今日雖然星期日，因為電話哩幾日壞了都無咩心情，攞咗大哥部機回來昨晚搞到兩點先瞓，今早就起身再睇下點用，起咗就無再瞓因二個女都有嘢做，煮好早餐叫她們起身，搞好都喺九點左右，老公就叫我多瞓一會，但個人都醒就去超市同學校買嘢，見到雞做特價買只回去薑蔥蒸，只簡單用酒同鹽抹勻放入雪櫃，下午約咗朋友出去tea, 飲完回家返到去，個個已回就拿拿聲先蒸雞點知大女話焗得唔得，咁就加啲香草同蒜鹽去焗，差唔多焗完加蜜糖，兩個女就好開心，老公就幫我買餸時買咗鹵水鴨，炒菜蒸魚又開餐
話咁快又星期六，早起先煲咗湯帶啲回老豆到就返工，今日回去自己洗廚房唔洗出去幫手，花姐專登同我講話她會洗風扇，叫我去幫手咁就可以入廚房幫我洗，點知就嘢人不滿，問我是否自己唔識洗，話花姐都有自己工作，要等她做完哂先可以幫我，唔緊要我等得，趕唔切就唔洗，本來叫我抹牆同架，都無叫抹風扇，做唔切就唔做唔理得咁多，收工就回老豆到飲茶，清潔煮完晚餐就回家，今晚細妹又上來食，老公休息就叫他買魚，點知就買咗條大班話食好啲，再簡單炒個肉片同菜，阿妹來到又突然好想食麵又專登煮麵，哩個妹就喺咁大唔透唔知會麻煩人，但明知我哩個家姐最無所謂，搞掂又開飯
通常星期五都會去買魚，今日就唔洗因為5-8月的餐單改咗，每隔一星期才食一之，今日煲粟米馬蹄甘筍排骨湯，仔就食豆腐蒸肉碎同豆卜炒紹菜，大人就梅菜蒸肉餅，脆玉瓜炒腩片，今日啲人又自己帶餸，因為今日雪藏肉，好高級唔食雪肉，我今次就好醒，整細碟唔食都唔太浪費，但要有嘢比人睇，最後就唔淨太多，今晚回家本來簡單食出門前已整咗只豬手，只買菜同魚，點知阿妹又話上來食叫我唔洗特別加帶只果蒸糭上來，但話唔洗都唔好意思，甘就好快手整咗細碟梅菜肉餅，
時間真係好快又星期四，今日煲咗粉葛湯，仔食冬菇蒸魚柳同蒜茸蜜糖豆，我又加咗粟米同些少什豆咁就會吸引啲，大人就食冬菇豆卜炆排骨，西芹三式椒炒腩片同蒜茸油麥菜，啲人知道排骨喺新鮮就全部食哂，但腩片又去咗垃圾桶都無法，今晚放工返去見到啲烏頭好靚而且又好平買咗返去先記得家的咸檸檬用哂，就問啲女用豉汁好唔好，點知話清蒸最好，跟住家有新鮮檸檬咁就用咗只，好簡單半只搾汁另半只切片加些少薑去蒸，估唔到比咸檸檬更好味，以後唔洗專登買咸檸，滾咗節瓜湯，炒個菜簡簡單單又一餐
又到星期三啦食什糧，煲個南瓜百合肉碎粥，仔就加多個肉絲芽菜甘筍炒麵，大人就肉絲蘑菇炒伊麵，蒜茸生菜同燒賣，今人只比平時多炒些少，因多咗四個實習生，唔知點解好趕又係做到十二點先搞掂，今日連個幾個唔食麵的都去食，搞到唔太夠我自己都係食咗些少試味，如果那幾個唔搞嘢玩唔食，其實喺唔會點淨，樣樣要食新鮮，但雞翼，豬頸肉，雞扒同金沙骨又唔見要求新鮮，又一樣咁食只要有個玩其它就跟，我就好少理要食就食唔食我都無法，做好自己本份完咗就走人，今晚細女回來食就是旦滾咗個豆腐湯，炒滑蛋粟米肉粒，菜同蒸條細女最愛的豉汁黃立槍，快快手手又開飯啦
