今日又71啦時間真係過得好快，又過咗大半年以前今日一定約班同學飲茶後有部份同學就會上我家晚餐加雀焗，近幾年疫情就無，雖然而家開始復常，我又咁啱開工都未有邀請啲同學去我家，今日家中各人都休息，我就可以瞓晏啲7點起準備早餐後自己食埋就出門，回去後就好忙先睇BB需唔需要餵奶，如果要就先睇BB之前食幾多今餐要食幾多就先坐奶，再同她洗臉換片後奶就剛好可以餵，如果太肚餓半個鐘就搞掂，處理好BB就去清理早餐的碗碟，就洗奶樽通常一晚就一大盤太遲洗就好難乾，趕唔切個媽咪再泵奶時用，做好哂呢啲嘢就開始準備炒米茶，湯，午餐同燉湯，有時處理完個湯同午餐就好趕，食完午餐就燉湯，BB沖涼又到下一餐飲奶，之後就準備下午茶小食，晚餐後又差唔多收工BB 又一餐多數都餵埋先走，如果順利6點半前就走得如果唔係就再遲，所以最少都遲半個鐘到個半鐘
老公好誇張4個人煮咁多，可以食多幾晚
沒有留言:
發佈留言