今日約咗朋友喺官塘飲茶，她約我去鴻星酒樓，點知喺27號已結業，朋友又唔喜歡去龍寶，咁就喺APM鱷魚卹中心是但搵一間，稻香都有去過，今次就試第二間去咗凱日飲下午茶，門口非常之多人，但見到係入面冇人應該個個都係等下午茶，我早咗所以大概等咗廿分鐘開始畀人入，叫我時就安排坐門口，我非常之不滿最唔喜歡坐，見到側邊有位，跟住就叫佢轉位話有人，本來就無跟住就比咗個自己入嚟搵位的人應該又喺唔喜歡安排的位自己去坐過，我堅持最後都畀轉但就要等好耐因為嗰張枱未執無人理，執咗的又唔比，見朋友未到就照等，其他枱執好都唔畀莫名其妙可能玩嘢，之後坐低通知返朋友，下午茶都有啲孖寶46個幾，有啲粉麵我哋嗌咗幾個孖寶同碗粉埋單差唔多250蚊左右，下午茶價錢嚟講都應該貴，時間過得好快傾下食下已經好晏，我哋坐到3點半就叫我哋埋單先，可以繼續坐4點左右先收，我繼續坐到四點幾先走因為太耐冇見呢個朋友講極都唔停，我見已經連燈都關就話下次繼續各自回家買餸，返到家附近買咗啲排骨諗住整叉燒骨，因為太晏最後就簡單整個糖醋骨喺個飯煲度將啲骨煎一煎加啲酒加啲醋加啲糖加啲薑半個鐘頭就搞掂非常之方便，跟住再煮咗一個雜錦米線同埋煮嗰鯇魚快快手手又開餐
沒有留言:
發佈留言