今日仍然放假個個唔需要返，我就唔需要早起，但自己就要開工，每日返去都好忙，先清楚媽咪早餐的碗碟後清理埋昨晚的湯渣煲先可以去洗一大盤的奶樽同泵奶氣，呢個媽咪無工人，老公又返工個媽咪怕老公辛苦自己全照顧個女，我去到就立即回房休息，最記得第一個星期日放完假回去倒湯渣時發現星期六的無倒就咁加星期日的湯料一齊煲，我無諗過咁離譜之後同他們講最好清理咗先原全唔同味好浪費而且再煲就無營養而且可能有問題，之後星期一回去時就無再見，老公放假今晚又買餸煮，回家沖完涼就開餐
喜歡煮食的我, 每日開心煮和大家分享每一餐
2024年3月29日星期五
晚餐之復活節假豐富晚餐
唔經唔覺已經返咗大半個月喇，返咗工之後都好忙晚晚唔係一煲過就外賣，今日老公開始放復活節假，今晚可以煮返餐知我喜歡專登買蟹，我雖然好鍾意食但係太攰都唔係太想食，留咗部分明日星期日放假阿妹過嚟，都喺最鍾意食嘅蟹，做咗大半個月BB 頭幾日好乖食得好又瞓得好，好快就退黃，但跟住第二個星期就開始食飽都唔瞓要人抱，呢個媽咪辛苦啲無姐姐幫手，晚間自己跟老公要返工，她又唔想嘈醒老公，所以阿囡咸就立即抱，自己餵奶同換片，所以我早上都盡量早雖然返10點15分，好多時都9點半左右就到，如果去健康院就8點幾因為媽咪約得早，晚上盡量搞掂哂餵埋BB 先走等媽咪可以休息，晚間無得瞓都唔太辛苦，好多時都遲成個鐘，最遲個半鐘，所以都喺辛苦老公煮，每晚返去沖完涼就有得食，食完喺sofa休息一下，點知成日都瞓咗到11-12點起身準備些少明天的早，午餐就去休息
鯇魚
豬腰肉餅
田雞飯
五指毛桃瑤柱雞湯
2024年3月24日星期日
晚餐之是旦食
開工差唔多個幾星期非常忙，今日星期日有得休息但一樣晨早起要準備嘢去拜老豆，因為家姐又要過法國而家要有車上先好，個個年紀大唔喺點行得，約咗家人十點山腳等，好多年無見咁熱鬧，車隊都排差唔多成個鐘，上到去都就藤12點今日天氣好好，實在太熱每次都會陪老豆食嘢先走，今次就太熱只係家姐同姐夫食些少嘢就搭返車落山後喺附近飲茶休息一下，阿妹叫咗好多嘢話要請我哋，咁今晚就是旦整比啲女食，拜完山的雞，乳豬同魚加多個菜煮個忌廉湯就開餐
午餐叫咗個套餐都幾豐富加多幾個點心同叫咗姐夫最愛的燒鵝例$168
呢個龍躉飯，姐夫話唔係太新鮮所以覺得麻麻，我就覺得幾好，可能唔識食只係覺得少咗啲，得幾塊
2024年3月17日星期日
晚餐之麻辣雞煲加打邊爐
今日星期日可以休息，正常開工2日啲媽咪都需要我星期日做埋遲啲先計返呢日，呢個媽咪覺得唔需要因為囡囡好乖食飽就瞓她們搞得掂，其它等星期一我返先處理，只準備咗湯同2日的早餐比她們，咁我就可以休息一下，好彩對腳搽咗藥油同貼咗膏布好咗好多，行得好啲無咁痛但喺都要慢，星期日都喺瞓到8點幾，起身整早餐同老公食，啲女瞓到夠有需要先整，食完早餐就清潔一下同睇下要買定下星期她們帶飯啲料，今日約咗細妹飲茶，飲完就買餸回家，2個女今晚喺到食話食麻辣雞，阿妹又話要打邊爐，每次麻辣雞都要2只雞，今次無茄子就咁煮好食完就加水入去打邊爐，其實打邊爐興趣唔喺好大，因為開工都喺一煲過同打邊爐無咩分別，阿妹就好開心買咗pack魚皮話啱哂打邊爐，簡簡單單又開餐
今次好多芫茜
雞煲
滾起就食得
食完雞就加水加菜，丸
2024年3月15日星期五
晚餐之老公煮
