老公生日午餐在極上大喜屋

開工幾日都好忙，路途搖遠，呢幾日都好忙，如常每日都喺5點幾起身整早餐同午餐盒比老公，通常都會返瞓到8點就整午餐盒比女兒，但而家開工就睇情況，第一日開工就準備埋大女午餐盒就準備自己食完早餐就出門，今日星期日本來諗住同老公去海洋公園慶祝，生日免費但最後就同老公去咗食放題，祝老公日日都開開心心，健健康康，2個女都唔得閒晚上買外賣回來慶祝同食生日蛋糕，最後因為我哋改咗午餐食放題就叫啲囡唔洗買嘢返嚟只係食蛋糕就可以，去到好多人好彩都有位，太耐無嚟太多人價錢好似貴咗但食物種類又多咗，老公出去攞咗冷盤蝦同蜆，我就無出去叫回來的種類每樣少少都食唔齊，魚生今次麻麻，蝦唔太新鮮只係食咗幾樣都無再叫，太耐無食咁多嘢實在太飽，甜品雪糕我都無食，只係老公試咗水蜜桃果子同牛乳布甸，見到隔離枱好食得最後個男人一次過可以食咗4-5支雪條真係好勁，本來都諗住食返杯雪糕，最後都喺無食，唔想太飽太辛苦，我喜歡食自助可以食好多唔同種類食物，每樣食啲好滿足，晚餐同老公都唔需要再食，就諗住簡單煮比啲女食，她的想我休息自己買嘢返嚟食同買咗個超級靚同好貴的生日蛋糕，話好多人買訂咗去攞都要排隊真係好誇張，但又真係幾好味同幾特別，老公最喜歡的，開開心心又一日

呢個蜆好好味，好鮮甜

今次有乳鴿都一試

花膠都唔差

今次叫咗幾款魚生，多咗幾只唔知喺咩，但唔新鮮唔咁食

蟹肉豆苗又喺新嘢都幾好

呢個蒜茸蒸元貝好好味

今次都有冷盤蝦同蜆

呢個雞腳都好味

其中幾款甜品

個蛋糕簡單都幾靚，啲花應該食得，但老公話最好唔好食

呢個原來喺紫薯黑糖麻薯

入面有粒粒麻薯幾特別

晚餐立冬之茲補羊肉湯

今日原來喺立冬，有個嫲嫲一早whatapp我話今日立冬未開工有時間就煲個湯，之後又收到個媽咪通知剛入院催生如無意外星人四出院，咁應該星期尾就開工，見未開工又唔知幾時就約咗老師星期四同2個同學出嚟聚下先，開工就難約要安排只得星期日，剛收到消息就立即通知她們取消，又唔知幾時再約，希望老師回加前可以安排到，搞掂哂屋企嘢就出去行個圏順便睇下煲咩湯，剛煲完蟲草雞就唔想再煲雞，睇下有咩買，可能入冬見到周圍多咗好多羊賣，見到都幾靚買咗2磅，諗住買埋白蘿蔔煲清湯羊，點知最後都買唔到，平時買開3-4蚊斤，今日啲蘿蔔唔靚，靚就要9蚊斤又覺得唔值，諗住返家樓下的超市點知都喺唔靚買唔到，最後就用咗沙参玉竹杞子元肉紅棗羊肉湯，煲完湯就簡單加啲烏冬一齊食同飲，加多個菜就搞掂，點知大囡話好忙會夜唔洗留，細又話會夜回來再睇下食唔食，最後我就將湯留起，將羊攞出嚟加啲水煮咗麵同老公2個食就算，返熱埋雪櫃入面之前的乳豬同雞，簡簡單單又一餐

攞咗一半加咗杞子，元肉，沙參玉竹同紅棗

煲一個鐘就搞掂

煲好預一人一碗就夠

買回來先清潔同去毛

清洗乾淨

用凍水一齊煲去汚

滾起再多1-2分鐘後清洗乾淨

煲好湯後將湯倒起攞起啲羊，其它料就唔要

加啲水滾起加麵同菜

晚餐之海南雞飯配雜菜雲吞魚肉煲

昨日準備咗雞煮飯，最後炒咗年糕，改今晚煮，簡單將雞洗乾淨後加1湯匙酒同半茶匙鹽醃一醃，我今次好簡單將飯煮時同雞一齊蒸再配豉油，薑茸同甜酸醬，煲飯時要比平時水少，因為蒸雞時啲雞湯同酒會滴入去，所以唔想飯太淋就要比平時落少啲水，煲咗飯就加多個雜菜雲吞煲，搞掂又開飯

雞配3款醬

飯同雞一齊煮方便又好味

雞湯同油會入哂喺啲飯好好味

晚餐之泡菜炒年糕

時間過得好快又星期五啦，之前以為呢個媽咪會早，因為第一胎早咗十日，正常第工胎都會早，點知休息咗2個幾星期還未有動靜，下星期預產期到可能都會安排入院催生，做咗咁耐第一次喺私家都可以等順產，通常都會令到個媽咪開刀，又或者堅支到個醫生比定個期無動靜就入院催生，所以而家唯有等睇呢個媽咪最後點，今日又同平時一樣搞掂家中嘢又出去個幾鐘後去買餸回家，今日買咗雞起咗髀，翼同胸肉，其它就去煲個湯，諗住整海南雞飯，點知阿囡話今晚想食炒年糕，咁就將雞收起留明晚，改咗焗雞脾仔，草菇炒菜心加多條煎黃花，今次買咗條好大黃花無切半推，個鑊煎唔起黏哂搞到條魚睇唔出喺咩嘢魚好搞笑，未試過咁失手，老公就以為我有咩事，會有咩事個鑊煎唔起就會咁，哈哈哈，等女回來買咗年糕先可以炒，其它料就先準備好，人齊又開飯

炒年糕的料有泡菜，魚片同扎肉加埋些少3色椒炒埋就顏色豐富

先炒香魚片同扎肉

炒到金黃有香味就加入泡菜，三色椒炒勻最後加入年糕炒到軟身就食得

晚餐之酸菜魚米線

今日約咗舊同事去食午餐，今次搵咗間新餐廳食半自助，食咁耐未試過覺得無咩嘢食，食完又周圍行，回家已經太晏，出門前已醃定雞，將雞入爐後就浸菜，今晚食酸菜魚米線最方便，將酸菜入煲搞好味加魚柳同牛肉最後加米線滾起就搞掂，加多個蘑菇炒菜心，快快手手又開餐

晚餐最簡單就喺醃定一款肉放入焗爐焗一焗，準備埋其它就可以開餐