晚餐之蕃茄肉片魚腩湯飯

今日返去都喺好忙，先煲咗個粟米馬蹄豬扒骨湯，仔食蒜茸雞翼同栗米豆腐，大人就食雞翼，栗米肉粒同蒜茸菜心，因為要煎成二百只雞翼，搞掂啲嘢就去煎咗仔先，今日更早追未夠十點就追，話好忙盡早，日日都好忙忙到有時間食嘢同坐，算啦只蟹真系得程坐咗我個位，人工比她現在多幾千，人真系要夠手段咩嘢都夠膽同做得出就可上位，唔好底估大陸人雖然來咗十幾年，話都講得未清楚，原來字都唔識好多，但最緊要識擦鞋，我真系做唔到所以走喺正確，咁就啦啦聲搞掂比人，煎好就煮好豆腐再用蒜茸炒雞翼，未夠十點半就搞掂，今晚買左蕃茄，豬肉同魚腩返去簡單煮個湯飯，炒菜同昨晚阿妹送來的雞翼，簡簡單單又一餐

 今晚買咗五條魚整潮式凍烏頭，明天帶回學校請老師食

今日學校的午餐，還有二日學校放暑假，我就唔洗再大煮，要幫出面做清潔啦，剛幫手做完清潔就走，人哋就正式坐我位 

晚餐之薑蔥蒸石

話咁快又星期一，上星期喺學校午餐煮齋晚上同啲同學出去又食素，今日返去先煲個合掌瓜雪耳黃豆素湯，仔食麥皮蒸蛋同什豆椰菜煮粉絲，大人就蕃茄炆薯仔，冬菇椰菜煮粉絲同三式齋，啲人今日好玩嘢，連西人枱都無開，借意好忙就走咗，自己一個人都搞得掂只喺辛苦啲，去真的無後悔而且好開心，唔明點解學校還未搵人，無人知我走，只有幾個好Friend 的老師知，同二個西人講她們都唔信話我一定講大話整鬼她們，我話真的你們放完回來就見我唔到，她們問點解好唔舍得我都喺，但無法都要走，今晚大女去完旅行回來，細妹無啦啦上來，話她校搞party有好多雞翼攞上來，咁我就買魚同菜就得，去到魚檔本來想買盲曹$20好底，點知魚檔叫我買條班好過$50就有條，咁是旦反正大女回來又喜歡食，蒸魚炒菜又開飯

晚餐之魚香茄子

星期日都喺好早起，細女要去教話整咗早餐等她出門想去再瞓，最後都喺寫返之前幾日的Blog, 每晚食完都好攰就瞓咗，今日無所事事就寫下 blog 整下包，打下機睇下電視好優閒咁過咗大半日，阿妹打來有無飯食，咁要來就煮，她一個人來襯就想食飯唔想食什，就去街市買菜，魚還指明想食茄子，通常都會煮多啲可以打包回家第二晚就唔洗喺街食，好多時叫她唔好買嘢，但次次都會買今次都唔例外買咗雞上來，蒸魚炒菜簡簡單單又一餐

晚餐之花生炆豬手

今日星期六又輪到我休息，返多三個星期就結速我喺幼稚院煮飯的生涯，又要去搵過份，希望可以搵返文職真喺唔想做哩啲要做清潔的實在太辛苦，最好笑就喺哩啲工的人都好煩真喺唔好睇少，雖然唔洗返又喺要早，細又要開工，老公本來休息，但淋時有事都要返半日，咁搞掂她們出去我就買餸煲湯後去老豆到，星期六的例牌節目，今早買咗豬手又用之前同事送給我的另一名牌子燜燒鍋，真喺好好用將豬手出水後，先用些少油入煲去爆香薑片再加入豬手炒勻加酒同入花生，豉油同冰糖試味煮十分鐘回外煲，回來加熱試味就搞掂，炒個菜蒸魚又開飯

晚宴在帝京酒店

今日喺七一又放假，但都一早起大女出門去韓國玩，五點幾出去，又到細女教畫九點幾出去，搞掂哂都瞓唔到就整理下一部份嘢，今日同學嫁女約左幾個同學一齊去，好熱閙四十幾圍，啲後生真系好叻搞得好好，影完相走時就可以攞到好方便，就唔駛第日再比，第一次喺到食中菜啲食物真喺幾好，自助餐都食過幾次都覺得好好但價錢就貴咗啲，服務都好好，而家去飲都通常分好一份份，所以都唔好意思去影，後來都喺引唔住影咗先淋起影自己份都可以，一邊食一邊睇新人啲相，講下細個，相識的經過都喺哩啲嘢，食下傾下又散席已經十一點幾又喺時候回家