簡單晚餐同女慶生日

明天阿女又大一歲，之前去食自助餐，而家大咗正日多數同朋友慶祝，本來話今晚唔返點知又話返嚟食，咁細囡話買蛋糕，雖然返到家都8點，老公已焗好排骨同準備咗菜，家中有三色椒就快手用自家制的麻辣醬炒咗個肉丁叫老公幫手開邊釀咗入三色椒加芝士去焗一焗，有個麵餅先出水加芫荽蔥同豉油炒一炒非常美味，細妹早前送咗包人參雞湯比我試，今晚剛好返熱就有個湯，簡簡單單就開餐，飯後當然唱下歌仔食多糕影下相，開心的一夜

飯後甜品

提早同女慶生日在花月庭

咁快又星期日又休息啦，忙咗成個星期今日可以瞓晏啲，但習慣早起都喺7點幾就起，最後都無再瞓，book咗午餐出花月庭同女提早慶生日，4月生日都book咗點知因家中各人都唔舒服就取消咗，今次再book阿女喜歡食蠔只有呢間午餐先有，而家訂枱要比訂好麻煩，因為人多話好多book完無去，所以訂枱都要比訂先可以，今日差唔多爆，我哋都算早去都已經排哂隊等入，入到去坐位近食物最唔喜歡要求換位，點知個帶位唔喺話你知無，只喺講等再安排，之後安排得好離譜4人坐加2張椅咁都得，老公好氣話安排唔到就算唔應該咁玩嘢，我哋為有坐返果張，後來可能有人無嚟所以再安排我哋坐入啲個位非常好，之前我都覺得玩嘢，我哋一早訂枱又唔喺好遲去好多枱都未有人，我已經話好多枱都未有人坐點解唔可以轉，那人無出聲只覺有啲過份，有時我哋去第二間坐位唔好要轉都立即同我哋玩，唔明果個帶位點解唔轉有啲過份淋著投訴，最後再安排就算，今日好熱鬧好多枱都喺慶生日，最熱閙有3枱大約二十幾人慶祝見到蛋糕有60數字我諗喺慶60歲生日好開心，2點半開始到5點，因為轉枱等下搞下已經3點，今次好多嘢都無食，為有留下次再食，細妹只掛住同我哋一家影相好快就到5點又要離開，細妹話原來好多嘢都無食，人太多初時周圍都排哂隊，蠔就最多人每次只可2只，食一轉都無再攞，今次唔同之前有啲食物都差咗，但呢間都喺最多款式的一間，今次又無粥最喜歡可惜無，淥麵又無轉咗關東煮無試，時間好似唔多夠但大家一邊食一邊傾又影下相好開心的一餐

今次無食魚生

今次啲雞好淋好似煲完湯肉無咩味連脾位都好散

生蠔話好鮮甜只有大女同老公有食

日本呢幾款阿囡話好食，我就無食

呢2款雪糕好好味

甜品都好多，我只喺食咗少少芝士蛋糕

細妹最喜歡切圖

假日老公煮豐富的晚餐

今日星期日應該休息，昨日難得有時間見還未知幾時開工，2個女都休息就話出去食午餐，本來話食放題，又話燒肉，最後好彩去咗飲茶，剛到叫咗嘢一陣，突然收到個媽咪WhatsApp我話好消息3點可出院，我就問媽咪需唔需要我過去，如果要最快都要4點左右先到，話無問題可能搞得嚟都差唔多，又話可唔可以煮埋晚餐預埋公公婆婆，咁我話盡量睇下到時唔夠餸就自己再加，跟住就食咗少少嘢先回家攞行李再去買餸後就趕去，去到醫院都喺3點半，早知真係唔洗趕，搞到5點先走，回到媽咪家好趕，先同BB沖涼跟住餵奶一邊講一邊做，教咗沖奶，換片搞掂bb就去煲湯同準備晚餐，已經安排薑水比媽咪沖涼，之後就幫媽咪睇下個胸後叫媽咪試泵，再去搞埋其它嘢，本來星期日就唔返，因為怕她們搞唔掂就話明天都過嚟，媽咪好開心好感謝我，昨晚搞到差唔多十點先走回家已經11點都無咩胃口，老公灼咗菜食完搞掂哂就去瞓，好彩今日個個休息我自己一早起身食咗嘢就出門買餸後搭車又喺個半鐘車程好彩一個月，去到忙忙忙又7點幾先收，老公休息專登去買餸煮飯，今晚好豐富有鮑魚同蝦還要2食，最搞笑喺鮑魚用蒜茸還加埋粉絲蒸，蝦好多所以蒜茸蒸同白灼，其實太多都食唔哂，邊食邊傾好開心的一餐

