喜歡煮食的我, 每日開心煮和大家分享每一餐
今日又同老公出去，先出咗香港搞啲文件，搞掂完已經午餐時間，但還要過返九龍去返之前我哋住的彩虹村，都有十幾年無返去，初搬離時都會回去探下啲街坊同喺附近飲茶，最記得有間喜歡他們的粉葛湯，後來就無咩時間返去，因為加咗閘入唔到，大部份識都搬走，今次過去搞啲嘢就周圍行順便食午餐，以前的舊酒樓都關哂就過咗坪石果邊都有一間飲過，今次去到見裝修過唔同咗，但就同以前無咩分別，都喺唔太清潔好地區的酒樓，叫咗幾樣點心食完再周圍行去返菜檔都係好熱鬧，但價錢就唔同以前住時的平，只係買咗女兒想食的雞軟骨就離開，再去返樓上買凍肉，而家好方便豬，牛，雞羊咩都有，買完就回家，今晚只得我同老公就簡單滾啲菜同肉就算，輕輕鬆鬆又一日
完工差唔多十多日，每日都好似好忙， 呢個星期老公又開始放大假，今日同老公出咗九龍灣宜家睇下，太耐無出去行，以前初開時mega box 好多人同免費車過嚟，而家只得一架去九龍灣，行完買咗嘢諗住出返官塘飲茶，但已經差唔多3點怕出到去都收市，咁喺九龍灣行下睇下有咩食，點知見到有稻香就入去飲下午茶，我哋二個好似大鄉里，攞咗位時比咗包茶葉我哋就入去，伙記只問幾位後放咗碗碟，原來自己沖茶喺手機點嘢，我未試過酒樓咁先進，就問攞點心紙，她就話喺手機，搞咗好耐都唔得，原來出面未開枱等咗一陣就scan後點嘢，跟住見無水又叫人原來按制就自動加水同煲滾，真係好大鄉里，2公婆不停喺咁笑，之後又搞唔掂個機又down咗，原來禁得唔好死咗機，又叫人嚟搞咗好耐先搞掂，我哋叫咗5樣點心閒日真係好抵，如果正價應該唔太平，全部點心計小點17蚊，茶位應該十蚊一位，今餐食咗120老公話值得見識好多嘢，啲點心都好好味
呢套茶具，一邊喺自動入水同煲滾，另一邊就沖完後可直接倒入去
開始完工後有時間而疫情開始好轉，今日就過咗香港仔去探2個BB, 呢個媽咪2個都喺我跟坐月，無諗過媽咪咁快一年一個，剛做完一個唔夠半年又收到喜訊叫我再幫忙坐月非常開心，剛好一個好字，舊年十月妹妹出世，呢個好乖今早搞掂各人出門就準備咗自家制牛奶糖同格仔餅就買咗家鄉雞同媽咪一齊食午餐，阿仔好開心剛2歲，記得同妹妹坐月，哥哥都未識叫爸媽，到我完工最叻就喺包包，因為每日都整唔同包比哥哥，今次見到我就識叫Angel姨姨好開心，妹妹玩咗陣抱返落床唔夠十分鐘就自己瞓咗唔洗理，媽咪好開心，其實二個都好乖，哥哥因為我喺到唔瞓晏覺，坐到4點幾就買餸回家，喺樓上買咗排羊架真係好抵唔洗200蚊2排，上次喺某間個sale同我講折咗都係二百幾點知喺298唔買又唔好意思，今次喺樓上同一樣價錢平一半，而家順路都會望下有特價就買，今晚就用咗半排簡單香草醃完再焗，簡單又好味加多個菜同魚又開餐
開始休息，但都係好忙每日都早起準備早餐，午餐盒比家人，她們出門後就清潔下再覆下啲媽咪，有啲喺之前完工有咩趣聞，阿囡點，阿仔點，見到就好開心，有時阿仔有嘢都會同我講，教她們簡單處理就搞掂，而家最大都4-5歲讀書，著起校服好型仔，有啲早前完工識轉身，識行都會比相我睇，有嫲嫲教到個孫好叻仔有啲得意趣聞都同我分享，最開心完工繼續收到她們的分享，就喺咁時間過得好快，早幾日喺盞記買咗包鹿茸菇專登買只雞去炆，啲菇好爽口老公都喜歡話好好味，好簡單干蔥蒜同薑先爆香配料煎下啲雞加水加調味炆半個鐘就搞掂，今日有時間個個又回來食，就煲返個湯加個菜，簡簡單單又開餐
