晚餐之自制粉皮蒸排骨

完工幾日又國興又中秋好忙，國興約咗班同學回家，中秋又有班朋友黎食飯，昨日又出咗去見五月預產期媽媽，好開心多謝她的信任，星期一晚就去簽，而家個期去到六月尾七月頭先有時間，傾完見時間早又去咗西灣河探個媽咪同仔，好開心傾下講下又趕住走，約咗班同學下午茶，晚上回家就是旦煮，今日以為可以喺家休息，點知阿妹又約出去同老豆飲茶，下午終於可以回家休息下，睇返啲筆記明天又上堂，有啲雖然已學過，但不停更新都要update下自己，睇睇下又走咗去試整粉皮，之前都試過可能底粉喺做唔到，今次就用返中根粉好成功，今時蒸排骨就用咗啲，留啲整雞絲粉皮，喺到分享下

 材料：中根麵粉1杯，水2杯

 先用半杯水搓勻麵粉

 用水搓勻

 搓到唔黏手

 用保鮮紙蓋住放一個鐘醒面

 一個鐘後會見大咗就

加餘下的杯半水

 將麵團洗散，目的喺將粉洗出

 越洗水就越白

 洗完將隔出水

 將粉水放一陣，

隔出嚟的麵搾成一團

 將麵團水滾蒸15分鐘

質感似麵根可用黎炆好好味

 粉水放一段時間見面有一層水倒掉

 撈勻粉水加入已搽油的盤

 水滾蒸2分鐘

 蒸好的粉喺透明唔黏手

 放喺冰水就容易起出

 用手試起，冷卻後容易起出

晚餐之青椒洋蔥炒過節雞

雖然還喺休假中，但仍然好忙，一早準備早餐，午餐盒搞掂就出門去見預產期的媽媽，大家好啱傾好多謝她同奶奶信任，下星期一簽約，搞掂哂見還早就順便去西灣河個媽咪到，剛完工幾日睇下她們習慣未，個仔唔見幾日又唔同哂，靚仔又大咗，下午又約咗同學飲茶大家交流下，晚上回家就喺超市買菜，做節後通常都會淨嘢，今次洋蔥加青椒簡單炒食淨啲雞，咁唔浪費又好味

中秋節的豐富晚餐

而家啲時間好似過得好快，又到中秋，剛完工所以唔洗返，轉咗呢行真係唔知時間，無假期開工就做，有時真係唔知星期幾，節日都好似唔關事，以前文職每日就喺度睇幾時紅色可以放，而家無理總知完工就休息等第二個生，以前大節假期都好忙，放三日就一日比奶奶個邊，一日就老豆，另一日就喺同學到，呢二年轉職後都好少，啲同學知我無以前咁輕鬆，覺得我轉呢行好辛苦但我又唔覺，可能無太大壓力又唔洗供樓，老公時時都叫我休息，反正我哋都好慳，啲女還有幾年又畢業，但我好怕坐係到，搵到呢份真的好啱我，想做就接，想休息就停下好隨意，今日搞掂個個出門我就煲定個湯，整下雞蛋仔去睇家姐個孫，去送炒米茶，雖然個媽咪唔洗我幫手，我反正都預備咗，跟住回家買餸煮飯，而家再唔會喺我到過節，今晚雖然老爺，大伯，叔仔無黎，但阿妹好客氣幫我約咗啲人上我到，其實我唔太想又唔想掃興又整一餐，剛放假2日都未停過，雖然辛苦見到大家好咁開心都唔記得辛苦，食完飯就食下自制湯丸，傾下講下又要散

牛油蒜茸煎蝦拌粉絲

三杯雞(用三杯雞的料去煮全雞，味道都可以)

 朋友帶黎加餸的

八頭鮑煮冬菇螺片海參

 蝦仁，象拔蚌，雞柳炒西芹

 脆焗豬手拌薯條

 黨參杞子煲雞

 自制南瓜湯丸好好味

豐富晚餐迎國興

又十月一日咁啱完工，就約咗班中學同學茶餐，每年都會同班同學飲茶後上我家開枱晚餐，早二年轉工時間唔定，班同學就好少黎，今次見完工有時間就約下，其實我都好喜歡熱鬧，假期就會約班人上我家，又近中秋，今早就同老公女兒去拜奶奶，下午就同班同學飲茶，跟住她們上我家閒談，開枱有同學好快就移民去美，所以大家都好珍惜相聚時刻，晚上大家都話要出去食，唔想我太辛苦而我就覺得喺屋企舒服而且一邊傾一邊飲喺最開心，今早又煲定椰子雞喺同學仔仔最愛，每次黎飲湯可以三，四碗，所以一定要搵個大煲，飯後又食自家制的冰皮同奶油花餅順便提早興中秋，食下傾下又好夜大家又要走啦，開心快樂的時間特別快

 自家醃的子薑配皮蛋同白肉
再配一個酸酸甜甜蒜茸醬，
個個都食到唔停口

黑椒牛仔粒鬆化軟淋

經典奶油花餅，專登整比小朋友，現在舊式的麵包店可能先有得賣

自家制的芒果芝麻冰皮