豐富晚餐同學個仔興生晨

星期日又好忙一早起身煮左麵比細女食完出去，我就去左買骨煲湯，老公就話你出去食自助餐還煲湯，我就話二個女都回來，午餐同成班同學連老師都有31人興祝我們畢業35週年，今日雖然比30週年少但都好開心，難得咁多同學同老師出來可惜時間短傾唔到咩大家都唔舍得走，我就掛住安排，傾下都無咩食野，差唔夠鐘收時，同學就攞左些少食物比我，今次好差，加唔切無咩嘢食，又準時二點半叫我哋走，大家好少理繼續傾，我就去睇下有咩食，攞左些少甜品，之前同學就攞左啲比我，最後再來叫我們走，大家都離開喺門口繼續傾同影相，走時有部份同學上左我家，晚上她仔同老公都來晚餐，本來約下星期同她仔興生日，因唔得閒我就順便今晚煮餐豐富同買蛋糕，每年都會親手做蛋糕今年就做唔切，細女回來就順便買，食完飯就食蛋糕，又過年愉快的一天

 自己用雞脾起骨做的西檸雞

 豉椒炒花甲，今晚買貴左要成$80比蝦還貴，雖然唔底食，但個個就話好好味

 蒜茸焗茄子

 腐乳通菜個個都喜愛

 椒鹽鮮魷配黑椒金菇腩片卷

薑蔥蒸大青班

 酒店自助餐的食物

 焗蠔我都喜歡，可惜攞唔到，哩只都喺同學攞見我未食過比只我

完成陪月課程第九日的晚餐之梅菜肉餅拌豆腐

又星期六時間真喺好快，讀左哩個課程好忙，忙到星期幾都唔知，老公今日休息幫我去老豆到我就安心去上堂，老師叫我地唔好遲因為今日講好重要，好多人考試都肥老，就喺同BB 澡涼，真喺步驟好多手勢又多，雖然我有二個女都喺自己澡，現在都有印像但跟足就做唔掂，真喺好難唔知喺咪年紀大，上午老師先講解睇片，下午食完飯回去就實習，老師就另外講同做啲難的給我們留意，大家都好耐先掌握到，激到Ms嘔血，我好似做到Ms 話掌握到比我過叫我去練，點知再輪到我練時已經唔得，老師就大叫你搞咩頭先好地地，點解又錯哂我都唔知，唉對自己越來越無信心，好怕連學校試都考唔掂，出去考就更難，是實上我已好努力，今日好叻已經叫老公買定魚同菜，家中有花生豬手再滾個湯就得，點知放學時阿妹又話上來食，咁去超市買啲肉整她最愛的蒸梅菜肉餅，今次加左豆腐喺底先去蒸，食起來就唔太肉，快快手手又一餐

完成陪月課程第八日的晚餐又在味皇

今日第八堂喺講中國傳統習俗，早上的堂就教點煮薑醋，講下產後幾時開始食，要留意的事情，午飯喺759食完又回去繼續上下午的堂就教點煮雞酒，之後就講月子禁忌，即是產後坐月時邊啲做得，邊啲唔得同點樣洗頭，澡涼....等跟住就試食薑醋，雞酒，好忙的一天通常有一或二個小息今天都無時間比我地放小息，搞到連水又無咩點飲，廁所都唔想行開怕聽少左，今日真喺學到好多嘢，好開心又過左一日，放學回家太遲淋住又去超市買，二個女都早回，老公就叫我唔好買餸家樓下食，唔想我太辛苦最後又去左味皇叫左茄子魚腩煲，柚子西檸雞同一碗冬菇豬軟骨河粉，一邊食一邊分享今日學的，女兒們又講下今天的特別事情，傾下講下又忘了影底食物，開開心心又一餐

喺學校煮的豬腳薑

煮雞酒的材料有雞件，薑絲，雲耳，金針紅棗同元肉

完成陪月課程第七日晚餐之鮮魷肉絲炒油麵

今早無堂上返下午，淋住洗衫，清潔同買定今晚餸，點知洗衣機又無啦啦無反應，咁就打去問下最快要九月先有時間，跟住細女話明天無時間食午餐，叫我整包比她我又怕今晚回家唔夠時間，就整定腸仔包先，搞搞下又十二點幾煮個麵食完就返學，今日課堂講情緒管理，創新進取思維，處理衝突基本技巧..等，大家又討論點解缺，你一句她一句時間過得好快又落堂放學，個個都急急腳走，今晚好彩搭到車六點半返到去，就上街市睇下買到芽菜同油麵就簡單炒個麵滾左菜湯，昨晚整左條烏頭簡簡單單又一餐

完成陪月課程第六日的晚餐之薑蔥蒸紅鮋

今日返去上午的堂老師教幼兒發展，講解好多嘢有事同學又會分享下她們的經驗，好開心，午餐又去759今次分二張枱，一張13人，另一張6個左右，今次試下跟大枱叫餸食飯，大家Share 就可試多啲叫左椒鹽鮮魷，菜蒲肉碎炒蛋，蒸鯧魚同乾魚仔蒸排骨每人都喺$38左右都算平，下午就做實習洗奶樽，沖奶，餵奶同掃風，下星期又考洗奶樽，其它就要出外考，雖然洗奶樽好簡單，但當要考試要做的就唔同，最難喺邊講邊做，好多時都忘了要講的，今日有同學生日大家就買咗個蛋糕仔回去比生日同學驚喜，放小息時唱生日歌食蛋糕真喺好開心又影相，好快食完又練習老師就從旁睇，有問題立即更改，時間過得好快又夠鐘時間好似唔夠用，今晚遲左叫老公買餸，老公買嘢就好簡單，魚，菜加多個燒味又一餐