二老提早慶祝30週年在百樂午餐

時間過得好快同老公唔經唔覺度過咗30年，過去當然有喜有唔開心，但記憶中開心多過唔開心，大家一齊喺緣份所以我好珍惜，老公到而家仍然好錫我，家姐成日話你老公一定要長命過你，如果唔係我會好慘，當然我喺一個比她們覺得我有咩都係老公幫，好似一個咩都唔識的人，哈哈哈，過去的週年月都會好開心，老公生日，家姐，姐夫生日同咁啱我哋都係同一日結婚但家姐比我哋更多年，每年都會同啲女，細妹，朋友同學不同的慶祝，今年因環境影響咩嘢都取消哂，每人心情都麻麻，今日見無咩特別事，老公就話出去行我兩自己慶祝，最後就去咗百樂食午餐，因為明晚正日本來book咗枱已改咗3次，但都喺取消所以今日就二老自己過嚟食午餐，午餐無咩人只有6-7枱客左右好靜，雖然見到好多美食，但我哋都係坐下，心情都唔係話好好，順便取消明晚的booking，跟住都聽到她們講今晚都取消晚市，明晚應該唔會但因交通同其它原因我哋都喺取消，食完同老公由尖沙咀經彌敦道行去太子，行到油麻地開始見人封路，啲車又開始行唔到，我哋行得更急去到太子買完花就走，本來話唔買但老公話30年不變每年都要買，今次因太急就買插好的，之前老公喜歡自己買完回家自己插，今日雖然簡單慶祝但都開心，希望我哋繼續簡簡單單平安健康咁過每一日每一年

 魚生同壽司，種類都好多款式

 不同種類的沙律菜

 咖哩的檔

 熱盤種類都好多

嚟咗咁多次終於試咗豬腳薑，又話好出味喺用出面某大間的配方整，但真係唔識欣賞

 好靚的pizza

 配湯的多款麵包

 朱古力火煱，都有小朋友食

 甜品同生果盤

 多款的沙律菜

 還有渌燙粉麵，丸同菜

 燒牛仔柳好嫩滑可惜老公唔食

沙律菜，站立的喺Parma ham配蜜瓜好細緻

 午餐都有長腳蟹，喺一個海鮮熱盤中見到，味道都係覺得冷盤好味啲

人客太少，只係想每樣少少都咁多，二人一齊食就差唔多

 老公喜歡的芝士餅

 甜品雪糕

 食完後都嚟一杯咖啡

 30週年的花

二人晚餐之雜錦湯飯

話咁快又一個星期，雖然放緊假但日日都好忙，今日又去咗幫過下月預產期的媽媽整薑醋，薑醋喺要預產期前1-2個月煲定，到12朝就可以加豬腳同蛋送比人或者有人探媽咪時食，而家上門整薑醋喺另外收錢，記得17年上門同啲媽咪整價錢喺$800-1200不等，當時我都喺收800唔包料只係工，好似好貴但其實程序都多，先將薑刨皮，薑皮哂薑留坐月用，之後就將薑拍鬆，用鑊烘乾後才入煲加醋細火煲
https://family.esdlife.com/content/%E5%9D%90%E6%9C%88%E9%A3%9F%E8%AD%9C-%E8%A2%AA%E9%A2%A8%E6%95%A3%E5%AF%92%E8%96%91%E9%86%8B
有興趣可以入去以上綱址有詳細講解
成個過程都要4-5個鐘左右
今早又怕無車去，老公又叫我改，其實喺下星期日先整，以為會去旅行慶祝30週年難得老公攞假，轉登睇咗團好彩未交錢，因最後老公攞唔到假（原因喺環境未明朗，叫老公睇定啲先遲啲先去,好唔開心無諗過唔批假，難得我又有時間，唔批都無法），以為去旅行就改咗今個星期日，最後就今日整，本來今日參加大女Master畢業禮，最後又取消咗個畢業禮，同個媽咪傾完就改咗今日整，所以一早就出去，好彩有車，9點左右就好順利入咗屯門，搞掂完點幾就立即走，本來個媽咪叫我食完午餐先，就係怕有咩突發事所以無食就走，好彩有車出但就塞同改路平時落車位唔停，最後喺牛頭角附近落完行返去官塘再轉小巴回家已經差唔多又四點，今晚只得我同老公咁就清雪櫃唔洗出去買，是是旦旦又一餐

