喜歡煮食的我, 每日開心煮和大家分享每一餐
今日還未開工阿囡休息話同我食午餐，個媽咪終於入咗院見紅加穿水，諗住星期尾先開工就順便約咗家姐同姨姨女星期四去食放題，未開工先有時間，她們月中又回法國，阿囡問我想食咩提議好多最後我話食越南嘢，好耐無食，最近幾次都係食泰國嘢，跟住阿囡話就去官塘果間試，食評都唔錯，搵咗好耐先搵到只係一間小鋪連廁所都無，當時有需要叫我哋去最近的商場睇下，咁我哋就出去阿囡話食第二樣，最後去完洗手間都喺行返轉頭一試，叫咗2碗粉加拼盤，後來先知飲品咖啡，檸茶可加2蚊熱飲就再加咖啡同奶茶，呢間講到咁好，我就覺一般，價錢都唔平應該唔會再去，食飽飽同女周圍行之後我就買餸回家，阿囡約咗人，晚餐同老公就簡單滾埋一煲，簡簡單單又一餐
今日星期六還未開工，個媽咪見紅後個幾星期都未有其它動靜只有等，老公今日休息食咗簡單早餐就先出尖沙咀去攞個電視機盒，跟住出咗九龍城去睇糖餅，老公順便買咗2盒明天去拜我媽咪，清明未去等埋家姐喺法國回來先過去，喺九龍城食埋午餐又喺泰國菜，因為見到好多地方都有，老公就麻麻我就覺得要試下，實在太多間餐廳或店舖都係泰國菜，最後入咗間唔太大又唔太細的餐廳，坐低唔知叫咩就是但炒咗2個粉包汽水，其它就要加錢，普通咖啡奶茶就加10蚊，泰國嘢飲如果想唔飲甜嘢應該就咩嘢都唔啱，最近食咗幾次就知道，再試問呢間話少甜少冰，個姐姐話可以，點知嚟到多冰同甜到飲唔落，而我就要汽水以為可以攞走點知喺樽裝，餐牌影出嚟喺礶裝諗住唔飲都可以攞走，最後我哋都喺飲少少就放棄，埋單時個老板問我哋味道點食得慣嗎？我就話都可以但飲品就甜到飲唔到，她話泰國飲品全部都甜無論冷或熱，我話想飲無甜就唔洗飲，她話可以青檸soda 突然先記起上次同女食的泰國餐，下次再去食想飲就只可叫青檸soda，食飽飽諗住出九龍灣宜家買嘢，最後因已太晏又要回家準備明天拜祭物品，就去搭車返官塘買餸再轉車回家，老公就話啲人專登嚟九龍城買餸我哋都行下後直接搭車回家更方便，咁就去睇一睇好靜無咩好多檔，睇下啲魚買咗2條好大的元朗烏頭明天用，又見到條魚好似馬友好平一問原來喺台灣牛奶魚，話煎蒸都可以，但最好煲湯因為太多骨咁就買回家一試，最後老公話就咁蒸試味道，老公唔怕骨，怕啲女唔食就買多條鰻魚回家焗，簡簡單單又開餐
今日阿囡返2點話同我食完午餐先返工，原本喺去APM 的泰媽媽試過一次晚餐都幾好，今次試食午餐睇下有冇平嘢食，最後因時間關係阿囡話近近地去裕民坊附近嗰間食泰菜，食完搭車返工會方便啲，咁就去試下最初我係唔想入去嘅，因為每次我同老公去買餸之前都會路徑，見到呢間嘢好細同埋近馬路睇落好似麻麻地，但今次阿女話要我一定要一試佢話入面啲嘢非常好食佢食過，咁我就同阿女一齊入去，入面已經好多人我哋坐吧枱，見到一個女人一個人食海南雞豬扒餐，睇落都幾靚同加鳳爪一杯龍眼凍飲，而我哋就叫咗兩個餐一個係炒金邊粉，另外一個係湯牛肉牛丸湯粉配咗咖啡同埋奶茶再加一個芥蘭同埋一個牛舌，啲嘢食真係幾好下次可以試下海南雞，食飽飽飲嘢先知原來佢啲飲品全部都已經加哂糖無論凍或熱，所以杯咖啡無飲阿囡就問他們點解喺甜，所以先知喺無得㨂，個伙記好好話改凍青檸梳打只有呢個無加糖，咁我話好一試，最驚喜喺不用另收費，阿囡去搭車回公司我就買啲餸回家準備晚餐，簡單蒸魚炒菜，電飯煲煮豉油雞配木瓜湯又開餐
