晚餐之又乳鴿又鹵水鴨

今日星期日，個個有節目只有我自己在家，老公學校有機菜園攞獎，他好彩有得去食自助早餐，而大女要返工，細女就去練波，我本來想瞓晏啲，最後就出咗去買嘢，轉工後真的好忙，以前有時間行街買定好多嘢，而現在就有需要就係超市搞掂，今早自己去759買香草黑椒等配料, 再去惠康買睇下，跟著又去萬寧買洗頭水，澡涼等的用品，最後就去百佳買麥皮，牛奶等的食物，買完回家已經一點就煮個麵食完就清潔下，咁又大半日，剛好搞掂老公就返，咁就出去買餸，點知阿妹打來話上來食，想食乳鴿咁就去街市睇下，一只都要$35我就覺得貴咗啲買咗只再買半只鹵水鴨都係$50老公最愛，加條魚，買多斤蝦同煮多個茄子，煮煮下又好多，阿妹話買壽司叫她唔好買嘢，好多餸，最後飯後甜品有著落，就係買咗個無花果芝士蛋糕上來，好好味幾特別，邊食邊講又一餐