鹿茸菇含有高蛋白質和多種胺基酸，還含維生素B1、B2、C和PP，具有很高的營養價值和特殊的藥用效果。 據現代科學研究表明，鹿茸菇有的β葡聚糖，長期食用有抗腫瘤的功效，同時，鹿茸菇具有對血管緊張素I轉換酶的抑制活性與降血壓作用，還兼具有降低膽固醇、抗糖尿病、抗過敏等藥用作用
時間過得好快又星期日，轉咗陪月呢行原來做咗5年幾，大約湊多過35個BB以上，都未計幾日到2個星期，每次工作都好開心，啲媽咪好唔舍得我，我就更加唔舍得BB, 睇住媽咪健康，BB又大得快最開心，雖然有時都會唔開心，但好快就無事，每次完工最開心就係媽咪比的信同利市，信寫出媽咪的心聲同鼓勵，每次完工放入file都喜歡由頭睇一次好開心，有啲會比開工利市，收工未必有，有啲開工無，收工就有，但有啲就開工同收工都有，最勁個封有5k, 其實個個都唔同，雖然有啲陪月合同寫明要開同收工利市，而我喺唔會寫明，都有媽咪問點解我無，我覺得唔需要寫，要比自然會比，唔比開聲就無意思，我覺得喺自己的意願，免強無幸福，哈哈哈， 記得3月個媽咪做咗2個月還送咗個金牌寫著 “金牌陪月”4個字，當時開心到唔識講，午餐2公婆專登出去買唔同種類的特式外賣同我慶祝完工，下午茶又買蛋糕返嚟切，果日真係好開心，其實有好多媽媽完工時都好好，再之前做3個半月的媽咪就專登同我出去飲茶，個個心意唔同，有啲送禮物，信同完工利市，最開心就喺咁，證明她們認同我的工作，今次呢個媽咪就好特別，last day果日先聽到她同朋友講咩嘢都唔重要，但錢對她嚟講就最重要，無嘢喺緊要過錢，其實錢咁重要就唔好請陪月啦，請陪月目的喺想自己身體好，我記得幾年前有個媽咪生第三個喺想調理好身體，之前2個搞到身體好差，果次她好開心，因為啲朋友見到她都唔信她生咗BB, 她就話今次瞓得好食得好所以非常好，40幾歲好似30幾，今次第一次自己提出提早完工，自己只係諗唔想媽咪唔休息，專登睇住個cam搵我問題唔滿意就立即解除合約，我最初以為她生完賀爾蒙失調令到心情唔好，她想點都盡量配合後來先發現唔係我諗咁，因為有姐姐幫手，覺得唔值得比咁多錢請我，覺得BB樣樣又搞掂，煮食姐姐都已經上手，我記得連做9日回去的早上，姐姐喺廚房專登示意我有cam, 當時我只覺無咩出奇第一日都好似有，從來我都唔介意有cam同唔會理，我做嘢盡心問心無愧從來都無理，可能我放假她再加裝幾個或者喺點，我只係回應姐姐本身都有，後來先發現個媽咪每日都睇cam去搵我的問題，點做都覺得唔好，我一連做咗9日就休息時她專登叫我有時間打比她傾一傾，話做咗啲時間希望我同她們配合，當然無問題啦，有問題講出嚟我做到一定做，我開工時問咩都無所謂，咩嘢都食得，幾日就要求帶口罩因為我有時會有1-2聲咳，我話無問題叫