晚餐之薑蔥蒸頭盧

呢幾日老公無啦啦多咗2日假，今日終於出到大角咀同出年6月中預產期的媽媽簽約，因為之前開緊工晚上交通又混亂，最後安排我完工後再約時間出去簽，上星期約咗今日無諗過咁亂其實都怕今早去唔到，因為昨天無巴士地鐵又啱站又唔開，昨日老公叫我再改，我話到時再睇啦我話約早啲搞掂就立即走，老公唔放心難得放假可以瞓晏啲都唔瞓陪我出去，因為近重災區又怕我唔識去，今早真係好彩有老公，有巴士但改哂路去唔到目的地，地鐵就要行好遠，近的又關咗，搭小巴落官塘睇下有咩車，最好好好彩有小巴出旺角，咁搭出去後老公帶我行，我上咗個媽咪到後老公就搵地方坐等我，8點就出門平時45分鐘到的地方，今早就差唔多二個鐘，簽完就搵反老公睇下咩嘢車返家，因為已經12點幾又無哂車，好彩有地鐵就行去油麻地搭返官塘食埋嘢再轉小巴回家返到家已經4點幾，二個囡今晚都喺到食又開心煮一餐，剛完工的媽媽本來就話咩嘢都食，最後就好多嘢都唔食，好似魚只食海魚，她媽媽又叫我唔好慳要買好啲，其實好難買又每餐3個餸，唯有餐餐一條海魚，今次最得著就係識好多海魚，但味道就唔知，因為我雖然午餐同個媽媽食，但通常只係食菜，其它新鮮雞同魚多數預夠比媽咪就算，今晚見到有頭盧都係海魚一種3-4蚊两，咁就買條回家蒸比老公同囡試，因為呢個媽咪的阿媽有日喺到食話呢只魚低食又好食，我就唔識欣賞，肉質有咬口唔係軟淋滑的一種，好彩唔太大條老公搞掂，我同啲囡都係食少少，我自己反而最愛鯇魚，細囡又話想食土匪雞翼，家中還有一包就滿足一下她，開開心心又一餐

 薑蔥蒸頭盧

 金菇肥牛粉絲

 焗燒排骨拌土匪雞翼

 最初唔識以為喺黑䲞，原來叫頭盧

豐富晚餐賀老公牛一

呢幾日雖然放假但都好忙, 星期一去咗個媽咪到因為塞奶過去跟一跟，星期二陪剛完工的媽咪帶BB去醫院抽血，今次都好快就抽完返到去已經12點幾見她一個人，就幫手煲咗湯煮咗午飯比果媽咪後搞掂哂就回家，今日老公生日諗住邊度都唔去煮餐晚餐同整個蛋糕慶祝，點知又收到朋友電話可以同阿仔出院，因為我見完工就答應阿仔出院就去幫她睇下餵奶情況，點知呢個媽媽真係咩嘢都無準備，我去到先教她點餵奶，跟住就睇下她出奶情況，最後還幫她仔仔沖完涼後再教餵奶掃風搞掂先回家又6點幾，好彩早上已煲咗湯同整咗部份餸，今日出面好亂咩嘢車都無而呢個朋友住得唔太遠行過去45分鐘左右，今日老公都要返工，7點出門諗住搭小巴快就行出去搭，點知話唔開咁又行返落去官塘搭地鐵，點知站站停，其實學校已通知交通有問題可以唔返，點知老公個阿頭話有地鐵叫我老公一定要返有啲好重要嘢要跟，她自己都喺搭地鐵返緊去，所以唯有繼續等，等到9點幾先去到樂富站，但又話要關叫啲人走，老公好傍煌都唔知有咩車返，老公好嫐直接WhatsApp去校長個群組話連地鐵都無返唔到，唔返得唔得，他們先知已經成10點幾11點，叫我老公拿拿淋搭的士回家，我老公話跟本就無車都唔知點返屋企，之後行出九龍城搏下還有巴士去近啲就唔洗行咁遠，點知行到出九龍城又係無車，咩嘢巴士都無，連的士都唔行，咁黑仔要行返去同我講話唔知行幾耐先返到真係難忘的生日，當時真係好擔心還話老公蠢應該行去黃大仙如果無行返官塘都近啲，老公話諗住九龍城會多選擇最後真係好好彩黑唔哂有架小巴喺車人返官塘，好多人拿拿淋上車，咁老公就唔洗咁辛苦去到官塘再轉小巴返，老公見到我好開心話好好彩，我就拿拿淋煮早啲食完大家休息，祝老公生日快樂，事事順心身體健康

 羊腩煲喺全家都喜歡

 見到麵筋就整咗酸同咖哩齋

本來整咗薰蹄同鹵鴨今晚食，點知三個下午在家當小食

清蒸馬友喺老公最愛的，老公話生日食好啲，其實想食隨時都可以啦，哈哈哈

 焗排骨配粟米啲囡最喜歡

自家制雜果蛋糕唔太甜，樣唔靚但啱家人口味少甜少cream

 好多的雜果

晚餐之打邊爐

開始休息但都係一早起，整好早餐同午餐盒各人出門，我就去瞓下，但最後都係起身執嘢，今晚訂咗自助餐同老公提前食生日，難得個個啱時間所以唔洗煮，但最後因出面環境問題終於都係取消咗，老公學校都提早放，咁又要買餸準備，見剛開始涼最啱買嘢打邊爐，喜歡食咩就食咩，6點半左右全部返齊，咁就提早食，一邊食一邊傾雖然出唔到去喺屋企都好開心，開開心心又一餐

 先滾起一部份食住先

 啲囡最愛的肥牛

 細囡的響玲

老公的羊肉，大囡的脆肉鯇

成只雞本來先麻辣再打，最後因大女唔太舒服就無整，邊個食就自己滾

豆苗大囡最愛必買，半斤都要$24真係幾貴，細囡的金菇

食到最後先發現成斤蝦無食立即入雪櫃，因為太新鮮周圍飛，老公用蓋蓋住就忘了，唯有留第二晚