喜歡煮食的我, 每日開心煮和大家分享每一餐
今日一年一度的爸爸節，祝每個父親都健康幸福快樂，以前4大長老喺度就一定一個早茶，另一個就午餐，晚餐通常就啲女同老公食飯，家姐無啦啦約今日去食自助叫我訂枱，呢個日子點可能有位，就約咗細妹，家姐，姐夫先去拜爸媽後去飲茶，2個女都有時間一齊飲，飲茶人多就最好，可以食多啲唔同款，今日飲開果間都多人咗，好彩晏咗唔洗點等好快就有枱，疫情後今次多人一齊飲茶，大家好開心邊食邊傾話咁快就4點要埋單，跟住細妹就上咗嚟同我哋開枱，玩咗一陣又到晚餐時間，大家都話唔洗點食，但都要簡單一煲過同返熱昨晚的雞同鴨，大女買咗燒雞無講，老公唔知買咗只鴨，今晚就有好多肉，只喺煮多啲菜，飯後阿女又買咗蛋糕今次試C字頭2個小型蛋糕，個牌大過個蛋糕，個樣靚食就無咩特別，開心愉快的一天
一煲
咁快又星期日又休息啦，忙咗成個星期今日可以瞓晏啲，但習慣早起都喺7點幾就起，最後都無再瞓，book咗午餐出花月庭同女提早慶生日，4月生日都book咗點知因家中各人都唔舒服就取消咗，今次再book阿女喜歡食蠔只有呢間午餐先有，而家訂枱要比訂好麻煩，因為人多話好多book完無去，所以訂枱都要比訂先可以，今日差唔多爆，我哋都算早去都已經排哂隊等入，入到去坐位近食物最唔喜歡要求換位，點知個帶位唔喺話你知無，只喺講等再安排，之後安排得好離譜4人坐加2張椅咁都得，老公好氣話安排唔到就算唔應該咁玩嘢，我哋為有坐返果張，後來可能有人無嚟所以再安排我哋坐入啲個位非常好，之前我都覺得玩嘢，我哋一早訂枱又唔喺好遲去好多枱都未有人，我已經話好多枱都未有人坐點解唔可以轉，那人無出聲只覺有啲過份，有時我哋去第二間坐位唔好要轉都立即同我哋玩，唔明果個帶位點解唔轉有啲過份淋著投訴，最後再安排就算，今日好熱鬧好多枱都喺慶生日，最熱閙有3枱大約二十幾人慶祝見到蛋糕有60數字我諗喺慶60歲生日好開心，2點半開始到5點，因為轉枱等下搞下已經3點，今次好多嘢都無食，為有留下次再食，細妹只掛住同我哋一家影相好快就到5點又要離開，細妹話原來好多嘢都無食，人太多初時周圍都排哂隊，蠔就最多人每次只可2只，食一轉都無再攞，今次唔同之前有啲食物都差咗，但呢間都喺最多款式的一間，今次又無粥最喜歡可惜無，淥麵又無轉咗關東煮無試，時間好似唔多夠但大家一邊食一邊傾又影下相好開心的一餐
今日星期日應該休息，昨日難得有時間見還未知幾時開工，2個女都休息就話出去食午餐，本來話食放題，又話燒肉，最後好彩去咗飲茶，剛到叫咗嘢一陣，突然收到個媽咪WhatsApp我話好消息3點可出院，我就問媽咪需唔需要我過去，如果要最快都要4點左右先到，話無問題可能搞得嚟都差唔多，又話可唔可以煮埋晚餐預埋公公婆婆，咁我話盡量睇下到時唔夠餸就自己再加，跟住就食咗少少嘢先回家攞行李再去買餸後就趕去，去到醫院都喺3點半，早知真係唔洗趕，搞到5點先走，回到媽咪家好趕，先同BB沖涼跟住餵奶一邊講一邊做，教咗沖奶，換片搞掂bb就去煲湯同準備晚餐，已經安排薑水比媽咪沖涼，之後就幫媽咪睇下個胸後叫媽咪試泵，再去搞埋其它嘢，本來星期日就唔返，因為怕她們搞唔掂就話明天都過嚟，媽咪好開心好感謝我，昨晚搞到差唔多十點先走回家已經11點都無咩胃口，老公灼咗菜食完搞掂哂就去瞓，好彩今日個個休息我自己一早起身食咗嘢就出門買餸後搭車又喺個半鐘車程好彩一個月，去到忙忙忙又7點幾先收，老公休息專登去買餸煮飯，今晚好豐富有鮑魚同蝦還要2食，最搞笑喺鮑魚用蒜茸還加埋粉絲蒸，蝦好多所以蒜茸蒸同白灼，其實太多都食唔哂，邊食邊傾好開心的一餐
老公越嚟越叻整5餸一湯
