自助燒烤在天水圍幸福山莊

今日好開心，姨甥女請我哋一家去幸福山莊玩，一早家姐全家先上我到食早餐，之後一行十個人就去官塘搭269c再轉輕鐵入天恆站再行15～20分鐘左右就到，去到門口就有大牌寫住幸福山莊，入到去就有個大湖，原來喺比人釣魚，再入小小就喺燒烤場再行上去就有個釣蝦場，釣魚租魚干$80一日無限時，但釣蝦就$30一個鐘，釣到的蝦就$128一斤攞走，今日姨生女還另外叫咗海鮮有jumbo帶子，鮑魚同貴妃蚌本來還有蝦同蠔，但唔係我哋要的所以退返都要成千二三蚊，今日好多謝甥女安排咗一日咁開心的活動，還要洗咗咁多錢真係唔好意思，總之好多謝玩得好開心，家姐同姐夫更開心，玩到六點幾七點我哋就回程各自回家啦，明天又要繼續工作

入去就由湖邊已感到環境好好

 有專人開爐

食物種類普通但都好多款 

 還有幾種菇菜

 還有幾款醬料提供

 六個大細路好專心去釣蝦

 兒甥女另外訂的海鮮鮑魚同貴妃蚌

 Jumbo帶子比手板大

 她們釣的蝦六個人玩一個鐘連十幾只釣到的蝦就要四百幾

自助燒烤時間是三個鐘，可能我們另買海鮮所以她們都無追我們，而且開爐後六個大細路又去咗釣蝦，其實都無咩食到，燒完海鮮都入夜大家又想走啦

大約五點幾六點樹上的燈飾更加美 

 日落令到天色好美

一家晚餐在大快活

今日雖然假期都無得瞓晏啲，啲女同老公都有野做，一早起身煮好早餐，簡單一人一碗麵，因唔同時間起身，個個出哂門我就上街市買湯料去老豆到，又係例牌節目飲茶清潔煲湯煮飯搞掂就走，今晚大女約咗去銅鑼灣影樓影畢業相，好好玩好似當年同老公影婚紗相咁，搞到九點幾細女叫哂好肚餓，話食完先走，老公就話去返以前常去近中央圖書館的大快活，點知改哂路行到去差唔多都無咩野食，就是旦叫咗三個飯一齊食，以前$30幾$40蚊就有湯有飲品，現在就$40幾$50個飯無野飲，飲野就加錢，哩到我哋以前啲女細就喺一家娛樂地方，喺家附近有巴士直到，來到中央圖書館各自各搵書睇，直到晚上就去食飯再搭巴士回家，今晚就叫咗咖哩牛腩，粟米班飯同雙腸煲仔飯加個例湯，個個食飽就搭車回家，好開心過咗一個愉快的晚上

聖誕節晚餐

祝大家聖誕快樂，身體健康，開開心心又一日
今日好忙雖然唔洗返但都好早起，因為約咗舊街坊飲早茶，飲完就趕二點同班同學又飲茶，飲完就上我家開枱，晚上就打邊爐，買咗好多野，個個都好比面，傾下食下飲下好開心的一晚而且啲野差唔多都清得

哂

平安夜的晚餐

今日如常上班，都喺收早半個鐘，以前公司會開party或者出去食餐好啲，但哩到啲人唔太好，各自食以為自己幾叻，好多時買咗野四個收起食，但又要喺我哋面前樣一樣，以為我哋好想食，真係叫她們慳啲啦，我哋又唔係食唔起，今餐我就同花姐二個叫外買食好多野，一個常餐就有米粉，雞翼，多士同奄列，再加多個午餐有湯有飯同飲品，$80蚊咗右二個食到飽都食唔哂，好開心傾下食下
今晚以為只得我同老公食淋住清舊餸，點知阿妹打來話上來晚餐無節目，細女又話趕得及同我哋食，咁放咗工去超市睇下有咩買，買啲菜，見到青口都幾口又買咗雞翼，今晚平安夜應該食火雞，我就食雞翼應下節，簡單醃咗雞翼，再用蒜茸黑椒去焗青口，阿妹又帶來壽司，簡單的晚餐變了豐富的平安夜晚餐

最喜歡就喺醃好野放入焗爐方便又唔洗睇火

 青口就更放便，用鹽水解凍後加入蒜茸同黑椒去焗15～20分鐘左右就食得

 雞翼焗到差唔多就放入青口一齊焗，咁就可以一齊食

冬至後的晚餐

今日如常回校幫手清潔打腊，以前同啲人唔啱都唔會好似現在咁，那個新人真利害，可以搞掂兩個舊人一齊對付我，無所謂做野著，啱就繼續唔啱就走，現在回去各做各的，而我哋唔會做得出，都會先睇有咩野一齊做，有時間先做自己負責的，暑假初入時差唔多近暑假又喺要幫手清潔，那時都係一個唔合作，但都一齊做，一齊休息一齊玩都幾開心，點知現在來了二個搞米田共就搞到各自做各自食，只有她們四個好happy, 其實我同另一個都好好，都好有二個唔洗剩底自己咁慘
今晚我唔洗買餸，回家清昨晚的餸，炒個菜同將剩底啲蝦同肉去炒飯再返熱些少湯，是是旦旦又一餐