玫瑰㷛煮鮋金魚頭素鴨

今晚收工去超市買左排骨就回家，老公昨天買了一個好大的鮋金魚魚頭同三文魚骨腩，本來想買三文魚頭但賣哂，魚檔話哩個更好叫老公買去試，老公就帶左返來，魚頭好大又未知點煮就留今晚，買左排骨淋住㷛排骨飯，細女話午餐食多左今晚唔食飯，叫我明晚先煮，咁就煮白飯比老公，今晚可以話喺魚餐，因為滾左個三文魚尾豆腐湯，鮋金魚頭㷛再炒多個菜，是是旦旦又一餐

材料：鮋金魚頭一個，素鴨一條，薑4～5片，蒜頭4～5粒，洋蔥半個，蔥1棵

洋蔥洗淨切條，素鴨一開二，蔥切絲

 魚頭洗淨加入1/4茶匙鹽搽勻全身

 先用玫瑰㷛煎香素鴨

 先煎香一邊再反轉另一邊，煎好回碟

 先放魚件煎香2邊

 煎好後回碟

 再放入魚頭又喺煎香2邊

 煎好又先回碟

 放入薑，蒜同洋蔥炒勻

 炒到金黃有香味

加入魚頭

 其它魚件

 加入豉油，糖

 蓋上蓋先煮10分鐘

 十分鐘後魚差不多熟透

 加入素鴨，蔥再煮5分鐘

開心燒烤在天水圍綠田園

今日家姐邀請我同老公跟她朋友的教會去左天水圍自助燒烤，太耐無去燒烤，以前一年最少五，六次，d女開始大，各有各忙就搞少左，今日先去教會祟拜再搭旅遊巴入去，喺官塘出發大約一個鐘車程，去到就先安排左我哋喺燒烤地點，我哋就先燒烤，食左一個鐘左右就四圍行吓，老公話以前來過最少2次，喺d女學校的活動，死我完全無印象，可能老人痴呆，哈哈哈，燒烤話自助但唔多野食，每人只有支水唔夠就自己買，食物就都係豬扒，牛扒，腸仔同丸，後來就有些少豆卜同青椒，但一轉就無，我都無食，好多人就可能熟悉環境自己帶野食，有番薯，蜆，青口，茄子，金菇……我以為只有我們無後來先知自己帶來，我淋唔係自助嗎？點解無咩野食，我哋行完返來，朋友話那人話我們攞得太多唔可再攞，我就話有冇攪錯就自己出去攞想要的，點知她就話無，其它的就要清左先，太差，環境都幾好，同細路去玩吓都幾好，但燒烤就唔會再淋，唔直

 沙畫檔

 湖可坐船四圍遊

 攞野食地方

 攞回來的燒烤食品

 我哋個圍有12人，每個爐只預十人，話轉頭來時加給我們，最後2支水都無給，我哋個圍就話算返正夠就算

 細路幾開心還擺post

 又去捉金魚

 路天卡拉ok

 茶館

 人力車可以坐上去影相

 哩只牛畫得幾靚

香草芝士腸仔包

年29到現在日日都好忙碌，今日終於好得閒，老公又回公司幫手，d女又出哂去，自己喺屋企做完野熨完衫無所事事又開機做包，但又未知做咩就開左麵機做麵團先，跟住摷雪櫃還有包腸仔就簡單做，做左幾個先淋起做以前女兒最喜歡買的腸仔包，剛出爐大女回來攞野就好開心立即食左個話好好味

 材料：腸仔8～10條，麵團

 將麵團整圓才開就會平均，先一開二

 一半再開六

 麵團料：高粉2.5杯，蛋1只，奶1杯，鹽1/8茶匙，糖1湯匙
                奶粉1湯匙，酵母1茶匙
先放濕料入麵包機，再放粉，奶粉，牛油，最後先放酵母
蓋上蓋按發麵9(dough),一個半鐘後就通知，就排氣再做型