晚餐之蒜茸粉絲蒸貴妃蚌

又一星期啦，今晚本來放工過老豆到同他晚餐，點知早二日在家跌倒入咗院，老公去探我放工就回家煮，因二個女都回來食，而且阿哥，家姐細妹都去我就回家明晚先去睇，老公放假幫我買定餸，咁我放工直接回家煮，老公買咗好大只貴妃蚌話好底，咁就簡單加蒜茸粉絲去蒸蒸，蒸好加自己開的豉油汁，今日又好遲先走返到屋企都七點半，一邊清洗一邊煮都要搞咗成個鐘先開飯，剛好老公睇完老豆回來，現在最開心就喺晚上齊人食飯，珍惜每餐齊人的飯聚，大家都會傾下自己一個星期發生的事，又講下星期啲時間點，邊晚會回來食，細女邊晚先有時間回來或者開始又忙考試未必可以，食下傾下又十點時間實在過得太快，開開心心又一晚

每日都會煮同安排唔同的早，午晚餐，燉湯同餐湯，有時還有糖水，呢個太太唔太鍾意食飯，我就叫她最少早餐同晚餐食飯，咁午餐就可以煮粉麵下午茶就整啲特別嘢好似雲吞，煎餃薄餐...今個星期部份的陪月餐：

其中一款燉湯-北芪黨蔘燉花膠

下午茶的煎薯條

午餐有菜心，炒油麵同糯米酒煮雞蛋肉片

下午茶的首烏黃精燉烏雞養顏護髮配菜心豬肉蛋卷

午餐的菜心，魚肉蝦條魚蛋米線配糯米酒雲耳煮雞

午餐的菜心，糯米酒煮肉眼根同什絲炒上海粗麵

茄子二食

今日星期日可以休息下，但因女兒要返學校就早起煮咗早餐，女兒叫我唔洗理她難得休息就瞓到自然醒，但我唔想可以做到一定做，搞掂完無返瞓就悠閒地整理筆記同焗栗子等老公同大女起身先食嘢，下午去咗老爺到同他食午餐，今次又去百分百，老爺最愛干炒牛河同奶茶，我同老公因為在家同大女食咗嘢就叫多個炒飯Share食，食完又去買定幾日餸就唔洗每晚趕回家買餸，官塘街市買嘢真喺好平$7有3條好大的茄子，$10有3斤菜心，肉就返去自己個頭先買，本來今晚得我同老公食，點知細女打回來可回來食同瞓，咁都有餸唔洗加，點知細妹又話上來痴飯食，咁就又要加料因今晚茄子魚，薑蔥魚頭同菜，無嘢她喜歡就叫老公上去斬料，加多只茄子簡單加蒜茸焗一焗因她現在好啲會食蒸魚，其它煮法都唔食，咁又豐富煮一餐

 一只茄子就有六大件

 下午喺百分百，食物都唔錯

 楊洲炒飯都幾多料，但份量就少咗啲

 干炒牛河喺老爺最愛，日日食唔厭

焗栗子

今早細女要回校，咁我就早起煮早餐，本來女兒話叫我瞓到自然醒，她自己買嘢食就得，我就唔理煮咗烏冬同沖杯朱古力比她，食完她就回校，我就整理下自己的筆記，老公同大女都未起，過年到現在今日先咁悠閒，個客之前送咗包大栗子都忘了，她知我喜歡整嘢食，見有時間啲女同老公都好鍾意炒栗子，今次試下焗爐焗跟綱上整都好成功喺到同大家分享

材料：栗子1包，油1湯匙，糖3茶匙，熱水3湯匙

先用熱水加入糖拌溶

栗子洗淨，小心用刀喺頭頂界十字

將油撈勻栗子

見到栗子上油後好光令

入爐200度焗30分鐘

焗完30分鐘見到頭頂裂開

掃上糖水，再入爐多焗15分鐘就食得

焗完見到粒粒好似糖衣包著

晚餐之肉碎炒芥蘭

今日又到星期六無返老豆到，放工就回家煮飯，阿妹又上來食，現在轉咗陪月呢行星期一到星期六時間長只休星期日，如果第二份未接上就有時間休息，每次都唔同，呢份因太突然早咗就休息一日就返，阿妹上星期無來，今日上來就話好耐無食飯，食咗碗半，因有她最愛魚香茄子，女兒喜歡的牛扒，老公最愛蒸魚各有所愛，我就喜歡芥蘭本來炒臘腸，因肉碎太多就攞咗部份去炒，估唔到都好好味，細妹上來又買咗我最愛的芝士餅，食下傾下又一餐

 

晚餐之蒜香牛仔粒

時間過得好快又星期五，今個客好好做，Bb又乖食飽瞓，食得又瞓得太太又無要求好乖好合作，時間就多咗無之前壓力咁大，之前話做8個鐘實際做足9個鐘無得停，但今次就唔同中午都有時間休息下，但可能年紀大以前坐寫字樓舒服好多，現在晚晚回家煮完餐飯食完都等老公幫手清潔，好多時喺Sofa休息下都瞓咗，今晚個細女話完咗個project幾晚通頂無得瞓好攰，今晚終於可以回來食同瞓，咁就一早煲定湯，煮幾個她喜歡的，雖然好攰難得大女又要準備明日面試無去補習，咁大家一邊食一邊傾下，又問下我新呢份點，又了解細女忙咩，明天大家都要早，傾下講下又十點，好開心的晚上

呢個太太無飯引，午餐通常都煮粉麵，今日午餐炒河粉

其中一日的木瓜百合燉雞，滋潤補肺

 合桃雪耳湯，潤肝腎，補氣力

有時未可以用藥材，就會簡單用其它食材去幫助進補