她提供就可以，而且都解釋我氣管敏感容易咳，開工前已照肺喺無問題，其實有需要我都盡量配合，呢啲好少問題，我做咗咁耐無媽媽要求，喺疫情我主動啲媽媽都唔需要，知道帶咗好辛苦又知我有敏感就更加叫我唔洗帶，每次開工我都會問有咩唔食得，有無敏感，喺廚房的用具所有嘢都會問完先開工，無特別的媽媽我自己帶幾條過去分別用，因為每個要求都唔同，我都會講明煮食盡量唔浪費同淨，唔想媽咪食隔餐或隔夜餸，大約幾日就可以知道，通常買餸無要求我都會講清楚食啲咩，大約一星期就會比買餸錢她們跟下，如果太貴可以自己買或比個價錢我再安排，呢個媽咪每日中午都喜歡問啲菜幾錢買咗幾多，肉買咗幾錢喺咩買咗幾多，其實做咗咁耐喺第一個媽咪每餐問，之後幾日就叫我比啲單她睇下，只喺得幾日就叫她睇住先，第二日都問她有無睇，她話無時間我就無理，我見她咁緊張就差唔多7日做比她，當我比完後她們感到我價錢太貴，每日早餐預料媽咪煲飯，一個湯飲午餐同晚餐，午餐2個餸（4個人）下午茶小食（3個人）同媽咪的燉湯，晚餐2個餸（3個人）大約一日300蚊左右，下午茶的配料，腸炒，餃子皮，麵粉，銀針粉，檬粉我都會唔計請媽咪食，頭個星期啲餸主喺豬，都有雞，鮮魷，魚肉，墨魚滑，通常頭星期初啲餸主食豬，之後就會開始加雞，魚，海鮮都係媽咪可以食，而她話我過咗她們的預算要求一日200-250左右，咁就要睇下食咩同幾多人食，跟住就要每日新鮮唔可以有淨，呢個真係難搞啲，再跟住就要每張單要明細，喺街市攞單通常都係一張單，好似買菜只係寫雜菜總數幾錢，好似買件豆腐都未必比單，有時太多人都唔理我，所以我簽約時都有提，開工時都講定先，如果有啲價錢太少攞唔到我會寫抵喺背面，有時自己買咗無單唔記得都無計，做咁耐第一次咁要求，每張單都要寫每樣幾錢斤買咗幾多錢，其實真係幾難但我都照做，每日就係等人比單再寫底，因事後未必記得，哈哈哈，之後要求喺她那邊買，每日寫食咩再話我知買幾多，好似菜話3個人買半斤就夠食唔洗買多，我就唔好意思咁話我食菜會多啲，我都習慣午餐同媽咪食，自己都喺主食菜，就算買鮮魷，魚，雞其它我都唔會食，主要都係煮比媽咪食，食咗2次鮮魷都無話有問題，墨魚滑都話好好味，之後就叫我唔洗再買鮮魷，食完好似有啲敏感，跟住又話唔好再買魚肉，墨魚滑呢啲加工食物，希望每日食新鮮嘢，食幾多買幾多，唔好淨，之前因為未因到，豬肉又唔會話買30就30有時都會多啲，咁用唔哂放喺雪櫃都話唔得，同我講一定要日日清日日新鮮，他老公日日摷雪櫃睇下有咩，但頭2日無問，可以食雞就問想買咩嘢雞新鮮還是冰鮮，就介紹百佳農夫雞，好多媽咪唔食新鮮就會呢只最緊要無激素，最後就話試百佳果只，最好笑買只雞講咗話半只清蒸，另半只就燉湯加早餐，脚同頸位就煲湯，講咗無話有問題，第二日就問是否半只，點解又有盒嘢，咁又重覆講，問完又講，講完又問，見到有盒嘢就問，通常有盒喺預備早餐，有時啲肉多少少用唔哂，他們講後就因嚟買唔會淨，只係得盒早餐料，之後就每日寫餐單，食啲咩大約買幾多同幾錢，喺她們那邊買，每日買完都叫人寫，如果電子單就自己寫返喺咩嘢，好似豬單就等人搞掂，每樣寫幾錢跟到足，最慘喺怕多每次講完只好少唔好多，實咗坐月期間食得咁少真係唔得，我都忍唔住買多些少自己比錢，好似買25蚊肉碎分2餐，午餐煮肉醬意粉用2/3肉4個人食, 