晚餐之排骨炒麵

日日都好似好忙，都唔知忙啲咩，本來返八點，但自己就早返半個鐘或二十分鐘，今日返到去都一樣咁忙，自己嘢做唔哂唔會有人幫，但人哋做唔切開聲就立即幫，性格問題學唔到人哋，無法啦天生，由早七點半返去做到五點半收工無停手，所以每日都好攰，今晚買咗新鮮排骨淋住炒河粉，老公就話炒多啲，可以明天帶回公司做午餐，點知又買唔到河粉就無啦啦買咗二個麵餅，咁又去買芽菜行咗三檔都無，之前同老公同女講炒河粉點知二樣都買唔到就只係帶咗二個麵餅回家，將排骨用豉油，糖醃咗轉煲臘腸排骨飯，但老公就話照炒麵，淨咗就明天帶飯，個女就話是旦炒麵都好，咁就簡單排骨加些少椰菜去炒，再加多個菜，飲之前淨湯，簡簡單單又一餐