咁快又星期六啦，今日家中各人都要返工，我就約咗個媽咪，搞掂各人出門，準備今晚湯同醃定排骨同雞就過去，呢個媽咪最喜歡家鄉雞，買咗個4人套餐就直接上她家，家姐食緊午餐而細路好乖喺車到坐，話咁快家姐3歲，細路都9個月，家姐越大越靚女而且好多嘢講，細路都記得我把聲，好喜歡同人講嘢，聽到我講嘢就好開心笑，坐到3點幾就買餸回家，今晚魚檔又推介話東星班抵食6蚊兩，買過2次比剛完工的媽咪都話好好食，自己反而未買過嚟煮咁就一試，簡單焗排骨同雞加多個菜同炒麵又開餐
焗香草雞加排骨
薑蔥蒸
雞絲炒麵
喜歡煮食的我, 每日開心煮和大家分享每一餐
2024年5月17日星期五
晚餐之豆腐火腩炆白鱔
完幾2日都唔知忙啲咩，完工第一日約咗個朋友同她提前慶生日，第二日剛佛誕同屋企人出咗去食半自助餐，今日約咗個12月的媽咪出嚟傾，一傾就3個幾鐘，見出咗嚟就去剛完工的媽咪到睇下，剛好午餐就買咗2個餐上去同她一切食就唔洗煮，順便幫BB沖埋涼餵多轉奶先回家，今晚只得我同老公2個食，專登買咗老公最愛白鱔，豆腐同火腩炆一炆加多個蕃茄娃娃菜湯就搞掂，簡簡單單又一餐
材料：白鱔半條，燒肉一件，豆腐2件，蒜頭半個，薑片7-8塊，干蔥2粒，蔥一棵，指天椒2只
白鱔洗淨切件，豆腐切細件，燒肉切細，蔥洗淨切段
炒勻試味加入蔥尾就搞掂
媽咪好開心一齊自怕又幫我同BB影返張
2024年5月15日星期三
家人佛誕午餐在parallel
今日開始休息喇等五月尾媽咪生完再開工，咁啱佛誕假期屋企個個都唔使返，細女book咗一間半自助餐之前諗住母親節，咁啱果日fully book見今日有位就訂咗枱，今次又預埋細妹一齊去試一行六人，呢間餐廳好細入坐個半鐘，如果唔多人就可以2個鐘，今日好好彩無咩人我哋12點半到可以坐到3點，但我哋都喺坐咗個半鐘，雖然半自助其實都只係出面有沙律菜，一款麵包好細塊，有啲芝士，煙三魚同一款凍肉，個餐有一個湯，主菜同一杯咖啡或茶，其它特式咖啡或花茶就另加錢，甜品都喺要加錢先有，坐低各人出去攞咗沙律菜食咗一陣就叫主菜，基本喺178再加一，而有些主菜都分別加唔同的價錢，我哋就叫咗6款可以一齊試食，到我哋連主菜都差唔多食完先記得無飲湯，就問是否有湯才比我哋，感覺差正常嚟湯先，到我哋叫埋甜品我突然發現無飲過湯，如果唔問我諗應該唔會比，之後叫埋餐飲大家都無再出去加沙律菜，未試過食半自助都喺坐咗個半鐘唔夠，大家都覺得無咩可再食，傾咗一陣同影下相就走，之前睇過推介話好好，我覺得就唔喺想像中好，感覺一般餐廳如果唔係阿女綱上訂有85折，呢個價錢就唔係太值，折實差唔多200蚊一個人，老公都覺得麻麻比起之前table 18差好遠，可惜已經結業想再去都無機會
遲來的湯
自助沙律菜
加錢的羊架
加錢的牛柳
海鮮手工麵
一般的芝士蛋糕，擺盤好靚但味道一般
2024年5月13日星期一
順利完成2個月的陪月工作
時間過得好快，今日又last day 啦，喺度祝媽咪同BB都健康幸福快樂個每一日，本來上星期六就完，今日BB要打2個月針咁我就遲一日完工，而且呢個媽咪無人幫，每日都好早去清理完所有嘢就準備薑水，炒米茶，午餐，湯，燉湯同晚餐，午餐後就同BB沖涼餵奶清洗BB衫後就準備晚餐，第3星期開始提早6點煮埋晚餐後清潔哂所有嘢先離去，雖然5點半收，但喺做咗2個月最早都6點先早，後來就更遲，雖然比較辛苦但都好開心，BB好叻好聽話好喜歡同我講嘢，成日笑好有回應，媽咪見到話點解同你咁多說話好似真係識聽，我話再大啲更好玩，教她們多放喺地下個席度有更大空間比她活動好快就識轉身，今日要預備多些少食物等她容易處理到星期六老公休息，昨日已買好哂今日的餸，又喺5點幾起身準備好早餐同午餐盒比家中各人就出門，未夠8點就到去到換件衫就好趕煲湯，清潔一堆淨下的碗筷後就洗埋一大盤奶樽同泵奶器，跟住就出門去健康院，BB好叻女2個月重咗差唔多4磅，打針都係咸一陣就收，今日打2邊脾個媽咪聽到個女咸好心痛，之後話比我聽差啲自己都咸出嚟好誇張，我就順便講比媽咪知，下次4個月針都一樣，打完立即按住針位BB 就會好快收聲同傷口唔會瘀，回家後沖涼時先慢慢除去針口的膠紙，唔好就咁搣開因為bb皮膚好嫩，如果就咁搣好容易黐埋啲皮出嚟，兩個月針係有機會發燒但唔一定，如果發燒就要連續食兩次退燒藥咁就會確保bb唔會再返燒，因為每一個bb對藥力都唔同如果當第一次食完退燒藥未夠時間就以為退燒，當退燒藥效力過咗就會繼續燒所以連續食兩次係最保障，搞掂完就回家，個媽咪約咗婆婆同公公一齊飲茶同我farewell，呢個媽咪真係好有心，飲完茶回去就同BB沖涼飲奶搞掂就去準備晚餐，同呢幾日的餸同湯，搞掂埋薑醋準備2大樽，炒米茶包等媽咪繼續補，搞到差唔多8點先收工
母親節BB媽咪一早給我的驚喜
last day要同BB，媽咪一齊影相
滿月當然唔少得我的祝福蛋糕同紅雞蛋
滿月著咗靚靚裙仔
呢個囡囡好喜歡聽我講嘢後開心笑
換咗塊大地席唔怕轉出去
最開心喺度玩
1個月人仔玩到360度轉，好多時要睇實轉返好，哈哈哈
今晚買咗東星斑送畀媽咪早晚餐
滿月送比媽咪的午餐祝她們成世都開開心心健康幸福
最愛的鯇魚腩
訂閱：
文章 (Atom)