老公越嚟越叻整5餸一湯

薑蔥蒸鯇魚，蔥多到都睇唔到喺咩，哈哈哈

晚餐之香煎三文魚

今日喺佛誕還未有消息幾時開工，家中各人休息又唔需要早起，但都喺8點幾就起做下清潔，等老公起身一齊食簡單的早餐，之後就出去行下順便飲茶食午餐後買餸回家，喺樓上買咗包好靚三文魚，今晚攞咗件出嚟煎一煎簡單又好味，太耐無煲湯就買咗料煲粉葛鰂魚湯，阿女又話要食雞軟骨，咁又買雞軟骨返去炒加多個菜，開開心心又一餐

三文魚香煎最惹味個個都喜歡，老公最愛加沙律醬

今次干炒加蒜茸干蔥茸最後加蠔油同少少糖調味就已經好好味

晚餐之炒蝦子麵

昨日返咗一日因仔仔出唔到院，今日就休息等BB出嚟再開工，昨日接到媽咪通知話出得院可能要午後，咁我話喺咪開工，咁立即執好嘢就出門，買咗餸就搭車去先煲好薑水，燉咗肉汁同煲定湯，準備好BB的用品，預備小食等到4點媽咪就好擔心要等報告後先出得，就怕我收工她回來唔知點算，我話出得就一定等，媽咪安心再等到5點半我收工還未有料，個媽咪就話可能出唔到叫我收工先，但隔離床剛收到報告無事出得，咁我就話等多半個鐘，知她老公會去探我就一齊去到時出得就一齊返，唔出得我都可以跟一跟，帶埋肉汁，小食同湯，路途中收到話BB有事唔出得，咁去到先比媽咪飲燉湯食啲嘢，就再去跟BB，BB 應該喺埋身食唔到，好彩有去跟叫媽咪搵姑娘攞奶水，知道個媽咪唔識埋身已經叫她同姑娘攞只喺早上攞過一次，媽咪唔識再問，啲姑娘只叫她埋身，唔識埋難，奶量未出得好，個仔完全食唔到，我見到都發覺他好黃，所以叫媽咪埋身後一定要攞奶水飲，咁BB先可多排同夠飽就會瞓，瞓得好食得到排得好就搞掂黃先，怕之前問題解決就到黃問題，先較埋身後就教點餵奶水，因為喺醫院只可用杯或針筒，我當然教用杯，咁回家再埋身或樽餵都容易，跟完又過咗探病時間要走啦，回家已經9點幾，今日都喺一早起身搞掂各人出門，自己唔洗返就再去瞓多陣，同平時一樣食咗簡單早餐，清潔上下綱3-4左右就出去買餸，本來都唔想出，但阿女話想食雞軟骨就出去，之前同學專登出紅磡好出名舖頭賣蝦子麵要寄過去加拿大畀親戚，就順便畀咗六個我試一試，今日就將個蝦子麵加啲菇同肉去炒，我唔覺得特別好食，只係覺得好咸所以加咗好多姑調味都唔需加，再加多個雜菜煲簡簡單單又開餐

用咗3個麵先出水後加入料炒一炒就搞掂