麵

又星期三食什糧，今日喺炒麵，紅米粥同燒賣，啲人去到盡專登自己帶嘢，搞到淨好多入哂垃圾桶真浪費，所謂阿頭又玩嘢，唔係底層次先有搞針對，有個西藉老師講得啱有人的地方就有是非，喺好無聊雪櫃唔可以放自己嘢，要放入去就通知我，她知我唔會理，有個西人放咗嘢入雪櫃，好日都唔放，一放就出事連我都被連瀘，話我辦事不力雪櫃我理咩嘢都要知，邊個放入去幾時攞走都要講，有啲人可以做咩都得但有啲連去到老師位都唔得，真係好有問題，放工時大女打來話明天想帶隻，我就問食咩炒粉，點知又炒麵，淋起今午的就好唔開心，但都無理買斤麵點知又無芽菜，行行下連椰菜都無買，回家先發現咁叫老公買又未上到車，返到來可能都買唔到，有生菜就用生菜炒，從未試過的事總會有機會，滾個節瓜湯炒個菜，焗幾塊豬扒比啲女，是是但但又一餐

晚餐之三文頭，腩骨二食

啲人可能更年期，每段時間就玩唔同人，今個月又好似論到我，咩嘢事都睇唔順眼，最好笑就喺度等你有咩出差，立即就去插，有時插唔夠就咩嘢都睇唔順眼，我真係好唔明點解啲人咁鍾意搞嘢，我就可能鋒芒太露招人不滿，因為我喺一個有禮有規矩的人，又同西人溝通到，而又唔好彩遇到啲無禮貌無文化同只會大聲同惡的人，一個唔識字又要以為自己好了不起，喺人都要順她意，否則後悔莫及，我就好少理總之唔好搞到我，老公好掛住啲三文魚，放工又去買咗魚頭，骨同腩，咁將魚尾滾豆腐湯，薑蔥煮魚頭骨，焗幾只雞翼，炒個菜煮多個金菇腩片粉絲又開飯啦

晚餐之魚，蝦

今日好好笑，我都唔知自己是否黑人增，估唔到做好人無好報，太淋又會被人蝦，有人玩針對唔但喺底層，有教養的都一樣，有個西人老師都好認同我講，有人的地方不論咩街層都有是非，玩針對，玩分批，原來做好自己本份都唔夠，喺哩到真係學到好多嘢，話咁快又放工啦今晚去到街市專登買魚，細女回來食，點知魚檔叫我幫下手買返斤蝦$60，半斤都好最後都買咗斤，以前要特別節日先會買，現在就無分想食就買，平又買再炒個菜開飯啦

晚餐之簡單潮式蠔餅

今日又星期日，下午去奶奶到搞掂就走，今日終於同老公去咗富臨飲下午茶，都幾好同好抵食，飲完買菜就回家，今晚細女又喺宿舍回來，已經煲咗湯，見到蠔仔好靚買咗斤再買蕃薯粉返去又煎下，今次只用蕃薯粉無加其它粉，老公話正中就喺咁食時再加糊椒粉同魚露，再炒個菜又開飯啦

1. 

 基本材料: 蠔仔1斤，蕃薯粉200g約杯半，鴨蛋三只，蔥1棵，水半杯

調味：鹽半茶匙，糖1茶匙，糊椒粉適量，魚露1湯匙

 蠔仔先用生粉清洗乾淨

將鴨蛋打勻

蕃薯粉加水撈勻

 生蠔洗淨後用滾水拖拖

 將蠔，蔥同鹽糖加入番薯粉撈勻

放些少油，油一定要熱

倒入粉糊

見粉糊開始變透明加入一半鴨蛋

蛋熟就可返另一邊繼續煎

加餘下的鴨蛋

煎到金黃就食得

下午茶在官塘富臨

今日同老公探完奶奶，個個星期六都同老豆喺樂富飲茶，富臨下午茶都好抵而且選擇比以前多，通常喺官塘就會去彩晶或者海港，我就同老公講官塘如果有富臨就可以去，老公話以前官塘中心就有，而家就唔知，所以今日同老公就專登去睇下，點知上到去老公話估唔到別有洞天，官塘中心十五樓還有一間食辣嘢無細心睇同卓球室，上到去都差唔多三點九好彩還有，坐低就睇下同樂富有無唔同，下午茶就一樣叫咗六個點心，埋單$101老公就話差唔多同之前食開都係貴咗二十左右，我就話當然唔同，今次食蝦餃，燒賣，薑醋，鴨脚...全部都係大點同特點喺彩晶無二百都唔得，如果新港我淋都要百五，下午有蝦餃，燒賣都係一般酒樓小點價應該無咩酒樓食到，老公話咁又喺以後可以轉來哩度

二人晚餐之生菜魚肉配炒飯

今日又星期五都係好忙，本來下午訂菜單，清潔廚房會有時間淨，但星期一啲餸又炆冬菇同梅菜蒸素肉，之前有花姐幫手，現在就只有自己一個，所以有時間就做啲而且今晚天要set場，明早有家長會，而星期六又要出去做廚房以外的清潔工作，雖然有時間但又要寫5-8月的餐單，本來上個月已經寫咗，點知話想啲仔多唔同款又改，咁大人又要改無法人哋要點我就要做，今晚放工大女先話同啲同事食唔返，細女又好忙到星期日晚先回來食，咁只有老公同我就簡單滾個湯，好耐無食生菜魚肉，以前家姐同阿妹就會出面食，我從來都唔喺出面食，因為我覺得好唔抵又有些少飯淨就簡單炒炒，簡簡單單又一餐

生日晚餐在味皇

今日好開心由早到晚都收到好多祝福，家人的祝福，同學的祝福，回校老師的祝福，還收到花姐送的蛋糕，現在二個女大好難可以一齊食，以前邊個生日都會去食自助餐，但現在好難大女做嘢又有同人補習時間好忙好難約，細女入在大學又忙又有去教話，所以今晚都係家附近的餐廳食土，方便回家食完蛋糕細女就可回宿舍，今晚大女請食飯還比咗大利市自己買嘢，細女專登喺宿舍帶咗個我喜歡的芒果蛋糕回來食完飯同蛋糕又趕回宿舍繼續趕功課，已經叫咗她不要趕回來，她說不可以正日一定要同我食，老公就年年都係花同金沙，估唔到今年多咗果仁，細妹無約就過來一齊食飯慶祝，雖然簡單一餐飯但就好開心好快樂，個蛋糕好好味食下食下成果食哂

 我自己最喜歡的豬軟骨冬菇河粉

 老公最愛的支竹班腩

 另一個生日阿妹最愛的魚香茄子

 二個女最愛的咕嚕肉

芝士海鮮焗飯最差，最後打包回家 

 最好飲的羅宋湯

 花姐送的蛋糕好好味

 今年的生日禮物

 細女的芒果蛋糕好靚好好味