時間過得好快，今日last day 唔經唔覺喺度同媽咪，BB 度過快樂的3個半月，真係好唔舍得好開心，祝BB快高長大，活潑健康幸福快樂，跟住休息幾日又準備下一個媽媽啦，呢個BB差唔多早咗5個星期多啲就突然出咗世，攪到媽咪好狼狽，因為新屋未搞掂，好多嘢未開始準備，而我又開緊工未家訪，入院生果晚就臨急同做緊個媽咪借咗20包炒米茶比呢個媽咪生完立即有得飲，本來諗住要提前完工幫個新手媽媽，因為做緊個媽媽做2個月後來改個半月，只差一星期就完工，出院果日因為BB喺早產BB還在氧氣箱未出院，咁就做到完工先過去，晚上就過去跟個媽咪啲飲食同人奶的問題，那時好忙，因為做緊個媽咪喺香港仔，而新的就柴灣，一頭一尾，但對我嚟講都無所謂，剛生完出院喺好想有人幫同關心，雖然已申請工人，但因疫情遲遲都未到，本來請我一個月，點知一做就3個半月，上年真係好忙未停過，唔知喺咪疫情關係，好多媽媽都一個月變個半月，個半月做到下個生，呢個喺做咗30幾個最長時間的一個，睇住BB得4磅左右湊到而家已經14磅有多，由她剛開始用針筒10ml飲到而家180-220ml 肥肥白白好可愛，每日都好多嘢同我講，差唔多已經識轉身，好乖初回家時食完就瞓，大啲就食完同她玩，第二個完就開始識同我講嘢，每日食完就同她講，她好似好明同好多嘢同我講，食完後一個鐘左右我就會放她喺遊樂場教她認動物，比她自己學轉，通常45-60分鐘後就開始想瞓就安排她瞓一陣，呢幾日就教姐姐跟我一樣安排BB, 每日5餐奶，晚上10點飲完到第二朝8點，喺我完工前2星期就開始教工人姐姐餵奶，換片同沖涼準備媽咪開工，定一個有規律的時間令姐姐容易處理，咁媽咪就每朝6點左右埋身後，我去到就帶BB出嚟比姐姐跟，每日咩時間餵，餵幾多同幾時沖涼同，工人姐姐到港隔離21日後，2月頭就正式開工，先教她點清潔，煮食，煲湯，BB用品點處理，媽咪帶BB出去要準備啲咩，初期換片，餵奶叫她睇，之後就比她試，完工幾日就安排她自己做，全部嘢攪掂哂我就可以安心完工，雖然我無責任去訓練同教識姐姐，但我習慣每個媽咪家如果有姐姐又喺聽又喺做，我真係唔介意教她，有姐姐我應該可以準時收，但每日都好忙做咗咁耐都喺年30晚準時收工，初期喺因做人幫，盡量做好一切，等媽咪多休息同容易處理BB, 有姐姐後就盡快教識她一切可安心完工，呢2公婆對姐姐好好同枱食飯，當一家人食咩都得好有福，她們2個唔食牛，都專登買靚牛比她食，今日午餐同我fairware去飲茶，4個人叫咗十幾樣點心，有4-5樣啱她食，但都怕點心個姐姐食唔飽專登叫飯，但啲飯料又唔啱食就叫咗燒鴨懶粉同菜，最後成窩懶粉只食咗些少就無食，呢個姐姐好識食，對食都有要求，唔同一般姐姐，聽她講之前的顧住好差無擔好食，早餐都喺2塊餅，自己想食自己買，照理就好珍惜食物，但感覺就唔會，可能呢個媽咪太好知道有好多好嘢任她食，她真的好幸福能夠遇到呢家好主人，希望她好好照顧BB，好幾次見她食多餐淨咗就倒哂，好似今次見食淨好多我提議帶回家，我抱住BB所以叫她裝入盒，她只係裝燒鴨其它就無裝，我就叫她入埋啲點心，她唔食得我可以食，她食得我都叫她裝但她話唔要真係好浪費，我又唔好意思所以都算，呢個媽咪都幸福婆婆，嫲嫲都好錫她又蟲草又鹿茸，做咁耐都係第一個有食鹿茸的媽媽，呢個媽媽我都有免費同她扎肚都成功收咗要媽咪繼續努力就可回復更好的身材，收工時媽咪都比咗信我，做得好靚好有心機多謝晒她花時間，每次完工最開心就係收到信同有啲媽咪完工利市，呢啲都係鼓勵的動力
媽咪好有心機送給我的鼓勵信
成功幫媽咪收咗個肚
BB頭仔已自如
每日都好多說話要同我講
終於成工攞到啦
笑容多多
滿月送她紅雞蛋同蛋糕祝她健康活潑幸福快樂成長
初期只喺用針筒飲5ml,10ml,20ml到40就開始用返樽試餵，好叻叻的BB4日左右就成功用樽飲
好似貓仔的BB，到3個月已經大好多，一啲都唔似3個月
媽咪好送給我的大大士多啤梨
整比媽咪的茶點配燉湯
豐富的韓燒午餐
豐富的完工午餐
煲比媽咪部份湯水
鹿茸燉雞
蓮藕花生多奶湯
木瓜百合花生茲潤多奶湯
北芪黨參燉雞
合掌瓜鯇魚尾湯
粉葛鰂魚湯
蘋果雪耳茲潤湯
蟲草燉雞
節瓜花生多奶湯
椰子雞湯加腰果唔用肉方便印尼姐姐都可以飲
