過幾日就係冬至，近呢幾年又開工又疫情都無出去慶祝食飯，老公喺冬至都休息整盤菜，今個冬至都未缺定果日會食咩，今日約咗中學老師同同學去飲茶，阿妹晚上過嚟食飯就順便提早同她過冬先，幾年無見啲同學又剛完工有時間就整咗牛乳糖同芝麻餅送比她們做聖誕禮物，大家無見話題多多，開放後個個都出外遊，今日雖然人少少但都好開心，老公休息就幫我準備晚餐，煲咗湯喺妹妹最愛的章魚蓮藕湯，有雞，燒肉，蒸班，妹妹好開心太耐無食我煮的晚餐，開開心心又一餐
最快手就喺蒸雞，自己蒸唔太咸
喜歡煮食的我, 每日開心煮和大家分享每一餐
2023年12月17日星期日
2023年12月9日星期六
順利完成個半月的陪月工作
時間過得好快，話咁快又完成一個工作，喺度祝媽咪同BB都健康幸福，雖然每次完工都喺好唔舍得，但開心見到BB健康由出世的2.8到完工已經去到3.985，呢個BB都好乖食得好好已經每餐日間可以食到150，而晚間就比較少，今次媽咪喺第二胎本來跟哥哥簽2個月最後覺得自己樣樣處理到，姐姐又幫得手就提早半個月完工，好彩而家喺處於半退休，如果要等開飯或供樓就難預算，開始休息到3月，本來打算跟家姐過法國探女兒又因時間唔啱，放假又可以去探啲媽咪好開心，過去的個半月都喺好忙，又喺早到遲早回家後好攰都喺老公幫手煮有時就出街食，呢個媽咪第二胎，樣樣都好似唔太緊張唔同第一個，好快就比姐姐跟，早上我去到姐姐就去休息，所以每早都好趕，BB第二個月開始食得慢，喺日間只有我餵到飲好多，但晚間就難搞，希望我完工後就乖，呢個又喺萬千寵愛個個都好想抱，呢個都喺好乖初期可以自己飲飽就自己話，話到想瞓就瞓，後來就難啲因為只要BB有少少聲，姐姐就第一時間去抱講咗幾次都唔聽就無再講，媽媽都覺得無所謂，今晚走時又好似平時收工一樣，只係記得叫媽咪影返張相，媽咪話太忙等我27號回去陪妹妹打針先比返封信，今次又要等上一個媽咪到而家我呢個job都完還未收到，問她就話唔會走我，真好笑，今晚又係搞到好夜因為盡量收工時餵多轉等她們可以多時間休息，last day 又唔知幾點收啲女就提議出街食，我走得就通知她們，今晚又去稻香是旦叫咗幾樣食完行陣就回家
妹妹滿月都喺送紅雞蛋同蛋糕等她們一家健康幸福快樂，3歲的哥哥都好合作同Auntie Angel 影相就立即走埋嚟，好開心
2023年11月19日星期日
34週年結婚紀念晚餐在 Itamomo
時間過得好快不經不覺同老公度過34年啦，但感覺都唔喺好耐，感到好幸福到而家老公仍然咁照顧我，早2日入院做咗個小手術，果日老公專登請假陪我，其實只喺醫院外面都無得入去隨咗探病時間，最初醫生話大半日就搞掂，點知晨早7點幾入去等到午後先輪到我做，又要早一晚12點後唔可以飲食，做完已經差唔多4點先入返病房，我就問可唔可以食嘢，點知話要見完醫生先得，好彩吊住鹽水搞到5點幾食得，估唔到醫院無提供話要等食飯時間，之前見隔離床做院就問她肚唔肚餓，跟住就比奶同餅再比粥，到我時就問都無問，算好彩老公喺出面等已經買定碗粥食得就叫人攞入嚟比我，差唔多20個鐘無食嘢因為早一晚9點幾後就停飲食，之後見完醫生安排日期拆線同覆診後就走得，太開心搞掂哂換好衫就回家，差唔多到家才記得無攞藥，又要麻煩老公搭車回去攞藥，醫生已寫假紙休息十天，但我覺得都可以就無理第二天照返工，家人就好不滿要我休息，我自己覺得處理到就照開工，今日星期六喺好忙因為要處理埋星期日的湯同餸菜方便媽咪她們有時間休息同照顧BB, 一早就回去最後都遲成個鐘先走，又要老公喺街等我一齊去食飯，今晚2個女都要工作，今年又喺我同老公自己慶祝，放工太夜就喺家附近食就算，點知細女話臨時取消唔洗做可以回來同我哋一齊食，咁我同老公喺附近行下等埋，細女叫咗好多嘢還買咗蛋糕，最驚喜喺回家見到好大速嘅花，原來老公放工專登買咗攞回家後再去車站等我，食完飯就回家影相同切蛋糕開開心心又過咗愉快的一晚
炸雞配芝士汁
香草蜆好好味，可惜好多都喺得彀
餐加配雞翼15蚊，正價38就感覺貴好多
叫咗雜扒餐可惜無牛扒，想食牛就要另叫，剛做完手術的我喺唔食牛，所以專登叫咗個無牛的雜扒，加個焗返再加幾樣小食，3個人食唔哂
芝士焗薯茸西蘭花
雜扒都好足料配牛乾菌汁，實在太咸都無試個汁
忌廉湯就好好飲
雜菜餐湯就麻麻
唔少得呢杯餐後咖啡，呢杯咖啡個花好特別
2023年11月13日星期一
老公生日在稻香
今日老公大日子，祝老公健康快樂，昨日已提前去食放題，今晚諗住同老公去食西餐，點知2個女突然話可以一齊食晚餐，咁就臨時搵間近邊個到就先搵位，今晚無咩特價啱都話無哂，最後只係叫咗個花膠雜菜煲配4只蒜茸蒸聖旨，羊腩煲配生菜加咗2個氣鍋燉湯加一個白飯，本來想再嗌燒味但最後都無叫，細女買咗個蛋糕食埋先回家，花膠雜菜無花膠，我哋就問點解會無，果個人好好笑話喺咁，我話喺叫268的花膠海鮮雜菜配4只聖旨，如果無花膠點解話特價，最後她就用筷子返完就攞走，後來嚟咗一煲就有些少花膠，已經無嘥心機再去叫其它，羊腩嚟埋阿女要個飯，大家食完都話夠就無再加，去稻香只係一個全包宴最抵食，今次只係得4個唔想太多食唔哂，下次人少都喺要揾過第二間，今晚雖然簡單但老公就好開心，疫情回復正常大家都好忙，2個女的工作好多時都好夜，每次有慶祝都要預早睇時間，一家人好少出去食，老公還有2只新表開心都立即就帶相，食埋蛋糕就回家，明天又要一早起繼續努力
只係放回少少的花膠
好靚又好味的紫薯蛋糕
見到靚靚的手表立即帶上後又睇另一只
一家四口影返張，老公好開心
昨日放題送的芒果芝士蛋糕
訂閱：
文章 (Atom)