知道個媽咪未有動靜，昨晚約咗班同學出嚟午聚，大家都喜歡去飲茶而且喺去開果間，唔需要點等，可以坐3-4個鐘都無人理，啲點心都唔錯又唔貴，而家又話巿道唔好，但好多酒樓，餐廳或者食放題都限時1個鐘到2個半鐘，我喜歡時間長有2個半鐘以上就好啲，最怕60分鐘，或90分鐘啲時間，趕時間食完又要搵地方坐低再繼續傾，今日大家都傾得好開心，11點幾坐到差唔多4點先走，原來紅雨都唔知，有個同學收到話可能改黑就大家拿拿林各自回家，因為紅雨細女話唔去補習可以回來食，咁就煮多啲，煮咗麻辣雞軟骨大女話想食，沙嗲肥牛粉絲煲細女最愛再蒸條馬友老公最愛，開開心心又開飯
今日都喺未開工，本來約咗朋友星期三去銅鑼灣一間懷舊西餐廳食午餐，最後改在今日去她家附近的餐廳食意大利菜，因為上星期五晚個媽咪通知我話見紅，以為好快開工就通知朋友改今日，點知到個媽咪都無動靜未入醫院，好彩朋友唔介意只係時間比較趕，通常我哋食完午餐都會邊傾邊散步1-2個鐘先各自回家，今日食完點半左右就各自回家，開工後又會忙要等完工先再約，而呢個朋友成日周圍去，我完工可能她又去咗旅行，所以要啱時間先可以出嚟一聚，呢間餐廳我第一次嚟，環境都好清靜可能太早未太多人，差唔多一點就比較嘈，我哋叫咗2個3款的午餐，呢度有2款百幾蚊同3款就2百多少少，原本個friend 話2款都夠我話share再3款，我諗住今次我比所以叫多啲，其實都唔太多嘢，每人一個湯，2個沙律同2個主菜，另加18要杯普通咖啡或茶，我哋都叫咗咖啡，食物精緻都好好，只係個意大利飯米唔太熟好硬，個friend 食咗唔多我就唔浪費食哂，哈哈哈
先嚟麵包好特別唔係比牛油喺有碟醋加油，朋友話喺點包
雞肉沙律
粟米湯
主菜意大利腸意粉
牛肉意大利飯
話咁快又星期日啦，今日可以瞓晏啲，雖然完工可以多休息但約咗啲媽咪，每日早起搞掂各人出門，自己搞掂都出去，今日可以休息一下，但都喺8點幾起咗，嚟緊5月尾的媽咪星期五晚突然話見紅諗住好快就開工，點知等到今日還未入院生，她緊持順產所以未有其它動靜就唔入院，知道第一胎見紅未咁快，穿水同有規律陣痛先會快，而我就覺得好難講，剛完工的媽咪係見紅就立即入院，雖然未有跡象，點知到晚上開始陣痛啲姑娘都話未咁快，點知突然快到自己都唔記得喺點生，真係好好彩，見到有咁情況我都以為呢個媽咪會好快，無諗過第三日都未入院又無動靜，搞到我本來嚟緊幾日約咗人都取消或改期，而家只有喺度等，午餐同老公出去飲茶買埋餸就回家，今晚細妹過嚟食飯，想食魚香茄子同蝦，咁就煮咗她最喜歡的2個餸，開開心心又一餐
