BB 滿月日

時間過得好快，唔經唔覺開工踏入第二個，BB已經滿月啦由2.8到而家4kg左右，肥do do 好可愛，開始搵人傾計同玩，日間唔喺點瞓又要人抱，搞到日日都好忙，唔係自己一手湊BB 好難乖，2個姐姐有人見到就出嚟，BB 未咸少少聲就抱，搞到我忙到暈，早上最忙2個就唔見人，煮好午餐就見到人，新嚟的最好笑，廳無人或2個主人出咗去就連BB咸到好大聲都無反應，我就行出行入去搞BB又要趕午餐，有2個姐姐更忙到好攰，回家又夜所以BB滿月成個星期今早喺車都要入嚟寫下，BB 滿月個媽咪晚上都約咗人，所以我自己就安排午餐豐富啲，整咗紅蛋，芝士蛋糕，班蘭蛋糕同送咗只雞同魚祝她們一家健康甜蜜愉快幫她們慶祝，最後嫲嫲爺爺都嚟午餐因為好多餸，就提議叫埋嫲嫲爺爺早啲過嚟一齊食午餐，之前諗住午後過嚟食雞蛋同蛋糕就算，餐飯雖然簡單但好開心，以前啲人都喜歡出外慶祝或叫親友回家慶祝，但疫情已經少連百日都好多無搞只係自已在家同BB 慶祝就算

手撕雞配芝麻醬

咕嚕蝦，甜豆炒鮮魷，蒸紅鮪，燒肉

我整咗紅雞蛋，芝士蛋糕，班蘭蛋糕

滿月日婆婆帶嚟壽桃

頭3星期，啲姐姐未開始跟，仔仔好乖食飽就自己玩，而家就慘，早上最趕BB 又要人抱，2個唔見影，有時媽咪出嚟見到就幫我抱等我去整午餐同湯

家姐舊年湊而家16個月講嘢已經好叻