完成陪月課程第十四日晚餐之上海炒麵配什錦煲

今日都喺返半日，今早老公食三文治，午餐帶蕃茄肉片炒蛋飯，啲女就食粥搞掂完清潔下就去超市買嘢，時間真喺好快又12點煮個麵食完就返學，出門時無雨行到半路傾盤大雨搞到返到去全身濕，今日老師講勞工法同點樣見工，要注意啲咩同考筆試，話好淺但我都好多做錯，又四個鐘真喺好快好快放學回家，今晚簡單炒上海麵同滾個什錦湯又一餐

今次哩個炒麵加左叔仔老婆在大陸帶回來的乾蝦，加左後她好味

 先煎香肉絲加冬菇再加蝦乾炒香

 炒到好香後加菜

 炒到菜軟就加麵

 加色加味

 炒勻就食得

完成陪月課程第十三日的晚餐之廚餘班頭骨尾芥菜豆腐肉片湯

今日又返下午，早上搞掂老公同女出門就溫下書同買定餸，準備好就煮碗麵食完就出去上堂，今堂理論講勞工法，原來好多嘢都唔知，以前真喺好蠢，估唔到過左半世現在才去學應該都唔遲識好多嘢，喺溫室長大的我在過去一年學到我一生從未做過，見過同感受的一切，對一個事事順理未見過風浪的我喺好難受同唔開心，但通通都喺小問題，本來以為喺舊公司做到退休的我，喺舊年離開舊公司出來改便左我，但雖然好唔開心但人生可能應該喺咁，現在都唔理咁多讀完再算，好快又過左四個鐘放學回家，今晚用咗之前淨班頭尾去滾個芹菜湯，好味又唔浪費，昨晚的雞起左二只脾簡單醃左入爐焗一焗，炒菜蒸魚又開飯

有時食魚淨左啲頭尾可以用來滾湯好好味

先用薑爆香加入魚頭骨尾讚些少酒後加暖水煲15分鐘左右

 隔左啲魚骨

就可加入料，今次芥菜肉片豆腐，就先放肉同豆腐最後加菜滾起就得，但有肉就要煮熟啲肉先加

 最後加鹽糖調味就搞掂

完成陪月課程第十二日的晚餐之三式椒炒雞

今日返去就考洗奶樽，真喺好緊張最後都成功過關，下午就教洗面換片，表面上都喺以前做過的，但跟足程序同又要邊做邊講真喺有啲難，新一代大部份都唔認同舊一代的做法，天生更天養，現在個個Bb 都喺金菠蘿，如果唔喺都唔會令到倍月有市場，希望自己能夠掌握同做得到，每次實習啲時間過得好快又放學，Ms 講到過哂鐘，有同學有事話就，搞到老師都唔好意思講便放學，今晚又喺去超市買菜同睇下食咩肉，最後買左只雞返去，斬件同起左二只脾留明日，其它就加三式椒去炒，家中有三文魚腩肉就加只茄子炒，再炒多個芥蘭又食得啦

哩果水蜜桃喺老公啲同事比話日本的，今晚剛齊人，老公就切出來分享，大家都話好好味，老公就講左句真喺一分錢一分貨

完成陪月課程第十一日的午餐盒之原只番茄排骨飯

今日只喺返半日，一早整左果仁包同瑤柱粥，老公的午餐盒就煮左原只蕃茄排骨飯，搞掂哂就出門，今日課堂講一個陪月的工作範，人工，點樣可以做第一份工，勞工法例要注意啲咩......上完就回家煮左碗麵又去溫書，明天又考試好緊張，今晚又要倍阿妹去睇地方又要搬，其實我好唔想去但又唔得還要叫老公一齊去，搞掂哂都八點幾九點好攰話走先，阿妹好客氣話食完先走，老公就話是旦食阿妹又話唔好行來行去都搵唔到她想要的，最後我無理見到間粉麵就入左去食碗牛根河粉，回到家沖完涼睇多暫書就瞓都十二點幾

完成陪月課程第十日晚餐之金菇三式椒炒三文魚肉腩

好快又去到第十日上午的堂講坐月的由來，傳統滿月習族，要做的事情等，食飯回來就講陪月的責任，工作範圍，前景同注意的事情，這個老師喺個金金牌陪月分享她的工作趣聞同些少煮食心得，真喺好好我覺得識左好多嘢，真喺好開心，好快又放學，今晚以為得二個人食飯，去超市是旦買左蘿白同排骨，家有菜心，大女唔舒服煮左瘦肉粥，老公又買咗大魚頭同魚肉腩，淋住簡單煮個蘿白炆魚頭同炒菜，反熱昨晚的湯，記錯細女不回來食原來明天先不回，咁就拿拿聲摷雪櫃有三式椒同金菇就加啲三文魚肉腩去炒炒又開飯