人生第一次淘寶

淘寶，淘寶，今日開箱啦，訂幾日咁快就收到好開心，好快開工好難喺家等收貨，啲人成日講，啲媽咪又講，點淘話好平好底，有個媽咪話全屋傢俬都喺，bb啲用品好多都喺，呢個媽咪好勁，原全睇唔出好多好似喺日本嘢，又話要買平同靚嘢就要哂功夫先有好效果，呢排都好無聊就學下上淘寶，學人去淘下，淘咗大箱烘焙工具同焗爐紙，因為而家用多咗焗爐紙，喺香港一張都要$1，而家又運費又手續費都係$0.2一張，真係差好遠，啲同學又成日講話好平，講好搭單買又話買咗要等，咁自己試下啦，真係大鄉里搞咗好耐買到嘢，但應該都喺買貴咗，但相對香港買又真係好抵，如果喺果個媽咪一定唔會哂多幾十蚊運費，同信用咭啲手續費，算啦都係想update 下自己，起碼知道喺點，好快又新年就順便換哂啲舊嘢啦，哈哈哈

蒸焗爐之黑椒香草焗雞拌韓國粉絲

今日細女生日，本來話喺宿舍要星期四或五先返，點知昨晚老師病咗唔洗返學就返咗黎，話今日陪大家食早餐，真係講下有時間都瞓多陣，快手搞掂老公同大女出門，就去超市買只雞整個豐富午餐比她食完返學，先簡單用酒，鹽醃咗只雞，入爐時先再加黑椒同香草，早前大女買咗韓國粉絲攞咗些少，焗雞時放喺底再加啲菜，咁就可以有菜有麵，細女見到好開心，嘩比家姐知一定話大細超，我只喺好開心笑，最緊要你開心生日快樂

粉絲同菜吸哂雞汁，就好似食海南雞飯咁好味

呢個蒸焗爐真係好好用，半個鐘就食得

悠閒午餐在百樂同細女提早興生日

細女過二日就生日，時間啱就會喺正日興祝，有時出街食，有時在家煮，二個女都大晚上又要返學，時間好難配合到，最後缺定今日提早興祝先，因我喺細女正日都要返學，早個星期同啲同學去百樂食晚餐，裝修完環境好，食物又多咗，但價錢如果無優惠就好貴，今次食午餐又試下，但就有些少失望，無咩嘢食，價錢都要$238加一，好彩有生日優惠每人都喺$200左右，咁就無咩嘢食都覺得OK，而家食嘢主要大家可以邊食邊傾，環境都算清淨同坐得都舒服，時間過得好快，食下，傾下影下相又比人追交枱因有下午茶，咁我哋都要趕回家煮晚餐去醫院比老爺，啲女又要回家做功課，好開心愉快的午餐

 呢個燕窩士多啤梨撻，

啲女話好好味

 巴馬火腿只有我食無人喜歡

 雞翼最好味秋葵咁樣燒下又好好食

 黑松露Sofu哩唔係想像咁好

 回家搞掂老爺餐飯，就立即整做豆腐芝士蛋糕，通常食完自助餐都唔洗煮晚餐，如果啲女肚餓就食生果，咁見一齊提早食咗蛋糕先

 豆腐芝士太清加咗菠蘿同芒果個樣唔同哂

晚餐之蕃茄炒蛋

又一星期啦，自己都好得七七八八，呢個星期雖然未開工都好忙，老豆同老爺都喺醫院，老豆好啲喺醫院都好合作，樣樣都食咁就無日日去，但老爺就煩啲話醫院啲嘢好難食，唔合作唔食，老公見我未開工就話辛苦啲，幫手煮餐過去，就係咁每日都好忙，有時真係無得講，算啦做到就做都無法，今日老公唔洗返走二轉，下午睇完老豆再趕回家煮完睇老爺，今晚本來又是旦食，阿妹又上黎，咁去超市睇下但無魚，我哋就食返之前啲魚頭阿妹又唔食就買蕃茄簡單炒蛋，咸蛋蒸肉餅加豆腐，簡簡單單又一餐

產後食療之鮮淮山海參煮排骨

而家坐月比我哋以前好好多，記得阿媽同我哋坐月都係薑蛋炒飯，菜心肉片食足一個月，無咩其它嘢食，現在坐月就好好多，只要有營養唔太寒涼的都可以食，今次介紹呢個四，五日後就可以食，用鮮淮山加海參去炒排骨，鮮淮山有補陰生津而海參中所含的豐富蛋白質，較少脂肪和膽固醇，參含有鈣，磷，碘，鐵，鋅喺人體發育成長的重要物質，它們直接與人體的生長發育，免疫調解和傷口癒合好有幫助

 材料：排骨半斤，鮮淮山半斤，海参3－4條，薑片6－8片，甘筍幾片,(裝飾用)
排骨醃料：1湯匙豉油，1茶匙糖，2湯匙水，1湯匙生粉

淮山去皮切片，海參切細件，
排骨洗淨加入醃料

淮山去皮時會滑手，可用布包一邊，刨好一邊轉另一邊

 先用薑煲水

 放入海參出水會去腥味

淮山都喺用薑水先出水，炒時更爽口

 排骨先煎香2邊

 可加些少水將排骨煮到八成熟

 加入海參，淮山同甘筍片

 炒勻加鹽糖調味就食得