1/3就留晚間煮四季豆3個人食，早餐就買十蚊肉煲粥，買肉難買菜就更難，好似椰菜花好難半斤就轉第二樣，無得選擇都喺果幾樣，雞食咗又覺得惡露多咗叫我暫時唔好買，食的種類更少，每餐都好簡單一碟清菜，一碟好少的肉，通常晚餐都盡量整豬扒買3塊，起碼他們一人一塊，其實15蚊肉真係好少，但都照跟做，本來阿仔好好湊，回家時食得快又食得多，媽咪頭幾日按完同食得多，奶量都慢慢多雖然無咩休息，最搞笑後來唔準我模阿仔個頭，我話無問題，BB最喜歡咁樣模唔喺模頭頂就無問題，話唔得睇到感覺唔太好，掃風太大聲唔得，我真唔明轉圈掃風點會有聲，如果拍就可能有聲，通常教她們都係轉圈掃，怕她們唔識拍，拍傷BB, 跟住又唔比BB喊，通常飲奶前就先換片，怕食完換容易嘔，之後又話點解要比他喊到咁唔可以餵完先，咁為有喊食就食咗先換，跟住又叫我唔可掂個鼻話覺BB個鼻有大細，唔知關唔關事，搞到阿仔越嚟越難餵，樣樣都做唔到，食得唔好就1-2個鐘就起，頭星期回家BB30分鐘內就飲完90-120，跟住瞓2.5-3個鐘，但後來就越嚟越難，食60就瞓咗，瞓咗就由他，如果餵90-120就頭尾成個鐘以上，做咁耐都係第一次個BB搞咁耐，通常都掌握半個鐘內餵他所需，除非回家已經好難餵，都係頭幾日清楚後掌握到都可控制半個鐘內，後來盡量叫媽咪多休息，已經食得少又唔瞓就更差，個媽咪喺好似好乖入房瞓，但原來都喺繼續睇cam搵我問題，話我唔夠乾淨唔專業，總之每日都有新嘢，我都全部盡量做，老公就同我講，會唔會想你自己走搞咁多嘢，我就話唔會如果想我走通知聲就得，最後見她都係唔瞓日日睇住個cam搵我啲問題，大約十幾日阿仔黃已退，肚臍帶甩埋等滿月先再去健康院打滿月針後，她們就whatapp我要求我跟做，話因為我啲問題令到她太太不安瞓唔好，如果再忍唔住就立即終止合約，當時她打個啲要求我都無細心睇，後來完工再睇清楚先發現做咁多嘢都喺想我自動走，同要求啲嘢都係想我之難而退，因為我唔醒目走得太遲她們唔開心，果幾日更玩得勁，但2個好禮貌完全感覺唔到喺到玩，跟足她們要求做，洗每樣都潔液洗手，洗手連開雪櫃攞完都潔液洗手，洗手，抱BB前要潔液洗手用紙乾手再加消毒液才可抱BB, 終之我基本上都跟到足，但都係不停睇實個機去揾我的問題，BB洗面同換片的盒後來都要每次用完都用洗奶樽液去洗，我都跟做其實都喺少事，最好笑喺原來她老公同工人姐姐換片可以用濕紙巾，咁就唔洗用盒咁麻煩，每次用完都要用洗奶樽液去洗，之前無留意，有次再睇姐姐換成點先見到就話姐姐點解用濕紙巾要用綿花加水，她就望下個媽，個媽咪就話用綿花加水，其實你想點我都一定跟要求做足，唔係怕咩只係想個媽咪坐好個月，所以要我點做我都盡量配合做到滿意，但只係自己諗錯，老公講得啱我最後都喺自己同她們講不如提早完工，我唔想媽咪日日唔瞓，精神唔好又食得咁少，坐月最緊要食得好瞓得好先可以坐好月，我一提出，他們好開心話好跟住問點計幾時走，我先確實老公講得啱，如果搵到問題就可立即完工同唔洗補7日，又因為人工除30日定31日呢個問題問咗幾日，搞到last