今日原來喺立冬，有個嫲嫲一早whatapp我話今日立冬未開工有時間就煲個湯，之後又收到個媽咪通知剛入院催生如無意外星人四出院，咁應該星期尾就開工，見未開工又唔知幾時就約咗老師星期四同2個同學出嚟聚下先，開工就難約要安排只得星期日，剛收到消息就立即通知她們取消，又唔知幾時再約，希望老師回加前可以安排到，搞掂哂屋企嘢就出去行個圏順便睇下煲咩湯，剛煲完蟲草雞就唔想再煲雞，睇下有咩買，可能入冬見到周圍多咗好多羊賣，見到都幾靚買咗2磅，諗住買埋白蘿蔔煲清湯羊，點知最後都買唔到，平時買開3-4蚊斤，今日啲蘿蔔唔靚，靚就要9蚊斤又覺得唔值，諗住返家樓下的超市點知都喺唔靚買唔到，最後就用咗沙参玉竹杞子元肉紅棗羊肉湯，煲完湯就簡單加啲烏冬一齊食同飲，加多個菜就搞掂，點知大囡話好忙會夜唔洗留，細又話會夜回來再睇下食唔食，最後我就將湯留起，將羊攞出嚟加啲水煮咗麵同老公2個食就算，返熱埋雪櫃入面之前的乳豬同雞，簡簡單單又一餐
煲好湯後將湯倒起攞起啲羊，其它料就唔要
加啲水滾起加麵同菜
沒有留言:
發佈留言