今日終於開工啦，媽咪喺12號生咗，正常喺政府醫院順產2日就出得，星期三同買四全日在家等，他們都以為2日就出好緊張怕星期二就出院問我是否可以開工，我已隨時準備開工，通常第一胎會第三日先出我叫她們放心要跟哂大同細都無事先會出，點知在家等足2日都唔咁出門，隨時攞嘢就開工，最後今日先開工，昨晚她們先出院，她們又好急約咗9點出健康院，我正常會同她們去，但太遠我盡趕，個媽咪話唔緊要有婆婆同爸爸去，今日5點幾起身搞掂咗老公出門整埋早，午餐比他們後自己食咗早餐就出門，太早只係買到菜同肉去到8點幾，先睇下她們出門的物品，已經提咗媽咪所有出院文件要帶去健康院，點知個媽咪無啦啦攞起最重要的針咭，本來喺屋企整定嘢最後都喺跟到完先一齊回家，初生第一次去健康院好忙通常3個鐘左右，先登記填表等磅重見姑娘最後見埋醫生，一齊都好，體重又有增就book期滿月打針就走得，如果黃喺高峰期一般過幾日就要去多次，BB黃就未得體重有增咁就星期一再嚟睇黃，跟住回去已經差唔多一點先趕午餐比她們食，好彩出門前已煲好湯，是旦炒個菜，蟲草花煎肉餅同三式椒炒肉眼根，邊洗邊煮搞掂就開餐，我就是旦食咗幾條菜同BB沖涼跟住清潔再跟媽咪啲人奶好忙好忙，搞掂哂差唔多7點回家時對腳痛到寸步難行感覺好腫脹，事因補送文件去健康院太心急喺佢哋屋苑行落去搭地鐵，喺屋苑嗰度出到商場行去地鐵時原來有兩梯級因為冇諗過有梯級同好平，點知一腳踩落去就趴咗喺度，有無人幫好辛苦先起到身，好彩行到就繼續行快步趕去，回去後又不停做連水都無咩點飲，收工時先知痛比平時多用半小時回家，因行去地鐵10分變20分要落差唔多40步的樓梯最慘喺落，慢慢一步一步落，再行先入到地鐵，跟住又要行一段路轉小巴回家，今晚老公回家簡單準備晚餐清雪櫃等我食，個人攰到唔識旭喺sofa叫老公搽油再貼後就瞓著咗
之前買咗2條，叫老公焗埋
2024年3月13日星期三
晚餐之四餸一湯
以為明天開工，今日一早就起整好早餐同午餐各人出門後清潔同準備明天開工的嘢，個媽咪星期一見紅入院到夜晚12點幾開始陣痛後2個幾鐘就生咗好開心，本來安排星期四入院安排星期五催山，可能BB 唔鐘意個時間，自己就提早走出嚟，媽咪同爸爸就好緊張以為今日出得院，問我可唔可以開工，我就話唔會咁快應該星期四就差唔多，他們怕喺會比人趕出院，我就叫她們放心，昨日BB先出嚟又喺第一胎都要教媽咪點照顧BB同餵奶，今日喺屋企等咗一日無出去，雪櫃都有餸諗住清一清，開工後就無時間煮餸通常一煲過或外賣，特別開工頭幾日一定夜，今晚就煮豐富啲魚，肉同菜加多個茄子肉鬆好餸飯同豆腐忌廉湯，搞掂齊心又開餐
紫洋蔥雞脾菇炒西蘭花
2024年3月11日星期一
晚餐在尖沙咀彩福
今日都喺一早起身準備好早，午餐就在家清潔一下就覆下whatapp上下綱，今晚約咗班同學食飯，疫情過後而家開始又可以一個月一次聚會，雖然有個同學去咗澳洲，我們聚會都照約，多數都喺尖沙咀因為就一個同學放工後嚟，今次有同學提議再去試彩福，上次去過價錢貴之餘，食物麻麻諗住幾年無去睇下有冇改善，提議的同學先到坐低提下有咩嘢食，但都無咩特價嘢，四人餐都要7百幾未計茶錢小食同加一，最後都喺每人揀一個餸，今次有啲餸都好味，之後又叫咗2個燉椰皇同紅豆糕一齊share，傾下食下又差唔多十點就埋單各自回家
豆腐拼鮮魷，豆腐好味，鮮魷就麻麻
南乳齋煲
柚子骨
燒腩仔
紅豆糕得幾粒好細，一人試少少
半只炸子雞
呢個係攞獎叉燒但我覺得一般
燕窩燉椰皇
訂閱：
文章 (Atom)