day都喺遲到6：30先走得，份合約可能我無留意，通常口講就已可以，合約喺寫底大約啲嘢，主要喺比訂，今次喺一個好教訓，以後都要睇清楚，最後好彩合約計ot時計人工除30日，他們自己都有計過都知，但只係想除31就可多幾百掛，唔確實而我更講明，如果跟合約，我當時簽約講話通常都唔會收ot，咁唔代表我真係唔收，好似按胸其它喺每次計，但我都從來無收工，返咗19日，每日早成個鐘到去健康院更加要9點前到我喺返10：15分，晚晚無6：30都唔走得我收5：30問他們知唔知，我話通常頭幾日會遲未習慣同比較多嘢教又要跟埋媽咪點埋身同幫按鬆個胸，生完開始做奶，媽咪唔識處理一定塞所以多數會遲，但之後搞掂就唔會太夜有姐姐就一定準時收，他回應我話“喺啦點解你咁夜走” 真好笑，講咗做埋幾日幫她們執好湯包希望媽咪可以繼續補，最後幾日就叫我自己洗返BB衫有時間就再跟埋個胸，個仔就好難搞好黏身，放底就喊，用手洗BB衫，其實已2年多無手洗，通常啲媽咪都係叫我用機洗，有時唔太多我都喺手洗，但都講明大件唔會洗，之前喺見唔係日日洗有姐姐洗，點知講咗走就叫我自己洗，我都算個姐姐真係唔幫，講完第二日就攞定洗衣液同柔順濟喺BB盤衫隔離，其實做咗咁多年從未有媽咪用柔順濟，所以我唔知要用，她就話怕我之前用錯，覺得唔專業，BB衫要手洗同柔順濟，我都照做無反搏，覺得唔滿意就喺唔滿意講多只會增添更多麻煩，通常啲媽咪都喺盡量少用啲化學物，但我都喺照做，到我搞掂個仔再同媽咪按埋胸已經6點其實可以唔理照收工，但我好傻見到盤衫姐姐就係無理我就手洗完入廚房見到姐姐話我喺收5：30唔係6：30我喺無收ot，個姐姐幫我跟啲衫叫我快啲換衫，知我回家要1.5-2個鐘車程，最後一日因為個仔搞到2：30先食午飯，姐姐果日就好幫手，早上盤仔衫就同我洗咗先，午後沖完涼個盤都洗埋同我講，我當然要多謝啦，其實我都走唔做都無我呼，哈哈哈，咁last day 我5：30搞掂等收工，等她們計埋的數同欠的餸錢又搞到6：30先走得，3點幾以為個先生得閒就問，他話未得閒，但就有時間問啲湯包喺咪已經搞掂，跟住有朋友嚟就更加唔得閒，5點半先叫我入房傾話除30喺唔啱，合約寫計果個月的日數，再解釋後講叫他如果跟合約就跟返ot比我, 有時唔會太計，但如果喺咁我就會企硬，有幾日去健康院我都專登早起9點前到都無計，總之今次喺我不身難忘的經歷，經過今次事件以後簽約更加要小心睇清楚，唔好是是但但無所謂就簽，走時只有姐姐多謝我，當然教她咁多嘢，突然咁早完，她都好出奇問點解，當時我無解釋，明眼人都知只係我還傻到繼續做好本份，她們好勁完全當無事發生，笑面迎人就同我繼續正常咁講嘢問嘢，我之前還好傻叫他們寫證明我的工作期，為咗除30/31日都拖幾日，搞到最後一日都喺堅持，如果唔喺話跟合約就計返ot先計返除30日
Last day的準備的蟲草花元肉杞子
