同學月聚在尖東聚德軒

上星期六完工到今日，日日都唔知忙咩，星期日去睇老爺同食午餐再去醫院睇老豆又一日，唔洗返工就病我都喺唔可以休息的人，星期一約咗舊同事食午餐，晚上睇完醫生就回家簡單煮，星期二在家休息一日，今日在家搞掂哂嘢準備簡單雲吞雞煲同蒸條烏頭就出門，每個月的中學同學聚會，現在難得一聚只有這一月一次的聚餐無咩特別就一定出席，今晚又少咗個又病咗，雖然自己有啲唔舒服但都見無咩所以都出咗去，又喺去聚德軒叫咗半圍，已經半年無來，還有食開個餐都好底食全包星期1-4半圍$830有橙汁同啤酒壽包同生果，我哋無人飲就轉咗二礶汽水同學攞走，今次啲嘢就麻麻，但勝在可以坐得耐無人趕，每人都喺百幾蚊

乳豬送來時見個樣麻麻，但皮脆同少少暖都幾好

 呢個海鮮卷就麻麻唔脆無咩味

 全晚應該最好喺呢個雞湯

 雞柳太咸

 蟹肉草菇配小堂菜都幾好

 呢條班就唔太新鮮同好細條

鮑魚菇鵝掌，菇完全無味

苧頭肉碎炒飯無苧頭當然無味還未炒好，好多飯團

今晚只炸子雞皮脆可惜太咸

陪月又完工

時間過得真喺好快，話咁快又完工啦，今日最後一日，Bb出世到現在重咗3磅幾由30ml食到今日已130ml自己都覺得好唔同好硬淨又重手，真喺有啲唔舍得，媽咪非常有心寫咗封好好推薦信比我，真喺多謝她還送咗個十斤薑煲比我遲啲去攞，到時又可探bb，咁啱原來是她舊歷生日她的媽咪同老豆買生日蛋糕上來比她，咁我當然都要比返個利市祝她生日快樂，食完蛋糕我就走先，因為她們出去興祝叫我唔需要安排晚餐，就燉咗湯同煲咗個蓮子百合紅豆糖水，今晚我同啲女就去探完老豆一齊出去食飯興祝下，完工又可以休息到4月等另一個生完開工

 今個星期煮比太太的午餐

無飯隱的太太， 終於午餐都食薑蛋炒飯

 燉咗花膠湯，因唔餵人奶食花膠就唔怕膠質重塞奶

 另一日的黑豆燉烏雞護髮

 滿月的紅雞蛋

 太太給我的信

晚餐之綠茵餐廳

今日雖然星期日可以瞓晏啲，但細女要出去教畫，咁一早又起整咗早餐，清潔下就出去買嘢，最近好忙返工探病又返學都無時間，所以一早出去買日用品，最近百佳就喺到買哂，搞掂哂等老公出老爺到飲茶食午餐之後就出去探老豆，晚上二個女都唔返黎食就同大哥細妹喺佐敦食完先返家，因上次睇完老豆喺大排檔食咗餐好貴又唔好食，就提議返樂富，點知阿妹話唔好喺附近搵餐廳食完各自回家，咁差唔多行到油麻地見呢間餐廳都幾好就入咗去食咗個合家歡四人套餐，有湯，飯同熱飲，半只雞加三個$68的餸，味道唔錯又夠份量都算平$298比起喺大排檔底好多，上次三個人食咗三百幾都唔知食咩，今次四個人食都三百有找就好好多

差唔多食完先黎條魚

 呢條魚就麻麻，唔太新鮮

 貴妃雞就好好味

 魚香茄子有咸魚而且份量好足，餸飯一流

 咕嚕肉還有少少脆

早幾日探完老豆我，老公同阿哥淋住搵餐廳最後行咗入去呢間食，難食又貴

 呢碟好似被人食咗一半的蒜茸粉絲蒸青口

 麵粉多過蠔的蠔餅

 碎濕濕又無潤的啫啫雞煲

 所謂的綱絲蝦卷完全食唔到咩嘢味

晚餐之蒜茸粉絲蒸貴妃蚌

又一星期啦，今晚本來放工過老豆到同他晚餐，點知早二日在家跌倒入咗院，老公去探我放工就回家煮，因二個女都回來食，而且阿哥，家姐細妹都去我就回家明晚先去睇，老公放假幫我買定餸，咁我放工直接回家煮，老公買咗好大只貴妃蚌話好底，咁就簡單加蒜茸粉絲去蒸蒸，蒸好加自己開的豉油汁，今日又好遲先走返到屋企都七點半，一邊清洗一邊煮都要搞咗成個鐘先開飯，剛好老公睇完老豆回來，現在最開心就喺晚上齊人食飯，珍惜每餐齊人的飯聚，大家都會傾下自己一個星期發生的事，又講下星期啲時間點，邊晚會回來食，細女邊晚先有時間回來或者開始又忙考試未必可以，食下傾下又十點時間實在過得太快，開開心心又一晚

每日都會煮同安排唔同的早，午晚餐，燉湯同餐湯，有時還有糖水，呢個太太唔太鍾意食飯，我就叫她最少早餐同晚餐食飯，咁午餐就可以煮粉麵下午茶就整啲特別嘢好似雲吞，煎餃薄餐...今個星期部份的陪月餐：

其中一款燉湯-北芪黨蔘燉花膠

下午茶的煎薯條

午餐有菜心，炒油麵同糯米酒煮雞蛋肉片

下午茶的首烏黃精燉烏雞養顏護髮配菜心豬肉蛋卷

午餐的菜心，魚肉蝦條魚蛋米線配糯米酒雲耳煮雞

午餐的菜心，糯米酒煮肉眼根同什絲炒上海粗麵

茄子二食

今日星期日可以休息下，但因女兒要返學校就早起煮咗早餐，女兒叫我唔洗理她難得休息就瞓到自然醒，但我唔想可以做到一定做，搞掂完無返瞓就悠閒地整理筆記同焗栗子等老公同大女起身先食嘢，下午去咗老爺到同他食午餐，今次又去百分百，老爺最愛干炒牛河同奶茶，我同老公因為在家同大女食咗嘢就叫多個炒飯Share食，食完又去買定幾日餸就唔洗每晚趕回家買餸，官塘街市買嘢真喺好平$7有3條好大的茄子，$10有3斤菜心，肉就返去自己個頭先買，本來今晚得我同老公食，點知細女打回來可回來食同瞓，咁都有餸唔洗加，點知細妹又話上來痴飯食，咁就又要加料因今晚茄子魚，薑蔥魚頭同菜，無嘢她喜歡就叫老公上去斬料，加多只茄子簡單加蒜茸焗一焗因她現在好啲會食蒸魚，其它煮法都唔食，咁又豐富煮一餐

 一只茄子就有六大件

 下午喺百分百，食物都唔錯

 楊洲炒飯都幾多料，但份量就少咗啲

 干炒牛河喺老爺最愛，日日食唔厭